ଲାଭ ଦେଉଛି ଲେୟର ଫାର୍ମିଂ କୁକୁଡ଼ା ଫାର୍ମ: ଆଧୁନିକ ଜ୍ଞାନ କୌଶଳ ଉପଯୋଗ କରି ଫାର୍ମରୁ ଉତ୍ପାଦନ କରୁଛନ୍ତି ଦୈନିକ ୨୦ ହଜାର ଅଣ୍ଡା
କନକ ବ୍ୟୁରୋ: ଲେୟର ଫାର୍ମିଂ ଜରିଆରେ କୁକୁଡ଼ା ଫାର୍ମ କରି ଲାଭବାନ ହୋଇଛନ୍ତି ଦେବଗଡ଼ର ଯୁବ ଇଂଜିନିୟର ଶୋଭେନ ସାମଲ । ସିଭିଲ ଇଂଜିନିୟରିଂରେ ବିଟେକ୍ ଶିକ୍ଷା ହାସଲ କରିବା ପରେ କୌଣସି ଚାକିରୀ ପଛରେ ନପଡ଼ି ନିଜ ଜମିରେ ଆରମ୍ଭ କରିଛନ୍ତି କୁକୁଡ଼ା ଫାର୍ମ । ପାରମ୍ପରିକ ଫସଲ କରିବା ଅପେକ୍ଷା ଉନ୍ନତ ଜ୍ଞାନ କୌଶଳ ଉପଯୋଗ କରି ସେ ଏଥିରେ ଲାଭବାନ ହୋଇଛନ୍ତି । ଜିଲ୍ଲା ପ୍ରାଣୀଧନ ବିଭାଗ ସହାୟତାରେ ୪୦ ପ୍ରତିଶତ ସବସିଡି ସହ ଦେଢକୋଟି ଟଙ୍କା ଋଣ ନେଇ ଏକ ବର୍ଷ ପୂର୍ବେ ଅରମ୍ଭ କରିଥିବା ଲେୟର ଫାର୍ମ ଏବେ ଉତ୍ପାଦନକ୍ଷମ ହୋଇଛି । ୨୨ହଜାର କୁକୁଡାଙ୍କ ଠାରୁ ଦୈନିକ ପ୍ରାୟ କୋଡିଏ ହଜାର ଅଣ୍ଡା ଉତ୍ପାଦନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଫାର୍ମରୁ ଉତ୍ପାଦିତ ହେଉଥିବା ଅଣ୍ଡା ସ୍ଥାନୀୟ ବଜାର ଚାହିଦା ପୂରଣ କରିବା ସହ ପଡୋଶୀ ଜିଲ୍ଲା ଗୁଡିକୁ ମଧ୍ୟ ରତ୍ପାନୀ କରାଯାଉଛି । ଏହି ଉଦ୍ୟୋଗରେ ୧୨ରୁ ୧୩ ଜଣ କର୍ମଚାରୀ ଦୈନିକ କାର୍ଯ୍ୟରେ ନିୟୋଜିତ ହୋଇଥିବାରୁ ୧୨ ରୁ ୧୩ ପରିବାରଙ୍କୁ ରୋଜଗାର ମଧ୍ୟ ମିଳିପାରୁଛି । ସେହିପରି ଏଠାରେ କର୍ମ ସଂସ୍ଥାନ ପାଇଥିବା କର୍ମଚାରୀ ମାନେ ଘର ପାଖରେ କର୍ମସଂସ୍ଥାନ ପାଇପାରିଥିବାରୁ ଆଗ ଭଳି ଅନ୍ୟ ରାଜ୍ୟକୁ ଯିବାକୁ ପଡୁନାହିଁ ବୋଲି ମତ ପ୍ରକାଶ କରିଛନ୍ତି ।
ଦିନକୁ ଦିନ ବେକାରୀ ସମସ୍ୟା ଉକ୍ରଟ ହେଉଥିବା ବେଳେ ପାଠ ପଢି ଚାକିରି ପଛରେ ଗୋଡ଼ାଇ ସମୟ ନଷ୍ଟ କରୁଛନ୍ତି ଯୁବପିଢୀ । ଏଭଳି ସ୍ଥିତିରେ ଶୋଭେନଙ୍କ ଉଦ୍ୟମ ଅନ୍ୟମାନଙ୍କ ପାଇଁ ପ୍ରେରଣା ପାଲଟିଛି ।