ଝାଡଖଣ୍ଡ ସଭାରେ କଂଗ୍ରେସକୁ ଝାଡିଲେ ମୋଦି: କହିଲେ ଅଯୋଧ୍ୟା ବିବାଦକୁ ଜାଣିଶୁଣି ସମାଧାନ କରୁନଥିଲା କଂଗ୍ରେସ । ଘାରିଥିଲା ଭୋଟବ୍ୟାଙ୍କ ଭୟ
କନକ ବ୍ୟୁରୋ: ଅଯୋଧ୍ୟା ଜମି ବିବାଦ ପ୍ରସଙ୍ଗରେ ପୁଣିଥରେ କଂଗ୍ରେସକୁ ଟାର୍ଗେଟ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ମୋଦି କହିଛନ୍ତି, ବହୁବର୍ଷ ପୂର୍ବରୁ କଂଗ୍ରେସ ଅଯୋଧ୍ୟା ଜମି ବିବାଦର ସମାଧାନ କରିପାରିଥାନ୍ତା । କିନ୍ତୁ କଂଗ୍ରେସ ଏହା କରିନାହିଁ । ଭୋଟ ବ୍ୟାଙ୍କ ରାଜନୀତିକୁ ଦୃଷ୍ଟିରେ ରଖି କଂଗ୍ରେସ କୌଣସି ପଦକ୍ଷେପ ନେଇନଥିବା ମୋଦି ସିଧାସଳଖ କହିଛନ୍ତି । ଝାଡଖଣ୍ଡର ଡାଲଟୋନଗଞ୍ଜରେ ଏକ ସାଧାରଣସଭାରେ ଉଦବୋଧନ ଦେଇ କଂଗ୍ରେସ ଉପରେ ଧୂମ୍ ବର୍ଷିଛନ୍ତି ମୋଦି ।
Kanak News is now on WhatsApp
Join and get latest news updates delivered to you via WhatsApp
ମୋଦି ଆହୁରି କହିଛନ୍ତି କି କଂଗ୍ରେସ ଜାଣିଶୁଣି ଦଶନ୍ଧି ଦଶନ୍ଧି ଧରି ରାମଙ୍କ ଜନ୍ମକୁ ନେଇ ଚାଲିଥିବା ଅଯୋଧ୍ୟା ବିବାଦକୁ ଝୁଲେଇ ରଖିଥିଲା । ଭୋଟବ୍ୟାଙ୍କ ଭୟ ଘାରିଥିବାରୁ ଜମି ବିବାଦ ସମାଧାନ ନକରି ପକାଇ ରଖିଥିଲା ।
ତେବେ ନଭେମ୍ବର ୯ ତାରିଖରେ ସୁପ୍ରିମକୋର୍ଟଙ୍କ ୫ ଜଣିଆ ଖଣ୍ଡପୀଠ ଅଯୋଧ୍ୟା ମାମଲାରେ ବଡରାୟ ଶୁଣାଇଥିଲେ । ରାୟ ଯାଇଥିଲା ରାମଲଲ୍ଲା ସପକ୍ଷରେ । ମୁସଲିମ ପକ୍ଷକୁ ମସଜିଦ ନିର୍ମାଣ ପାଇଁ ଅନ୍ୟତ୍ର ୫ ଏକର ଜମି ଦେବା ପାଇଁ ରାୟରେ କହିଥିଲେ ସୁପ୍ରିମକୋର୍ଟ । ତେବେ ଅଯୋଧ୍ୟା ବିବାଦର ସମାଧାନ ହେବା ସହିତ ଦିଆଯାଇଥିବା ପ୍ରତିଶ୍ରୁତି ଖୁବ ଶୀଘ୍ର ପୂରଣ ହେବ ବୋଲି କହିଛନ୍ତି ମୋଦି ।