ସଂକ୍ରମଣ ବଢ଼ିବା ନେଇ ସତର୍କ କେନ୍ଦ୍ର ଓ ରାଜ୍ୟ ସରକାର : ଆଜି ମୁଖ୍ୟମନ୍ତ୍ରୀମାନଙ୍କ ସହ କଥା ହେବେ ପ୍ରଧାନମନ୍ତ୍ରୀ; କୋଭିଡ ସ୍ଥିତିର କରିବେ ସମୀକ୍ଷା
କନକ ବ୍ୟୁରୋ : ଦେଶରେ କରୋନା ସଂକ୍ରମଣ ସଂଖ୍ୟା ପୁଣି ଥରେ ବଢ଼ୁଥିବା ବେଳେ ଏନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ସତର୍କ ହୋଇପଡ଼ିଛନ୍ତି । ଏହି କ୍ରମରେ ପ୍ରଧାନମନ୍ତ୍ରୀ ମୋଦୀ ଆଜି ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲାଚନା କରିବେ । ଏଥିରେ ସେ କୋଭିଡ ସ୍ଥିତିର ସମୀକ୍ଷା କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ସଂକ୍ରମଣ ରୋକିବାକୁ କ’ଣ କ’ଣ ପଦକ୍ଷେପ ନିଆଯାଉଛି, ସେ ବିଷୟରେ ମଧ୍ୟ ବୁଝିବେ ପ୍ରଧାନମନ୍ତ୍ରୀ । ଭର୍ଚୁଆଲ ମୋଡ଼ରେ ଏହି ବୈଠକ ହେବ । ଦେଶରେ ଏବେ ଧୀରେ ଧୀରେ ପୁଣି ସଂକ୍ରମଣ ବଢ଼ିବା ଦେଖାଗଲାଣି । ଦୈନିକ ସଂକ୍ରମଣ ପୁଣି ଥରେ ୨ ହଜାର ଟପିସାରିଛି । ବଢୁଥିବା ସଂକମଣକୁ ଆଖି ଆଗରେ ରଖି ବିଭିନ୍ନ ରାଜ୍ୟରେ ପୁଣି ପୁରୁଣା କଟକଣା ମଧ୍ୟ ଫେରିବାକୁ ଲାଗିଲାଣି । ଦିଲ୍ଲୀ, ପଂଜାବ ପରେ ଏବେ କର୍ଣ୍ଣାଟକ ସରକାର ମଧ୍ୟ ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବା ବାଧ୍ୟତାମୂଳକ କରିଛନ୍ତି ।