ଦେଶରେ କରୋନାର ଡେଲଟା ପ୍ଲସ ଭାରିଆଣ୍ଟର ପ୍ରକୋପ ମଧ୍ୟରେ ପ୍ରଧାନମନ୍ତ୍ରୀ ମୋଦିଙ୍କ ସମୀକ୍ଷା ବୈଠକ । ଦେଖୁଛନ୍ତି ଟିକାକରଣ ପ୍ରୋଗ୍ରାମର ରିପୋର୍ଟ କାର୍ଡ
କନକ ବ୍ୟୁରୋ : ଦେଶରେ ଚାଲିଥିବା କରୋନା ନିରୋଧୀ ଟିକାକରଣ ଅଭିଯାନକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବୈଠକ ବସିଛି । ଏହି ବୈଠକ ଭିଡିଓ କନଫରେନ୍ସିଂ ମାଧ୍ୟମରେ ଚାଲିଥିବା ବେଳେ ବୈଠକରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଅଧିକାରୀ, ସ୍ୱାସ୍ଥ୍ୟ ମନ୍ତ୍ରଣାଳୟର ଅଧିକାରୀଙ୍କ ନୀତି ଆୟୋଗର ସଦସ୍ୟ ଡାକ୍ତର ବି.କେ ପଲ ବି ସାମିଲ ହୋଇଛନ୍ତି । ଏହି ବୈଠକରେ ପ୍ରଧାନମନ୍ତ୍ରୀ ଟିକାକରଣ ଅଭିଯାନର ରିପୋର୍ଟ କାର୍ଡକୁ ସମୀକ୍ଷା କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦେଶର କିଛି ରାଜ୍ୟରେ ଏବେ କରୋନାର ସବୁଠାରୁ ଘାତକ ଭାରିଆଣ୍ଟ କୁହାଯାଉଥିବା ଡେଲଟା ପ୍ଲସ ସଂକ୍ରମିତ ଚିହ୍ନଟ ହୋଇଛନ୍ତି । ଏହାକୁ ନେଇ କେନ୍ଦ୍ର ସରକାର ରାଜ୍ୟ ସରକାର ମାନଙ୍କୁ ସତର୍କ କରିଛନ୍ତି । ଏହାସହ ସରକାର ଚେଷ୍ଟା କରୁଛନ୍ତି କି କିଭଳି ଭାବେ ଶୀଘ୍ର ଦେଶର ଅଧିକରୁ ଅଧିକ ଲୋକଙ୍କୁ ଟିକା ଦିଆଯାଇ ପାରିବ । ଯୋଗ ଦିବସରେ ପ୍ରଧାନମନ୍ତ୍ରୀ ଦେଶର ପ୍ରତିଟି ଲୋକଙ୍କୁ ମାଗଣାରେ ଟିକା ଦିଆଯିବ ବୋଲି ଘୋଷଣା କରିଥିଲେ । ଏହାକୁ ନେଇ ଜୁନ ୨୧ ତାରିଖରୁ କ୍ୟାମ୍ପେନ ମୋଡରେ ଟିକାକରଣ ଅଭିଯାନ ଚାଲିଛି ।
Delhi: PM Narendra Modi holds a meeting on the progress of #COVID19 vaccination drive, via video conferencing. pic.twitter.com/lSCIyRZN93
— ANI (@ANI) June 26, 2021
ଜୁନ ୨୫ ତାରିଖ ସୁଦ୍ଧା ଦେଶରେ ୩.୯୮ କୋଟି ଲୋକଙ୍କୁ ଟିକା ଦିଆଯାଇଥିବା କଥା ଆଇସିଏମଆର ସୂଚନା ଦେଇଥିବା ବେଳେ କେନ୍ଦ୍ର ସରକାର ଜୁନ ମାସରେ ୨୦ କୋଟି ଓ ଜୁଲାଇ ମାସରେ ୩୦ କୋଟି ଲୋକଙ୍କୁ ଟିକା ଦେବାକୁ ଲକ୍ଷ୍ୟ ରଖିଛନ୍ତି ।
ଅନ୍ୟପଟେ ଏବେ ଦିଆଯାଉଥିବା ଟିକା ୧୮ ବର୍ଷରୁ ଅଧିକ ବୟସର ଲୋକଙ୍କୁ ଦିଆଯାଉଥିବା ବେଳେ ୧୮ ବର୍ଷରୁ କମ ବୟସର ଲୋକଙ୍କୁ ଟିକା ଦେବା ନେଇ ସରକାର ଯୋଜନା ପ୍ରସ୍ତୁତ କରୁଛନ୍ତି । ଏହାକୁ ନେଇ କୋଭାଭାକ୍ସ କମ୍ପାନୀ ତରଫରୁ ଛୋଟ ପିଲାଙ୍କ ଉପରେ ଟିକା ପରୀକ୍ଷଣ ଚଳାଇଛି ।
ସେପଟେ ସମସ୍ତ କୋଭିଡ ଟିକା ୨ ଟି ଡୋଜ ହୋଇଥିବା ବେଳେ ଜୁଲାଇ ମାସରେ ଜନସନ ଆଣ୍ଡ ଜନସନର ସିଙ୍ଗିଲ ଡୋଜ ଟିକା କୁ ଜୁଲାଇ ମାସରେ ଜରୁରୀକାଳୀନ ବ୍ୟବହାର ପାଇଁ ମଞ୍ଜୁରୀ ମିଳିପାରେ ବୋଲି ଆଶା କରାଯାଉଛି ।