ଅସହାୟ ରାଜମିସ୍ତ୍ରୀଙ୍କ ପାଇଁ ବଢ଼ିଲା ସହାୟତାର ହାତ । କନକ ନ୍ୟୁଜରେ ଖବର ପ୍ରସାରଣ ପରେ ବେଙ୍ଗାଲୁରରୁ ରାସନ ଓ ମେଡିସିନ ପଠାଇଲେ ଯୁବ ଇଂଞ୍ଜିିନିୟର । ପଲିଥିନ୍ ଛପର ହଠାଇ ଆଜବେଷ୍ଟସ ପକାଇଲେ ସମାଜସେବୀ
କନକ ବ୍ୟୁରୋ : ଖୋଲା ଆକାଶ ତଳେ ଅସହାୟ ରାଜ ମିସ୍ତ୍ରୀ । କନକ ନ୍ୟୁଜରେ ଖବର ପ୍ରସାରଣ ପରେ ଏବେ ତାଙ୍କୁ ସହାୟତାର ହାତ ବଢାଇଛନ୍ତି ଲୋକ । ପଲିଥିନ ସ୍ଥାନରେ ଏବେ ଟିଣ ଛପର ଓ ଘର ଚାରିପଟେ ବାଉଁଶ ତାଟିଆ ଦିଆହୋଇଛି । କନକ ନ୍ୟୁଜରେ ଅସହାୟ ରାଜମିସ୍ତ୍ରୀ ପରିମଳ ହାଲଦାରଙ୍କ ଦୁଖ ଦୁର୍ଦଶାର ଖବର ପ୍ରସାରଣ ହେବା ପରେ ପରିମଳ ହାଲଦାରଙ୍କୁ ସହାୟତାର ହାତ ବଢାଇଛନ୍ତି ବିଭିନ୍ନ ବର୍ଗର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ବାଙ୍ଗାଲୋରର ଏକ ଘରୋଇ କମ୍ପାନୀରେ କାମ କରୁ ଥିବା ଯାଜପୁର ଡୁବୁରି ଅଂଚଳର ଯୁବ ଇଂଜିନିୟର ହୃଦାନନ୍ଦ ପୃଷ୍ଟି ସହଯୋଗ କରିଛନ୍ତି । ପରିମଳଙ୍କ ପରିବାର ଲାଗି ଦେଢ ମାସର ଚାଉଳ ଓ ରାସନ ସାମଗ୍ରୀ ସହ ପରିମଳ ଓ ତାଙ୍କ ଝିଅଙ୍କ ଲାଗି ନୂଆ ଡ୍ରେସ କିଣି ପଠାଇଛନ୍ତି । ପାର୍ବଣ ଋତୁରେ ଅସହାୟଙ୍କ ମୁହଁରେ ହସ ଫୁଟାଇଛନ୍ତି ।
ସେହିପରି ସମାଜସେବୀ ବିନୋଦ ଟାୱାରୀ ମଧ୍ୟ ପରିମଳଙ୍କ ପଲିଥିନ ହଟାଇ ଟିଣ ଛପର ପକାଇବାରେ ଆର୍ଥୀକ ସହାୟତା ପ୍ରଦାନ କରିଛନ୍ତି । ଅନ୍ୟ ଲୋକମାନେ ସହାୟତା ପାଇଁ ମଧ୍ୟ ପହଞ୍ଚିଛନ୍ତି । ତେବେ ପ୍ରଶାସନର ପକ୍ଷରୁ ଏଯାଏଁ କେହି ଆହା ପଦେ କହିବାକୁ ପହଁଚି ନାହାନ୍ତି ।