କନକ ବ୍ୟୁରୋ : ପ୍ରଧାନମନ୍ତ୍ରୀ ରାଜନୀତିରେ ପ୍ରବେଶ କରିବା ପୂର୍ବରୁ ବଡନଗର ରେଳ ଷ୍ଟେସନରେ ଚା ବିକ୍ରି କରୁଥିଲେ । ଏକଥା ସେ ନିଜେ ୨୦୧୪ ପୂର୍ବରୁ ନିର୍ବାଚନୀ ସଭାରେ କହିଥିଲେ । ସେ ରେଳ ଷ୍ଟେସନର ଚା ଦୋକାନ ଛାଡି ରାଜନୀତିକୁ ଆସିବା ଓ ଗୁଜୁରାଟର ମୁଖ୍ୟମନ୍ତ୍ରୀ ପରେ ଦେଶର ପ୍ରଧାନମନ୍ତ୍ରୀ ହେବାର ୭ ବର୍ଷ ପରେ ଆଜି ସେହି ରେଳ ଷ୍ଟେସନର ପୁନଃନିର୍ମାଣ ପାଇଁ ଡିଜିଟାଲ ମାଧ୍ୟମରେ ଉଦଘାଟନ କରିବେ । ଗୁଜୁରାଟର ମେହସାଣା ଜିଲ୍ଲାରେ ଥିବା ଏହି ରେଳ ଷ୍ଟେସନ ମୋଦୀଙ୍କ ନିଜ ସହର ଭାବେ ବେସ୍ ପରିଚିତ ।
Kanak News is now on WhatsApp
Join and get latest news updates delivered to you via WhatsApp
ପଶ୍ଚିମ ରେଳ ମଣ୍ଡଳର ରେଳ ପ୍ରବନ୍ଧକ ଦୀପକ କୁମାର ଝା କହିଛନ୍ତି ବଡନଗର ସହର ଧରୋହର ଅଞ୍ଚଳର ଯେଉଁଥିପାଇଁ ରେଳ ଷ୍ଟେସନର କୋଠାଗୁଡିକୁ ୮.୫ କୋଟି ଟଙ୍କା ବିନିଯୋଗରେ ଐତିହ୍ୟ ଭଳି ସଜାଯାଇଛି ।
ଗୁଜୁରାଟ ସରକାରଙ୍କର ଜଣେ ଅଧିକାରୀ କହିଛନ୍ତି କି ରେଳ ଷ୍ଟେସନର ପୁନଃ ନିର୍ମାଣ ସହ ପ୍ରଧାନମନ୍ତ୍ରୀ ଆଜି ଅନେକ ପରିଯୋଜନାର ଉଦଘାଟନ କରିବାକୁ ଯାଉଛନ୍ତି । ଅନ୍ୟପଟେ ଝା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି କି ଏହି ରେଳ ଷ୍ଟେସନ ଓ ତାର ଆଖ ପାଖ ଅଞ୍ଚଳ ରେ ଥିବା ଗ୍ରାମ ଗୁଡିକ ପ୍ରସିଦ୍ଧ ତରଙ୍ଗ ପାହାଡର ପାଖା ପାଖି । ଯାହାକି ଏକ ଲୋକପ୍ରିୟ ପର୍ଯ୍ୟଟନ ସ୍ଥଳୀ । ତେଣୁ ଏହି ରେଳ ଷ୍ଟେସନର ପୁନଃନିର୍ମାଣ ହୋଇପାରିଲେ ଏଠାକୁ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି ପାଇବ ।
କୁହାଯାଉଛି କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପିତା ଦାମୋଦର ଦାସ ମୋଦୀ ଏହି ରେଳ ଷ୍ଟେସନରେ ଚା ବିକ୍ରି କରୁଥିଲେ । ପ୍ରଧାନମନ୍ତ୍ରୀ ଛୋଟ ବେଳେ ଏହି ଚା ଦୋକାନରେ ବାପାଙ୍କୁ ସହାଯ୍ୟ କରୁଥିଲେ ।