ନିଶା କାରବାରକୁ ନେଇ ଗ୍ୟାଙ୍ଗୱାର ପେରେ କମିଶନରେଟ ପୋଲିସର ସତର୍କତା । ତଡ଼ିପାର ହେବେ ପେଶାଦାର ଅପରାଧୀ
କନକ ବ୍ୟୁରୋ: ଅଭ୍ୟାସଗତ ପେଷାଦାର ଅପରାଧୀଙ୍କ ବିରୋଧରେ ତଡ଼ିପାର ପାଇଁ ସିପିଙ୍କୁ ସୁପାରିଶ କରାଯିବ ବୋଲି କହିଛନ୍ତି ଭୁବନେଶ୍ୱର ଡିସିପି । ଏହି ଅପରାଧୀମାନେ ଭବିଷ୍ୟତରେ ଅପରାଧ ଘଟାଇବାର ଆଶଙ୍କା ରହୁଛି । ତେଣୁ ସେମାନଙ୍କୁ ତଡ଼ିପାର କରିବା ପାଇଁ ଯୋଜନା କରୁଛି କମିଶନରେଟ ପୋଲିସ୍ ।
Kanak News is now on WhatsApp
Join and get latest news updates delivered to you via WhatsApp
ଭୁବନେଶ୍ୱର ମାଷ୍ଟର କ୍ୟାଂଟିନରେ ଦୁଇ ଗୋଷ୍ଠୀ ମଧ୍ୟରେ ମାରପିଟ ଘଟଣାରେ ପ୍ରତିକ୍ରିୟା ରଖି ଡିସିପି କହିଛନ୍ତି ଯେ, ଏହି ଘଟଣାରେ ମୁଖ୍ୟ ଅଭିଯୁକ୍ତ ରାଜା ସମେତ ଦୁଇ ଜଣଙ୍କୁ ଗିରଫ କରାଯାଇଛି । ୧୦ରୁ ଅଧିକ ଫେରାର ଅଛନ୍ତି । ଫେରାର ଥିବା ଅଭିଯୁକ୍ତମାନଙ୍କୁ ଖୁବଶୀଘ୍ର ଗିରଫ କରାଯିବ ବୋଲି କହିଛନ୍ତି ଡିସିପି ।
ସେପଟେ ନିଶା କାରବାରକୁ ନେଇ ଭୁବନେଶ୍ୱର ମାଷ୍ଟରକ୍ୟାଂଟିନ ଛକରେ ଗ୍ୟାଙ୍ଗୱାର ପରେ ପୋଲିସର ପଦକ୍ଷେପ ଆରମ୍ଭ । ଛକରୁ ଉଠିବ ସମସ୍ତ ଉଠା ଦୋକାନ । ନିଶା କାରବାରକୁ ନେଇ ଗ୍ୟାଙ୍ଗୱାର ପରେ ଆରମ୍ଭ ହୋଇଛି ସଫେଇ ଅଭିଯାନ । ରାଜଧାନୀ ଭୁବନେଶ୍ୱରର ସବୁଠାରୁ ଜନଗହଳିପୂର୍ଣ୍ଣ ଅଂଚଳକୁ ଅବରୋଧ ମୁକ୍ତ କରିବାକୁ ଚାହୁଁଛି ପୋଲିସ । ସେହି କ୍ରମରେପ୍ରଥମେ ଏଠାରେ ଥିବା ଉଠାଦୋକାନୀଙ୍କୁ ଖାଲି କରାଯିବ ।
ଗତକାଲି ହଠାତ୍ ମାଷ୍ଟରକ୍ୟାଂଟିନ ଛକରେ ଯୁବକଙ୍କୁ ରାସ୍ତା ଉପରେ ଗୋଡାଇ ଗୋଡାଇ ହାଣୁଥିଲେ ଦୁର୍ବୃତ । କେହି କିଛି ଜାଣିବା ପୂର୍ବରୁ ଖଣ୍ଡାରେ ମାରିଚାଲିଥେିଲେ ଚୋଟ ପରେ ଚୋଟ । ମାଷ୍ଟରକ୍ୟାଂଟିନ ଭଳି ଜନଗହଳିପୂର୍ଣ୍ଣ ଅଂଚଳରେ ପ୍ରାୟ ୧୫ ମିନିଟ କାଳ ଏଭଳି ଆତଙ୍କରାଜ ଚାଲିଥିଲା । ମାଷ୍ଟରକ୍ୟାଂଟିନ ଗ୍ୟାଙ୍ଗୱରରେ ୩ ଜଣ ଆହତ ହୋଇଛନ୍ତି । ସବୁ ଅଭିଯୁକ୍ତକୁ ଚିହ୍ନଟ କରାଯାଇଛି । ସିସିଟିଭିକୁ ତନ୍ନ ତନ୍ନ ଯାଂଚ କରାଯାଉଛି । ନିଶା କାରବାରକୁ ନେଇ ଯୁକ୍ତିତର୍କ ପରେ ହଠାତ ଦୁଇଗୋଷ୍ଠୀ ମୁହାଁମୁହିଁ ହୋଇଥିବା ସନ୍ଦେହ କରୁଛି ପୁଲିସ ।