ପ୍ରଦୂଷଣ ନେଉଛି ଜୀବନ । ବିଶ୍ୱରେ ୯୦ ଲକ୍ଷ ଲୋକଙ୍କ ମୃତ୍ୟୁ ।
କନକ ବ୍ୟୁରୋ: ପ୍ରଦୂଷଣ ନେଉଛି ଜୀବନ । ସରକାର ସଚେତନ ଅଭିଯାନ ଓ କଡ଼ା ନିୟମ ଲାଗୁ କରୁଛନ୍ତି କିନ୍ତୁ ଏହା ଭିତରେ ଗୋଟିଏ ବର୍ଷରେ ୯୦ଲକ୍ଷ ଲୋକଙ୍କ ଜୀବନ ନେଇସାରିଲାଣି ପ୍ରଦୂଷଣ । ଖବରଟି ଯେତିକି ଆଶ୍ଚଯ୍ୟ ଜନକ ସେତିକି ଚିନ୍ତାର ବିଷୟ । ସ୍ୱାସ୍ଥ୍ୟ ଓ ପ୍ରଦୂଷଣ ଉପରେ ମେଡିକାଲ ଜର୍ଣ୍ଣାଲ ଦ ଲାନସେଟର ଅଧ୍ୟୟନ ଦେଇଛି ଏହି ଚାଂଚଲ୍ୟକର ତଥ୍ୟ । ୨୦୧୯ ମସିହାରେ ପ୍ରଦୂଷଣ ପାଇଁ ୧ ଲକ୍ଷ କି ଦୁଇ ଲକ୍ଷ ନୁହେଁ ,ବଂର ଯାଇଛି ପୂରା ୯୦ଲକ୍ଷ ଲୋକଙ୍କ ଜୀବନ । ଦ ଲାନସେଟ ପ୍ଲାନେଟେରୀ ହେଲଥ ଜର୍ଣ୍ଣାଲରେ ପ୍ରକାଶିତ ଏକ ନୂଆ ଅଧ୍ୟୟନରେ ଏମିତି ଚକିତ କରିବା ଭଳି ଖବର ସାମ୍ନାକୁ ଆସିଛି । ସିଗାରେଟ ଟାଣିବା, ଘର ଭିତରେ ଜଳାଉଥିବା ପାରମ୍ପରିକ ଚୁଲି, ଓ ପ୍ରଦୂଷିତ ଜଳ ଯୋଗୁଁ ମଧ୍ୟ ମୃତ୍ୟୁ ଘଟୁଥିବା ଅଧ୍ୟୟନରୁ ଜଣାପଡିଛି । ତେବେ ସବୁଠୁ ଅଧିକ ଘାତକ ହେଉଛି ବାୟୁପ୍ରଦୁଷଣ । ଦ ଲାନସେଟ ରିର୍ପୋଟର ଅଧ୍ୟୟନ କହୁଛି:
Kanak News is now on WhatsApp
Join and get latest news updates delivered to you via WhatsApp
୨୦୧୯ ମସିହାରେ ପ୍ରଦୂଷଣ ଯୋଗୁଁ ବିଶ୍ୱରେ ୯୦ ଲକ୍ଷ ଲୋକଙ୍କ ମୃତ୍ୟୁ ହୋଇଛି
ମୃତକଙ୍କ ଭିତରୁ ଅଧିକାଂଶ ଭାରତ ଓ ଚୀନ ନାଗରିକ
ପ୍ରଦୂଷଣ ମୃତ୍ୟୁ ମାମଲାରେ ୭ମ ସ୍ଥାନରେ ଆମେରିକା ରହିଛି
୨୦୦୦ ମସିହାରୁ ପ୍ରଦୂଷଣ ମୃତ୍ୟୁ ଉପରେ ଗବେଷଣା ଆରମ୍ଭ ହୋଇଥିଲା ।
୨୦୧୫ ମସିହାରେ ଭାରତରେ ପ୍ରଦୂଷଣ ଯୋଗୁଁ ୨୫ ଲକ୍ଷ ଲୋକଙ୍କ ମୃତ୍ୟୁ ହୋଇଛି ।
୨୦୧୯ ମସିହାରେ ଦେଶରେ ୨୪ ଲକ୍ଷ ଲୋକଙ୍କ ମୃତ୍ୟୁ ହୋଇଥିଲା । ।
କେବଳ ବାୟୁ ପ୍ରଦୂଷଣ ଯୋଗୁଁ ୧୬ଲକ୍ଷ ଲୋକଙ୍କ ମୃତ୍ୟୁ ହୋଇଛି
୫ଲକ୍ଷ ଲୋକଙ୍କ ଜୀବନ ନେଇଛି ଜଳ ପ୍ରଦୂଷଣ ।
୪ଲକ୍ଷ ଲୋକଙ୍କ ମୃତ୍ୟୁ ଅନ୍ୟାନ୍ୟ ପ୍ରଦୂଷଣ ପାଇଁ ହୋଇଛି ।
ଚୀନରେ ପ୍ରଦୂଷଣ ଯୋଗୁଁ ୨୦୧୫ ମସିହାରେ ୧୮ଲକ୍ଷ ଲୋକଙ୍କ ମୃତ୍ୟୁ
୨୦୧୯ରେ ୨୨ଲକ୍ଷ ଲୋକଙ୍କ ମୃତ୍ୟୁ ଘଟିଛି ।
ଏଥିସହ ଏହି ଚାଂଚଲ୍ୟକର ଅଧ୍ୟୟନ ଏକଥା ମଧ୍ୟ କହିଛି ଯେ—-ବିଶ୍ୱରେ ପ୍ରତି ୬ ଜଣ ମୃତକଙ୍କ ମଧ୍ୟରୁ ଜଣଙ୍କ ମୃତ୍ୟୁ ପ୍ରଦୂଷଣ ପାଇଁ ହେଉଛି । ୨୦୧୯ରେ ଗୋଟିଏ ଦିନରେ ୬୫ହଜାର ଲୋକଙ୍କ ମୃତ୍ୟୁ ହୋଇଛି । ସବୁଠୁ ଗମ୍ଭୀର ସ୍ଥିତିରେ ରହିଛି ବାୟୁ ଓ ଜଳ ପ୍ରଦୂଷଣ ।
ଆଗାମୀ ଦିନରେ ପ୍ରଦୁଷଣ ଜନିତ ମୃତ୍ୟୁ ସଂଖ୍ୟା କମିବା ସମ୍ଭାବନା କମ ରହିଛି । ଲୋକଙ୍କ ମଧ୍ୟରେ ସଚେତନ କାର୍ଯ୍ୟକ୍ରମ କରାଯିବା ସତ୍ୱେ ପ୍ରଦୂଷଣରେ ରୋକିବା ଦିଗରେ ଏହା କିଛି ବଡ ଭୂମିକା ନିର୍ବାହ କରୁନି ।ତେଣୁ ଭବିଷ୍ୟତର ବଡ ବିପତିର ମୁକାବିଲା ପାଇଁ ଆମକୁ ସଜାଗ ରହିବାକୁ ପଡିବ ।