ପତଞ୍ଜଳିର ସିଇଓ ଆଚାର୍ଯ୍ୟ ବାଲକୃଷ୍ଣଙ୍କ ବଡ଼ ସଫଳତା ! ଦେଶର ଶ୍ରେଷ୍ଠ ଦଶଜଣ ଧନୀ ବ୍ୟକ୍ତିଙ୍କ ତାଲିକାରେ ହେଲେ ସାମିଲ
ଦେଶର ଶ୍ରେଷ୍ଠ ଦଶଜଣ ଧନୀ ବ୍ୟକ୍ତିଙ୍କ ତାଲିକାରେ ସାମିଲ ହେଲେ ପତଞ୍ଜଳିର ସିଇଓ ଆଚାର୍ଯ୍ୟ ବାଲକୃଷ୍ଣ ।ନିକଟରେ ଜାରି ରହିଛି ଦେଶରେ ୧୦ ଜନ ଧନୀଙ୍କ ତାଲିକା । ହୁରୁନ ଇଣ୍ଡିଆ ତରଫରୁ ଜାରି କରାଯାଇଥିବା ଏହି ରପୋର୍ଟ ଅନୁସାରେ ରିଲାଏନ୍ସ ଇଣ୍ଡଷ୍ଟ୍ରୀର ଚେୟାରମ୍ୟାନ୍ ମୁକେଶ ଆମ୍ବାନୀ ଏବେ ମଧ୍ୟ ଦେଶର ସବୁଠାରୁ ଧନୀ ବ୍ୟକ୍ତିଙ୍କ ମଧ୍ୟରେ ଏକ ନମ୍ବର ସ୍ଥାନ ବଜାୟ ରଖିଛନ୍ତି । ବିମୁଦ୍ରାକରଣ ହେଉ କିମ୍ବା ଜିଏସଟି ତାଙ୍କ ଆୟ ଉପରେ କୌଣସି ପ୍ରଭାବ ପଡ଼ିପାରିନାହିଁ । ବାବା ରାମଦେବଙ୍କ କମ୍ପାନୀ ପତଞ୍ଜଳୀ ଆୟୁର୍ବେଦର ସିଇଓ ଆଚାର୍ଯ୍ୟ ବାଲକୃଷ୍ଣ ସବୁଠାରୁ ବଡ଼ ସଫଳତା ହାସଲ କରିଛନ୍ତି । ସେ ଗତବର୍ଷ ଏହି ତାଲିକାରେ ୨୫ ତମ ସ୍ଥାନରେ ଥିଲେ । ତାଙ୍କର ସମ୍ପତ୍ତି ୧୭୩ ପ୍ରତିଶତ ବଢ଼ିଛି । ବାଲକୃଷ୍ଣଙ୍କ ସମ୍ପତ୍ତି ୭୦ ହଜାର କୋଟି ଟଙ୍କା ହୋଇଯାଇଛି । ତେବେ ଆସନ୍ତୁ ଜାଣିବା ବାଲକୃଷ୍ଣଙ୍କ ବିଷୟରେ କିଛି ରୋଚକ ତଥ୍ୟ . . .
Kanak News is now on WhatsApp
Join and get latest news updates delivered to you via WhatsApp
ଯୋଗଗୁରୁ ରାମଦେବ ଯୋଗ ଶିକ୍ଷା ପାଇଁ ହେଉ କି ପତଞ୍ଜଳି ସାମଗ୍ରୀ ପାଇଁ ହେଉ ବାଲକୃଷ୍ଣଙ୍କ ଭରପୂର ସହଯୋଗ ରହିଛି । କେବଳ ସହଯୋଗ କହିଲେ ଠିକ ହେବ ନାହିଁ, ଆଜି ଯେଉଁ ସ୍ତରକୁ ପତଞ୍ଜଳି କମ୍ପାନୀ ପହଞ୍ଚିଛି ସେଥିରେ ଉଭୟଙ୍କ ଯୋଗଦାନ ରହିଛି । ବାଲକୃଷ୍ଣ ବେଶି ଚର୍ଚ୍ଚାକୁ ଆସି ନ ଥାନ୍ତି । ତାଙ୍କ ବିଷୟରେ ବହୁତ କମ ଜାଣିଛନ୍ତି ଲୋକେ । ହରିୟାଣାର ଖାନପୁରରେ ଥିବା ଗୁରୁକୁଳରୁ ଉଭୟ ରାମଦେବ ଓ ବାଲକୃଷ୍ଣ ଶିକ୍ଷା ଆରମ୍ଭ କରିଥିଲେ । ଆରମ୍ଭରୁ ବାଲକୃଷ୍ଣଙ୍କର ଯୋଗ ଓ ଜଡିବୁଟି ଉପରେ ଆଗ୍ରହ ଥିଲା । ୧୯୯୩ରେ ହରିଦ୍ୱାରରେ ରାମଦେବ ଯୋଗ ଶିଖାଇବା ଓ ବାଲକୃଷ୍ଣ ଚୂରଣ ତିଆରି ଆରମ୍ଭ କରିଥିଲେ । ଦୁଇବର୍ଷ ପରେ ‘ମଧୁସୂଦନ ଚୂର୍ଣ୍ଣ’ ଜରିଆରେ ବାଲକୃଷ୍ଣଙ୍କୁ ସଫଳତା ମିଳିଥିଲା । ଏହପରେ ଆଉ ପଛକୁ ଫେରି ନାହାନ୍ତି ବାଲକୃଷ୍ଣ । ଧୀରେ ଧୀରେ ପତଞ୍ଜଳିରେ ତାଙ୍କ ଯୋଗଦାନ ବଢ଼ିବାରେ ଲାଗିଲା ।
ତେବେ ଜାରି ହୋଇଥିବା ଶ୍ରେଷ୍ଠ ଧନୀଙ୍କ ତାଲିକାରେ ରିଟେଲ କମ୍ପାନୀ ଡି-ମାର୍ଟର ସିଇଓ ଓ ଏମଡ଼ି ରାଧାକୃଷ୍ଣ 
ଦମାନୀ ମଧ୍ୟ ଏହି ସାମିଲ ଅଛନ୍ତି । ଦମାନୀଙ୍କ ସମ୍ପତ୍ତିରେ ସବୁଠାରୁ ଅଧିକ ୩୨୦ ପ୍ରତିଶତ ବଢ଼ିଛି । ତେବେ ଏହି ତାଲିକାରେ ଡ଼ି-ମାର୍ଟ ଗ୍ରୁପର କମ୍ପାନୀ ଦମାନୀଙ୍କ ପରେ ଏନଡ଼ୁରାନ୍ସ ଟେକର ଅନୁରାଗ ଜୈନ୍ ନିଜର ସ୍ଥାନ ଅକ୍ତିଆର କରିଛନ୍ତି । ତାଙ୍କର ସମ୍ପତ୍ତିରେ ୨୮୬ ପ୍ରତିଶତ ବଢ଼ିଛି । ଏହ ତାଲିକାରେ ରିଲାଏନ୍ସ ଇଣ୍ଡଷ୍ଟ୍ରୀର ଚେୟାରମ୍ୟାନ୍ ମୁକେଶ ଆମ୍ବାନୀ ଶୀର୍ଷରେ ଅଛନ୍ତି । ୟମନ ଦେଶର ଜିଡ଼ିପି ଠାରୁ ମଧ୍ୟ ୫୦ ପ୍ରତିଶତ ଅଧିକ ଆୟ କରନ୍ତି ଅନୀଲ । ଅମ୍ବାନୀଙ୍କ ଜନ୍ମ ୟେମନେ ହିଁ ହୋଇଥିଲା । ରିଲାଏନ୍ସର ଶେୟାର ଅଧିକ ଭଲ ବିକ୍ରୀ ଭଲ ହୋଇଥିବାରୁ ମୁକଶେ ଆମ୍ବାନୀଙ୍କ ସମ୍ପତ୍ତି ୫୮ ପ୍ରତିଶକ ବଢ଼ି ୨.୫୭ ଲକ୍ଷ କୋଟିରେ ପହଞ୍ଚିଛି । ଅମ୍ବାନୀ ଲଗାତାର ଭାବେ ଷଷ୍ଠ ଥର ପାଇଁ ଏହି ସ୍ଥାନ ହାସଲ କରିଛନ୍ତି । ଏହା ବ୍ୟତୀତ ମିଡ଼ିଆ ଡଟନେଟର ୩୪ ବର୍ଷିୟ ଦିବ୍ୟାଙ୍କ ତୁରଖିୟା ସବୁଠାରୁ ବଡ଼ ଯୁବ ଧନୀ, ଯିଏ ଏହି ତାଲିକାରେ ସ୍ଥାନ ତିଆରି କରିଛନ୍ତି । ସବୁଠାରୁ ଖାସ କଥା ହେଲା ସେ ନିଜ ପ୍ରଚେଷ୍ଟାରେ ହିଁ ଏସବୁ ପାଇଛନ୍ତି ।