ପୋଲିସ ହେବ ତ ଏମିତି !ଆଇଆଇସିଙ୍କ ବଦଳି ଅର୍ଡର ଆସିବା ପରେ ରାସ୍ତାକୁ ଓହ୍ଲାଇଲେ ସାଧାରଣ ଲୋକ, କହିଲେ ଆଇଆଇସିଙ୍କୁ ବଦଳାଇଲେ ନିଆଁ ଜଳିବ । ଦେଖନ୍ତୁ ଭିଡିଓ
କନକ ବ୍ୟୁରୋ : ପୋଲିସ ହେବ ତ ଏମିତି । ସାଧାରଣତଃ ପୋଲିସ ଟ୍ରେନିଂ ସମୟରେ ସାଧାରଣ ଲୋକଙ୍କ ସେବା କରିବା ପାଇଁ ତାଲିମ ଦିଆଯାଇଥାଏ ।ସାଧାରଣ ଲୋକଙ୍କ ରକ୍ଷକ ଭାବେ କାର୍ୟ୍ୟ କରିବାକୁ ଦିଆଯାଇଥାଏ ତାଲିମ । କିନ୍ତୁ ଦେହରେ ବର୍ଦ୍ଦି ପିନ୍ଧିବା ପରେ ଏହି କଥାକୁ ଅଧିକାଂଶ କର୍ମଚାରୀ ଭୁଲି ଯାଇଥାନ୍ତି । ଯେଉଁଥିପାଇଁ ପୋଲିସ ବିଭାଗକୁ ନେଇ ସାଧାରଣ ଲୋକମାନଙ୍କ ମନ ମଧ୍ୟରେ ନକରାତ୍ମକ ଚିତ୍ର ରହିଛି । ଆଉ ଏହି ଧାରଣା ଯୋଗୁଁ ସବୁବେଳେ ଲୋକ ପୋଲିସ ଠାରୁ ଦୁଇପାଦ ଦୂରରେ ରହିବାକୁ ଚାହିଁଥାନ୍ତି । କିନ୍ତୁ ଆସ୍କା ଥାନା ଅଧିକାରୀଙ୍କ କାହାଣୀ ସେଭଳି ଧାରଣାକୁ ଭୁଲ ପ୍ରମାଣିତ କରିଛି । ପୋଲିସ ପାଇଁ ରାଜରାସ୍ତାକୁ ଓହ୍ଲାଇଛନ୍ତି ସାଧାରଣ ଜନତା ।
Kanak News is now on WhatsApp
Join and get latest news updates delivered to you via WhatsApp
ବିପଦର ବନ୍ଧୁ ସାଜି ସାଧାରଣ ଜନତାଙ୍କ ସାଥୀରେ ଛିଡା ହେଉଥିବା ଆସ୍କାର ଆଇଆଇସି ସନ୍ତୋଷ କୁମାର ଜେନାଙ୍କ କାହାଣୀ ପୋଲିସ ପ୍ରତି ଲୋକଙ୍କର ଥିବା ମନୋଭାବକୁ ବଦଳାଇବାକୁ ଯଥେଷ୍ଟ । ଅଧିକାଂଶ ଲୋକ ପୋଲିସ ଠାରୁ ଦୂରେଇ ରହିବାକୁ ଚାହୁଁଥିବା ବେଳେ ଆସ୍କା ଥାନାଅଧିକାରୀଙ୍କୁ ଝୁରୁଛନ୍ତି ସ୍ଥାନୀୟ ବାସିନ୍ଦା । କାରଣ ନିଜ କାର୍ଯ୍ୟକାଳ ସମୟରେ ଆସ୍କାବାସୀଙ୍କ ପାଇଁ ବିପଦର ସାଥୀ ଭାବେ ଛିଡା ହୋଇଛନ୍ତି ସନ୍ତୋଷ । ତିତିଲି କଥା ହେଉ ଅବା ଅପରାଧ ଦମନ ସବୁ ସମୟରେ ସାଧାରଣ ଲୋକଙ୍କର ରକ୍ଷକ ସାଜିଥିଲେ ସନ୍ତୋଷ । ତିତିଲି ବାତ୍ୟା ପରେ ଆସ୍କାରେ ଯେଉଁଭଳି ପ୍ରଳୟଙ୍କାରୀ ବନ୍ୟା ଦେଖା ଦେଇଥିଲା ସେଭଳି ସମୟରେ ଦେବଦୂତ ସାଜି ଉଭା ହୋଇଥିଲେ ସନ୍ତୋଷ । ତିତିଲି ବାତ୍ୟା ସମୟରେ ଯେତେବେଳେ ଅଫିସର ମାନେ ଏସି ରୁମରେ ବସି ମନିଟରିଂ କରୁଥିଲେ ସେଭଳି ସମୟରେ ଅଣ୍ଟାଏ ପାଣିରେ ପଶି ଲୋକଙ୍କ ପାଖରେ ପହଞ୍ଚିଥିଲେ ଏହି ପୋଲିସ ଅଫିସର । ଆଉ ଏହି ଛୋଟିଆ ପ୍ରୟାସ ଯୋଗୁଁ ଆସ୍କାବାସୀଙ୍କ ବିଶ୍ୱାସଭାଜନ ହୋଇପାରିଥିଲେ ସନ୍ତୋଷ ।
ଏହାଛଡା ଦେଢ ବର୍ଷର ରହଣି ସମୟରେ ଆସ୍କାରେ ଅପରାଧୀଙ୍କୁ ଦମନ କରିବା ସହ ସାଧାରଣ ଲୋକଙ୍କ ପାଇଁ ରକ୍ଷା କବଚ ସାଜି ଛିଡା ହୋଇଥିଲେ । ଯେଉଁଥିପାଇଁ ଆଇଆଇସି ସନ୍ତୋଷ କୁମାର ଜେନା ସମସ୍ତଙ୍କର ପ୍ରିୟଭାଜନ ହୋଇପାରିଥିଲେ । ଆଉ ଯେତେବେଳେ ଦୀର୍ଘ ଦେଢ ବର୍ଷ ପରେ ଆସ୍କା ଥାନାରୁ ଆଇଆଇସି ସନ୍ତୋଷ ଜେନାଙ୍କର ବଦଳି ହେବାକୁ ଯାଉଛି ସେତେବେଳେ ରାଜରାସ୍ତାକୁ ଓହ୍ଲାଇ ଆସିଛନ୍ତି ସାଧାରଣ ଜନତା । କେବଳ ଗୋଟିଏ ସ୍ଥାନ ନୁହେଁ ବରଂ ଆସ୍କାର ବିଭିନ୍ନ ଅଞ୍ଚଳରେ ଲୋକେ ରାଜରାସ୍ତାକୁ ଓହ୍ଲାଇଛନ୍ତି । କାରଣ ନିଜ ପ୍ରିୟ ଥାନାଅଧିକାରୀଙ୍କୁ ଛାଡିବାକୁ ନାରାଜ ଆସ୍କାବାସୀ । ଆଉ ଏଭଳି ସ୍ଥିତିରେ ମଧ୍ୟ ଲୋକଙ୍କୁ ବୁଝାଇବାକୁ ପଛାନାହାନ୍ତି ସନ୍ତୋଷ । ନିଜର ବଦଳି ବିଷୟରେ ଏସପିଙ୍କ ସହ କଥା ହେବାକୁ କହିବା ପରେ ଲୋକେ ଧାରଣାରୁ ଉଠିଛନ୍ତି ।