ବିଗ ବି’ଙ୍କ ଭୂମିକାରେ ନଜର ଆସିବା ସବୁଠୁ କଷ୍ଟକର : ଶିଳ୍ପା ଶେଟ୍ଟୀ
ଅଭିନେତ୍ରୀ ଶିଳ୍ପା ଶେଟ୍ଟୀ କୁନ୍ଦ୍ରା ଫିଲ୍ମମେକର ଫରାହ ଖାନଙ୍କର ଟେଲିଭିଜନ ସୋ’ ‘ଲିପ୍ ସିଙ୍ଗ ବାଟଲ’ ରେ ଅମିତାଭ ବଚ୍ଚନଙ୍କ ଭୂମିକାରେ ନଜର ଆସିବେ । ଶିଳ୍ପା କହିଛନ୍ତି , ତାଙ୍କ ପାଇଁ ଅମିତାଭଙ୍କ ଭୂମିକା ନିଭାଇବା ଜୀବନର ସବୁଠୁ କଠିନ କାମ । ଶିଳ୍ପା ବୁଧବାର ଦିନ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ତାଙ୍କୁ ଅମିତାଭଙ୍କ ‘ଚୁମା ଚୁମା ଦେଦେ’ ଗୀତରେ ଅମିତାଭଙ୍କ ଅନ୍ଦାଜରେ ଦେଖାଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଭିନେତ୍ରୀ ଏହି ଫଟୋ ସହ ସେୟାର କରିଥିବା ଏକ ମେସେଜରେ କହିଛନ୍ତି, ‘ଅମିତାଭଙ୍କ ଭଳି ପ୍ରସିଦ୍ଧ ବ୍ୟକ୍ତିଙ୍କ ଭୂମିକା କରିବା ମୋ ପାଖରେ ଏକ ସାହସ କେମିତି ଆସିଲା ଜାଣିନି । ବହୁତ ଚିନ୍ତାରେ ଥିଲି । ଫରାହ ମୋତେ ଏମିତି କରିବା ପାଇଁ କହିଥିଲେ । ’ ଶିଳ୍ପା କହିଛନ୍ତି, ‘ମୁଁ ସଂପୂର୍ଣ୍ଣ ଭାବେ ଏହି ଚରିତ୍ରରେ ହଜିଯାଇଥିଲି । ଅମିତାଭଙ୍କ ପାଇଁ ଏହା ମୋର ଭଲପାଇବା ଅଟେ । ଏହା ମୋ ଜୀବନର ସବୁଠୁ କଠିନ କାମ ଅଟେ ।’
ଟେଲିଭିଜନ ଚ୍ୟାନେଲ ‘ଷ୍ଟାର ପ୍ଲସ’ ରେ ପ୍ରସାରିତ ହେବାକୁ ଥିବା ‘ଲିପ୍ ସିଙ୍ଗ ବାଟଲ’ ଏକ ଅନ୍ତରାଷ୍ଟ୍ରୀୟ ସୋ’ ‘ଲିପ୍ ସିଙ୍ଗ ବାଟଲ’ ର ଭାରତୀୟ ସଂସ୍କରଣ ଅଟେ । ଏହି ସୋ’ରେ କେବଳ ବଲିଉଡର ନୁହେଁ ଟେଲିଭିଜନ ଓ ଖେଳଜଗତର ବଡବଡ ବ୍ୟକ୍ତିମାନେ ଭାଗ ନେଉଛନ୍ତି ।