ଆକାଶରୁ ଖସୁଥିବା ବିଜୁଳୀର ଦିଗ ବଦଳାଇବାରେ ସଫଳ ହେଲେ ବୈଜ୍ଞାନିକ, ଏହି ଟେକ୍ନିକ୍ ସହାୟତାରେ ରକ୍ଷା ପାଇବ ଲୋକଙ୍କ ଜୀବନ
କନକ ବ୍ୟୁରୋ : ପ୍ରତିବର୍ଷ ଆକାଶରୁ ଖସୁଥିବା ବିଜୁଳୀ ଆଘାତରେ ହଜାର ହଜାର ଲୋକଙ୍କର ଜୀବନ ଯାଉଛି । ଅନେକ ସମୟରେ ବଡ ବଡ ଗଛ ଓ ଘର ମଧ୍ୟ ଜଳି ଯାଉଛି । ଏହା ଏକ ପ୍ରାକୃତିକ ବିପର୍ଯ୍ୟୟ ହୋଇଥିବାରୁ ଏହା ଉପରେ କାହାର କିଛି କରିପାରିବାର କ୍ଷମତା ନାହିଁ ବୋଲି ଆମେ ଭାବୁଥିଲେ । ହେଲେ ଏବେ ବୈଜ୍ଞାନିକମାନେ ବିଜୁଳୀର ଦିଗ ବଦଳାଇବାରେ ସଫଳ ହୋଇଛନ୍ତି । ଏହି ସଫଳତା ହାସଲ କରିଛନ୍ତି ସ୍ୱିଜରଲାଣ୍ଡର ବୈଜ୍ଞାନିକମାନେ । ସେମାନଙ୍କର ଏହି ଟେକନିକ୍ ବଡ ବଡ କୋଠା ଉପରେ ବିଜୁଳୀ ପଡିବାରୁ ରକ୍ଷା କରିପାରିବ ।
Kanak News is now on WhatsApp
Join and get latest news updates delivered to you via WhatsApp
ୱେବସାଇଟ ସାଇନ୍ସ ନ୍ୟୁଜରେ ପ୍ରକାଶିତ ଏକ ରିପୋର୍ଟ ମୁତାବକ ଏହି ଟେକ୍ନିକକୁ ପ୍ରୟୋଗ କରିବାକୁ ବୈଜ୍ଞାନିକମାନେ ମାଉଣ୍ଟ ସେଣ୍ଟିସର ଶୀଖରରୁ ଆକାଶକୁ କ୍ଷୀପ୍ର ଲେଜର ବୀମ ଫିଙ୍ଗା ଯାଇଥିଲା । ଏହି ଲେଜର ବୀମ ଆକାଶରୁ ଖସୁଥିବା ବିଜୁଳୀର ଦିଗ ବଦଳାଇବାରେ ସଫଳ ହୋଇଥିଲା । ଏବେ କୁହାଯାଇଛି କି, ଏହି ଟେକ୍ନିକର କିଛି ପରିବର୍ତନ ପରେ ଏହାକୁ ଗୁରୁତ୍ୱପୂର୍ଣ୍ଣ କୋଠାରେ ବିଜୁଳୀ ସୁରକ୍ଷା ପାଇଁ ବ୍ୟବହାର କରାଯିବ । ସୂଚନା ଥାଉକି ବିଜୁଳୀ ଖସି ମୃତ୍ୟୁବରଣ କରିବା ତାଲିକାରେ ୟୁରୋପ ସବୁଠାରୁ ଆଗରେ ରହିଛି । ସେଥିପାଇଁ ଏହି ପ୍ରୟୋଗ ପ୍ରଥମେ ୟୁରୋପରେ କରାଯାଇଛି ।
ସାଇନ୍ସ ନ୍ୟୁଜର ରିପୋର୍ଟ ମୁତାବକ ଏନେଇ ବୈଜ୍ଞାନିକମାନେ ୨୦୨୧ରୁ କାମ ଆରମ୍ଭ କରିଥିଲେ । ପ୍ରଥମ ଦୁଇମାସ ମଧ୍ୟରେ ଚାଲିଥିବା ମାରାଥନ ଟେଷ୍ଟିଂ ବେଳେ କ୍ଷୀପ୍ର ଲେଜର ଲାଇଟକୁ ପ୍ରତି ସେକେଣ୍ଡରେ ୧ହଜାର ଥର ହିସାବରେ ଆକାଶକୁ ଫିଙ୍ଗା ଯାଇଥିଲା । ଏହାର ଉର୍ଦ୍ଦେଶ୍ୟଥିଲା ବିଜୁଳୀର ଦିଗ ପରିବର୍ତନ କରାଇବା । ଏହାର ଭିଡିଓ ମଧ୍ୟ ଏବେ ସୋସିଆଲ ମିଡିଆରେ ଉପଲବ୍ଧ ହେଉଛି ।