ସମ୍ବିଧାନ ଦିବସରେ ସଂସଦରେ ମିଳିତ ଅଧିବେଶନରେ ପ୍ରଧାନମନ୍ତ୍ରୀଙ୍କ ଉଦବୋଧନ । କହିଲେ, ଆମ ସମ୍ବିଧାନ ଦୁନିଆର ସବୁଠୁ ନିରପେକ୍ଷ
ଆଜିର ଦିନ ଅଟେ ଐତିହାସିକ ଦିନ: ୭୦ ବର୍ଷ ପୂର୍ବେ ଆଜି ଦିନରେ ପ୍ରତିଷ୍ଠା ହୋଇଥିଲା ସମ୍ବିଧାନ; ଅଧିକାର ଓ କର୍ତବ୍ୟ ମଧ୍ୟରେ ରହିଛି ଅତୁଟ ସଂପର୍କ
କନକ ବ୍ୟୁରୋ: ସମ୍ବିଧାନ ଦିବସରେ ସଂସଦରେ ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ । କହିଛନ୍ତି ଆଜିର ଦିନ ଐତିହାସିକ ଦିନ ଅଟେ । ଆମ ସମ୍ବିଧାନ ଦୁନିଆର ସବୁଠୁ ନିରପେକ୍ଷ । ସମ୍ବିଧାନ ଆମ ପାଇଁ ପବିତ୍ରତମ ବୋଲି କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅଧିକାର ଓ କର୍ତ୍ତବ୍ୟ ମଧ୍ୟରେ ଏକ ଅତୁଟ ସଂପର୍କ ରହିଛି । ସମ୍ବିଧାନ ଆମ ପାଇଁ ସବୁଠୁ ବଡ଼ ଓ ପବିତ୍ର ଗ୍ରନ୍ଥ ଅଟେ । ୭୦ ବର୍ଷ ପୂର୍ବେ ଆଜି ଦିନରେ ସମ୍ବିଧାନ ପ୍ରତିଷ୍ଠା ହୋଇଥିଲା ବୋଲି ଉଦବୋଧନ ଦେଇଛନ୍ତି ମୋଦି ।
Kanak News is now on WhatsApp
Join and get latest news updates delivered to you via WhatsApp
ସେ ଆହୁରି ମଧ୍ୟ କହିଛନ୍ତି ,‘ ଅତୀତରୁ ଆମକୁ ଶିକ୍ଷା ନେବା ଉଚିତ, ସ୍ବାଧୀନତା ପରେ ଭାରତର ଲୋକତନ୍ତ୍ର ଅଧିକ ମଜଭୁତ ହୋଇଛି, ସମ୍ବିଧାନ ଦେଶର ଏକତା ଓ ଅଖଣ୍ଡତାକୁ ଅକ୍ଷୁଣ୍ଣ ରଖିଛି।’ ଠିକ୍ ସେହିପରି ଭାରତର ରାଷ୍ଟ୍ରପତି ରାମନାଥ କୋବିନ୍ଦ ସମ୍ବିଧାନ ପ୍ରଣୟନର ୭୦ ବର୍ଷ ପୂର୍ତ୍ତି ଅବସରରେ ସଂସଦ ଭବନରେ ଆୟୋଜିତ ଲୋକସଭା ଓ ରାଜ୍ୟସଭାର ମିଳିତ ଅଧିବେଶନରେ ଉଦବୋଧନ ଦେଇଛନ୍ତି। ସେ ଏହି ଅବସରରେ ଦେଶ ଏବଂ ବିଦେଶରେ ଥିବା ସମସ୍ତ ଭାରତୀୟମାନଙ୍କୁ ଅଭିନନ୍ଦନ ଜଣାଇଛନ୍ତି।