ମାଓବାଦୀଙ୍କ ମା’ର କୋକେଇକୁ କାନ୍ଧ ଦେଲେ ପୋଲିସ ଅଫିସର । ମଶାଣୀ ନେଇ କଲେ ଶବସତ୍କାର ।
କନକ ବ୍ୟୁରୋ: ପୁଅର ଫେରିବା ବାଟକୁ ଚାହିଁ ଚାହିଁ, ଜନ୍ମକଲା ମା’ର କୋକେଇ ଶ୍ମଶାନ ଆଡକୁ ଆଗେଇ ଚାଲିଛି । ପୁଅ ବାଛି ନେଇଥିବା ହିଂସାର ବାଟ, ମା’ଶବକୁ ଶ୍ମଶାନ ଆଡକୁ ବାଟେଇ ନେବାର ରାସ୍ତା ସବୁଦିନ ପାଇଁ ବନ୍ଦ କରିଦେଇଛି । ଆଉ ଏଭଳି ସ୍ଥିତିରେ ପୁଅ ହୋଇ ଜଣେ ମାଓବାଦୀଙ୍କ ମା’ର କୋକେଇକୁ କାନ୍ଧ ଦେଇଛନ୍ତି ଜଣେ ପୁଲିସ । ଆନ୍ଧ୍ର ସିଲେରୁ ଥାନାର ଅଧିକାରୀଙ୍କ ଏହି ମାନବିବତାକୁ ନେଇ ଏବେ ଚର୍ଚ୍ଚା ।
Kanak News is now on WhatsApp
Join and get latest news updates delivered to you via WhatsApp
ଆନ୍ଧ୍ର୍ର ଓଡିଶା ସ୍ପେଶାଲ ଜୋନାଲ କମିଟିର ଡିସିଏମ କ୍ୟାଡର ମାଓ ନେତା କାକୁରି ପାଣ୍ଡାନ୍ନା ଓରଫ ଜଗନଙ୍କ ମାଁ କାକୁରି ସିତାମାଙ୍କ ଗତକାଲି ମୃତ୍ୟୁ ହୋଇଗଲା । ମାଲକାନଗିରି ସୀମାବର୍ତୀ ଆନ୍ଧ୍ର୍ର ଆଲୁରି ସିତାରାମ ରାଜୁ ଜିଲ୍ଲା କୋମୁଲୱାଡା ଗାଁରେ ପ୍ରାଣ ହରାଇ ଥିଲେ ମାଁ ସିତାମା । ହେଲେ ପୁଅ ଆଉ ଫେରିଲେନି । ଦୀର୍ଘ ୨୫ ବର୍ଷ ଧରି ଜଗନ ମାଓ ସଙ୍ଗଠନରେ ସାମିଲ ହାଇଥିବାରୁ ଘରର ମୁହଁ ଦେଖୁ ନାହାଁନ୍ତି ।
ପୁଅର ଫେରିବା ବାଟକୁ ଚାହିଁ ମାଁର ଶବ ଶବସତ୍କାର ପାଇଁ ଆଗଭର ହେଉନଥିଲେ ଗାଁ ଲୋକ । ଶେଷରେ ସିଲେରୁ ଥାନା ଅଧିକାରୀ ଜେ. ରାମକୃଷ୍ଣା କୋମୁଲଓାଡା ଗାଁକୁ ଯାଇ ସିତାମାଙ୍କ ଶବ ସକ୍ରାରର ସବୁ ବ୍ୟବସ୍ଥା କରିଥିଲେ । ଆଉ ନିଜେ ଶବକୁ କାନେ୍ଧଇ ଶବକୁ ମଶାଣିକୁ ନେଇଥିଲେ ଜେ. ରାମକୃଷ୍ଣା ।