ଏମାର ମଠରେ ନୂଆ ଟ୍ରଷ୍ଟକୁ ଦାୟିତ୍ୱ ହସ୍ତାନ୍ତର ପ୍ରସଙ୍ଗ : ମାଜିଷ୍ଟ୍ରେଟ ଓ ପୋଲିସ ଉପସ୍ଥିତିରେ ମଠରେ ପ୍ରବେଶ କଲେ ନୂଆ ଟ୍ରଷ୍ଟର ସଦସ୍ୟ
ଆଗରୁ ଦାୟିତ୍ୱ ହସ୍ତାନ୍ତର ପାଇଁ ସହଯୋଗ କରୁନଥିଲେ ମଠ ମହନ୍ତ
କନକ ବ୍ୟୁରୋ : ପୁରୀର ଏମାର ମଠର ନୂଆ ଟ୍ରଷ୍ଟିର କାର୍ଯ୍ୟଭାର ଗ୍ରହଣକୁ ନେଇ ବିବାଦ ଲାଗି ରହିଥିବା ବେଳେ, ଆଜି ପୋଲିସ ଓ ମାଜିଷ୍ଟ୍ରେଟଙ୍କ ଉପସ୍ଥିତିରେ ମଠରେ ପ୍ରବେଶ କରିଛନ୍ତି ଏମର ମଠର ଟ୍ରଷ୍ଟର ସଦସ୍ୟମାନେ । ପୁରୀର ଏହି ଐତିହ୍ୟ ସଂପନ୍ନ ମଠର ପରିଚାଳନା ଦାୟିତ୍ୱ ଟ୍ରଷ୍ଟ ହାତକୁ ଯିବା ପରେ ମଧ୍ୟ ମଠର ମହନ୍ତ ମହାରାଜ ଏଥିରେ ସହ ଯୋଗ କରୁନଥିଲେ । ଏହି ପ୍ରସଙ୍ଗକୁ ନେଇ ମଠର ନୂଆ ଟ୍ରଷ୍ଟ ବୋର୍ଡ ପ୍ରଶାସନର ଦ୍ୱାରସ୍ଥ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପରେ ଆଜି ମାଜିଷ୍ଟ୍ରେଟଙ୍କ ଉପସ୍ଥିତିରେ ଏମାର ମଠର ଟ୍ରଷ୍ଟର ନୂଆ ସଦସ୍ୟମାନେ ଏମାର ମଠରେ ପ୍ରବେଶ କରିଛନ୍ତି । ଏମାର ମଠର ନୂଆ ଟ୍ରଷ୍ଟ ବୋର୍ଡ ଅନୁସାରେ ଝଞ୍ଜାପିଟା ମଠର ମହନ୍ତ ବାବା ସଚ୍ଚିଦାନନ୍ଦ ମହାରାଜଙ୍କୁ ମଠର ଦାୟିତ୍ୱ ଦିଆଯାଇଛି । ଆଜି ମାଜି ଷ୍ଟ୍ରେଟ୍ ଦୁଇ ପ୍ଲାଟୁନ୍ ଫୋର୍ସ ଉପସ୍ଥିତିରେ ଏମାର ମଠର ଦାୟିତ୍ୱ ହସ୍ତାନ୍ତର ପ୍ରକ୍ରିୟା ଆରମ୍ଭ କରିଛନ୍ତି ।