ଦୁଇ ବର୍ଷ ପରେ ପରୀକ୍ଷା କେନ୍ଦ୍ରକୁ ଫେରିବେ ପିଲା । କାଲିଠୁ ଯୁକ୍ତ ଦୁଇ ପରୀକ୍ଷା । ଶୁକ୍ରବାରରୁ ଆରମ୍ଭ ହେବ ମାଟ୍ରିକ ପରୀକ୍ଷା
କନକ ବ୍ୟୁରୋ: ଆସନ୍ତାକାଲି ଠାରୁ ଆରମ୍ଭ ହେବ ଯୁକ୍ତ ଦୁଇ ପରୀକ୍ଷା । କରୋନା ପାଇଁ ଦୁଇ ବର୍ଷ ପରେ ଯୁକ୍ତ ଦୁଇ ଅଫଲାଇନ ପରୀକ୍ଷା ଦେବେ ଛାତ୍ରଛାତ୍ରୀ । ସେହିପରି ଦିନକ ପରେ ଅର୍ଥାତ ଶୁକ୍ରବାରଠାରୁ ଆରମ୍ଭ ହେବ ମାଟ୍ରିକ ପରୀକ୍ଷା । ୫ ଲକ୍ଷ ୮୫ ହଜାର ୭୩୦ ଜଣ ଛାତ୍ରଛାତ୍ରୀ ପରୀକ୍ଷା ଦେବେ । ତେବେ ପ୍ରଚଣ୍ଡ ଖରାକୁ ନଜରରେ ରଖି ପରୀକ୍ଷାର୍ଥୀଙ୍କ ପାଇଁ ବନ୍ଦୋବସ୍ତ କରାଯିବ । ପରୀକ୍ଷା କେନ୍ଦ୍ରରେ ଥଣ୍ଡା ପାଣି ସହ ଓଆରଏସ ମହଜୁତ ରଖାଯିବ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
- ୨ ବର୍ଷ ପରେ ପରୀକ୍ଷା କେନ୍ଦ୍ରକୁ ଆସିବେ ପିଲା
- ଗୁରୁବାରଠାରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା
- ଶୁକ୍ରବାରଠାରୁ ସକାଳ ୮ଟାରୁ ମାଟ୍ରିକ ପରୀକ୍ଷା
ଗୁରୁବାରଠାରୁ ଆରମ୍ଭ ହେବାକୁ ଯାଉଛି ଯୁକ୍ତ ଦୁଇ ପରୀକ୍ଷା । ୨୦୨୦ ବର୍ଷରେ କରୋନା ଯୋଗୁଁ ପରୀକ୍ଷା ଅଧାରୁ ବାତିଲ ହୋଇଥିବାବେଳେ ୨୦୨୧ରେ ସମ୍ପୂର୍ଣ୍ଣ ବାତିଲ କରାଯାଇଥିଲା । ଦୁଇବର୍ଷ ପରେ ଛାତ୍ରଛାତ୍ରୀ ଦେବାକୁ ଯାଉଛନ୍ତି ଅଫଲାଇନ ପରୀକ୍ଷା ।
ପରୀକ୍ଷା ହଲରେ ବସିବେ ପିଲା
- ମେ’ ୩୧ ତାରିଖ ପର୍ଯ୍ୟନ୍ତ ଚାଲିବ ଯୁକ୍ତ ଦୁଇ ପରୀକ୍ଷା
- ୩ ଲକ୍ଷ ୨୧ ହଜାର ୫୦୮ ଜଣ ଛାତ୍ରଛାତ୍ରୀ ପରୀକ୍ଷା ଦେବେ
- ମୋଟ ୧ ହଜାର ୧୩୩ଟି କେନ୍ଦ୍ରରେ ହେବ ପରୀକ୍ଷା
- କଳାରେ ୨ ଲକ୍ଷ ୧୩ ହଜାର ୪୩୨ ପରୀକ୍ଷାର୍ଥୀ
- ବିଜ୍ଞାନ ପରୀକ୍ଷା ଦେବେ ୭୮ ହଜାର ୭୭ ଛାତ୍ରଛାତ୍ରୀ
- ବାଣିଜ୍ୟରେ ୨୪ ହଜାର ୧୩୬ ପିଲା ପରୀକ୍ଷା ଦେବେ
- ଧନ୍ଦାମୂଳକ ଶିକ୍ଷାରେ ୫ ହଜାର ୮୬୩ ଜଣ ପରୀକ୍ଷାର୍ଥୀ
ସକାଳ ୯ଟାରୁ ୧୨ ପର୍ଯ୍ୟନ୍ତ ପରୀକ୍ଷା ସମୟ ସ୍ଥିର କରାଯାଇଛି । କିନ୍ତୁ ପରୀକ୍ଷାର୍ଥୀଙ୍କୁ ୮ଟାରୁ ୮ଟା ୩୦ ମଧ୍ୟରେ ପରୀକ୍ଷା କେନ୍ଦ୍ରକୁ ଛଡାଯିବ । କୋଭିଡ ଓ ଖରାକୁ ଦୃଷ୍ଟିରେ ରଖି ବନ୍ଦୋବସ୍ତ କରାଯିବ । ପର୍ଯାପ୍ତ ପାଣି ମହଜୁଦ ରଖିବା ସହ ନିରବଚ୍ଛିନ ବିଜୁଳି ଯୋଗାଣ ପାଇଁ ନିର୍ଦ୍ଦେଶ ଦିଆଯାଇଛି । ଅନ୍ୟପଟେ ଏପ୍ରିଲ ୨୯ରୁ ମେ ୬ ଯାଏଁ ସକାଳ ୮ଟାରୁ ୧୦ଟା ହେବ ମାଟ୍ରିକ ପରୀକ୍ଷା । କୋଭିଡ ଓ ଖରାକୁ ଦୃଷ୍ଟିରେ ରଖି ପରୀକ୍ଷା ପରିଚାଳନା କରିବାକୁ ନିଷ୍ପତ୍ତି କରିଛି ମାଧ୍ୟମିକ ଶିକ୍ଷା ପରିଷଦ ।
ପରୀକ୍ଷା କେନ୍ଦ୍ରକୁ ମୋବାଇଲ ମନା
- ମେ’ ୬ ତାରିଖ ପର୍ଯ୍ୟନ୍ତ ଚାଲିବ ମାଟ୍ରିକ ପରୀକ୍ଷା
- ୫ ଲକ୍ଷ ୮୫ ହଜାର ୭୩୦ ଜଣ ଛାତ୍ରଛାତ୍ରୀ ପରୀକ୍ଷା ଦେବେ
- ୩୫ ହଜାରରୁ ଅଧିକ ଶିକ୍ଷକ ପରୀକ୍ଷା ପରିଚାଳନା କରିବେ
- ହିଟୱେଭକୁ ଆଖିରେ ରଖି ନିରବଚ୍ଛିନ୍ନ ବିଜୁଳି ଓ ପାଣି ବ୍ୟବସ୍ଥା କରାଯିବ
- ପରୀକ୍ଷା କେନ୍ଦ୍ରକୁ ମୋବାଇଲ ନେଇପାରିବେ ନାହିଁ ଛାତ୍ରଛାତ୍ରୀ
- କପି ରୋକିବାକୁ ୩୮ଟି ସ୍କ୍ୱାର୍ଡ ଗଠନ କରିଛି ବୋର୍ଡ
- ମୋଟ୍ ୩୩୦୩ କେନ୍ଦ୍ର ଓ ୩୧୫ ନୋଡାଲ ସେଣ୍ଟର କରାଯାଇଛି