ମହିଳା ଦିବସରେ ମହିଳାଙ୍କ ପାଇଁ ପ୍ରେରଣା ! ଦେଶର ପ୍ରଥମ ମହିଳା କମ୍ବାଟ ଅଫିସର ହେଲେ ବିହାରର ପ୍ରକୃତି
କନକ ବ୍ୟୁରୋ : ବିହାର ସମସ୍ତିପୁର ଜିଲ୍ଲାର ୨୫ ବର୍ଷିୟ ପ୍ରକୃତି ଇଣ୍ଡୋ-ତିବ୍ଦତାନ ବର୍ଡର ପୁଲିସ (ଆଇଟିବିପି)ରେ ପ୍ରଥମ ମହିଳା କମ୍ବାଟ୍ ଅଫିସର ଭାବେ ନିଯୁକ୍ତି ପାଇଛନ୍ତି । ୨୦୧୬ କେନ୍ଦ୍ରୀୟ ସୀମା ସୁରକ୍ଷା ବଳ(ସିଏପିଏଫ)ରେ ମହିଳାମାନଙ୍କୁ ନିଯୁକ୍ତି ଦିଆଯାଉଥିବା ବେଳେ ଆଇଟିବିପିିରେ ବର୍ତ୍ତମାନ ପର୍ଯ୍ୟନ୍ତ କେବଳ ମହିଳାଙ୍କୁ କନଷ୍ଟେବଲ୍ ସ୍ତରରେ ଭର୍ତ୍ତି କରାଯାଉଥିଲା । ତେବେ ପ୍ରକୃତିଙ୍କୁ ଆସନ୍ତା ବର୍ଷ ସୀମାରେ ମୁତୟନ କରାଯିବ ବୋଲି ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରକୃତି ବର୍ତ୍ତମାନ ଡ଼େରାଡ଼ୁନରେ ଟ୍ରେନିଂରେ ଅଛନ୍ତି । ଆସନ୍ତା ବର୍ଷ ଏହା ଶେଷ ହେବା ପରେ ସେ ଆସିଷ୍ଟାଣ୍ଟ କମାଣ୍ଡାଣ୍ଟ ଭାବେ ଆଇଟିବିପିରେ ଯୋଗଦାନ କରିବେ ।୧୯୬୨ ମସିହାରେ ଭାରତ-ଚାଇନା ଯୁଦ୍ଧ ପରେ ଆଇଟିବିପିର କଳେବର ବଢ଼ାଯାଇଥିଲା । ବର୍ତ୍ତମାନ ଏହାର ସମୁଦାୟ କର୍ମଚାରୀ ସଂଖ୍ୟା ରହିଛି ୮୩୦୦୦, ଯେଉଁଥିରେ ୧୫୦୦ କେବଳ ମହିଳା ରହିଛନ୍ତି । ଆଗରୁ ମହିଳାମାନଙ୍କୁ କ୍ଷେତ୍ରକୁ ଲଢ଼ିବା ଲାଗି ଛଡ଼ା ଯାଉ ନଥିଲା, ଏବେ କିନ୍ତୁ ସେମାନଙ୍କୁ ଅସ୍ତ୍ରଶସ୍ତ୍ର ସହ ଲଢ଼ିବା ଲାଗି ପଠାଯାଉଛି ।