ମନ୍ତ୍ରୀପଦ ଯିବା ପରେ ଭରା ସଭାରେ କାନ୍ଦିଲେ ପୋଲସରା ବିଧାୟକ । ଷଡଯନ୍ତ୍ର କରି ମନ୍ତ୍ରୀ ପଦ ଛଡାଇ ନେଇଥିବା କହିଲେ, ଶ୍ରୀକାନ୍ତ ସାହୁ ।
କନକ ବ୍ୟୁରୋ: ଭରା ସଭାରେ ବିଧାୟକ କହିଲେ ମନର କଥା । ଆଉ ଭୋଟରଙ୍କ ଆଗରେ ଭାବବିହ୍ୱଳ ହୋଇ କାନ୍ଦି ପକାଇଲେ । ପୋଲସରାର ବିଜେଡି ବିଧାୟକ ନିକଟରେ ମନ୍ତ୍ରୀ ପଦରୁ ଇସ୍ତଫା ଦେଇଛନ୍ତି । ମନ୍ତ୍ରୀପଦ ଯିବା ପରେ ନିଜ ନିର୍ବାଚନମଣ୍ଡଳୀରେ ଶକ୍ତି ପ୍ରଦର୍ଶନ କରିଛନ୍ତି ଶ୍ରୀକାନ୍ତ ସାହୁ । ଗତକାଲି ବୁଗୁଡା ବ୍ଲକ ଗୋଲିଆରେ ଏକ ସମାବେଶ କରିଥିଲେ । ସେହି ସଭାରେ ବିଧାୟକ ଶ୍ରୀକାନ୍ତ ସାହୁ ଓ ତାଙ୍କ ସ୍ତ୍ରୀ ଗୋଲାପ ସାହୁ ଉପସ୍ଥିତି ଥିଲେ । ଆଉ କର୍ମୀଙ୍କ ଉଦେଶ୍ୟରେ ସଭାରେ ଭାଷଣ ଦେବା ବେଳେ ପୂର୍ବତନ ମନ୍ତ୍ରୀ ନିଜ ବିରୋଧରେ ଆସିଥିବା ଅଭିଯୋଗ ବାବଦରେ କହି ଭୋ-ଭୋ ହୋଇ କାନ୍ଦି ପକାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀ ପଦ ଯିବା ପରେ ଭରା ସଭାରେ ଭୋ ଭୋ ହୋଇ କାନ୍ଦିପକାଇଛନ୍ତି ପୂର୍ବତନ ମନ୍ତ୍ରୀ ଶ୍ରୀକାନ୍ତ ସାହୁ । ଆଉ କହିଛନ୍ତି ମନର କଥା । ଗତବର୍ଷ ମନ୍ତ୍ରିମଣ୍ଡଳ ଅଦଳବଦଳ ବେଳେ ପୋଲସରା ବିଧାୟକ ମନ୍ତ୍ରୀ ହୋଇଥିଲେ । କିନ୍ତୁ ମନ୍ତ୍ରୀ ହେବାର ବର୍ଷେ ନ ପୁରୁଣୁ ବିବାଦରେ ଛନ୍ଦି ହୋଇପଡିବାରୁ ତାଙ୍କୁ ମନ୍ତ୍ରୀମଣ୍ଡଳରୁ ଇସ୍ତଫା ଦେବାକୁ ପଡିଛି । ଆଉ ମନ୍ତ୍ରୀ ପଦ ଯିବା ପରେ ନିଜ ନିର୍ବାଚନମଣ୍ଡଳୀରେ ଶକ୍ତି ପ୍ରଦର୍ଶନ କରିଛନ୍ତି ଶ୍ରୀକାନ୍ତ ସାହୁ । ଏଥିପାଇଁ ବୁଗୁଡା ବ୍ଲକ ଗୋଲିଆରେ ଏକ ସମାବେଶ ଓ ମଣ୍ଡଳସ୍ତରୀୟ ସାଙ୍ଗଠନିକ ବୈଠକ ଆୟୋଜନ ହୋଇଥିଲା । ଏଥିରେ ନିଜେ ଶ୍ରୀକାନ୍ତ ଓ ତାଙ୍କ ସ୍ତ୍ରୀ ଉପସ୍ଥିତ ଥିଲେ । ଆଉ ଭାଷଣ ବେଳେ କାନ୍ଦିପକାଇଥିଲେ ଶ୍ରୀକାନ୍ତ ସାହୁ ଓ ତାଙ୍କ ପତ୍ନୀ । ଶ୍ରୀକାନ୍ତ ସାହୁ କହିଛନ୍ତି , ତାଙ୍କ ବିରୋଧରେ ଷଡଯନ୍ତ୍ର ହୋଇଛି । ସମୟ ଆସିଲେ ସବୁ ସତ ସାମ୍ନାକୁ ଆସିବ ।
ନିକଟରେ ଜଣେ ଦଳୀୟ ନେତ୍ରୀ ବିଧାୟକଙ୍କ ବିରୋଧରେ ନିର୍ଯାତନା ଅଭିଯୋଗ ଆଣିଥିଲେ । ଯାହାକୁ ନେଇ ଶ୍ରୀକାନ୍ତ ସାହୁ ବିବାଦରେ ଥିଲେ । ଏଥିପାଇଁ ତେଣୁ ତାଙ୍କ ପଦ ହରାଇବାକୁ ପଡିଛି ବୋଲି ଚର୍ଚା ହେଉଛି । ୨୦୨୪ ନିର୍ବାଚନ ପାଖେଇ ଆସୁଥିବାବେଳେ ପୋଲସରାରେ ଏଥର ରାଜନୈତକ ସମୀକରଣ ନେଇ ଚର୍ଚ୍ଚା ଜୋର ଧରିଛି । ଅନୁକମ୍ପା ଭୋଟ ପାଇବାକୁ ଶ୍ରୀକାନ୍ତ ଉଦ୍ୟମ କରୁଛନ୍ତି ବୋଲି କୁହାଯାଉଛି । ଏଭଳି ସମୟରେ ଶ୍ରୀକାନ୍ତ ସାହୁ ଦମ୍ଭୋକ୍ତି କରିଛନ୍ତି, ଆଗାମୀ ନିର୍ବାଚନରେ ବିଜେଡି ୫୦ ହଜାରରୁ ଅଧିକ ଭୋଟରେ ଜିତିବ । ନିର୍ବାଚନ ପୂର୍ବରୁ ଶ୍ରୀକାନ୍ତ ସାହୁଙ୍କ ପୋଲସରା ନିର୍ବାଚନମଣ୍ଡଳୀରେ ମାରାଥନ ବୈଠକ ଅନେକ ଚର୍ଚ୍ଚା ସୃଷ୍ଟି କରିଛି ।