କରୋନାର ନୂଆ ଭାରିଆଣ୍ଟକୁ ନେଇ ଲୋକସଭାରେ ମତ ରଖିଲେ ସରକାର । ବିପଦପୂର୍ଣ୍ଣ ଦେଶଭାବେ ୧୧ ଟି ଦେଶକୁ ଚିହ୍ନଟ, ବିମାନ ବନ୍ଦରରେ କୋଭିଡ ଟେଷ୍ଟ ବାଧ୍ୟତାମୂଳକ
କନକ ବ୍ୟୁରୋ : ଏବେ ସାରା ବିଶ୍ୱକୁ ଚିନ୍ତାରେ ପକାଇଛି କରୋନାର ନୂଆ ଭାରିଆଣ୍ଟ ଓମିକ୍ରନ । ଏହାକୁ ନେଇ ଭାରତ ସରକାର ବି ଅନେକ ସତର୍କତାମୂଳକ ପଦକ୍ଷେପ ନେଇଛନ୍ତି । ତାହା ମଧ୍ୟରୁ ବିପଦ ଥିବା ଦେଶରୁ ଆସୁଥିବା ଲୋକମାନଙ୍କର କଡା କଡି ଯାଂଚ କରିବା ଉପରେ ସରକାର ପ୍ରାଧାନ୍ୟ ଦେଇଛନ୍ତି । ବେସାମରିକ ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସ୍କିନ୍ଧିଆ ଏନେଇ ଲୋକସଭାରେ କହିଛନ୍ତି କି ସରକାର ୧୧ ଟି ଦେଶକୁ ବିପଦପୂର୍ଣ୍ଣ ଦେଶଭାବେ ଚିହ୍ନଟ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ କହିଛନ୍ତି କି ବିପଦ ଥିବା ଦେଶଭାବେ ଚିହ୍ନଟ କରାଯାଇଥିବା ଦେଶ ମଧ୍ୟରେ ୟୁନାଇଟେଡ କିଙ୍ଗଡମ, ଦକ୍ଷୀଣ ଆଫ୍ରିକା,ବୋସ୍ତବନା,ବ୍ରାଜିଲ,ଚୀନ, ମୋରିସସ୍, ନ୍ୟୁଜିଲାଣ୍ଡ, ଜିମ୍ବାୱେ, ସିଂଗାପୁର, ହଙ୍ଗକଙ୍ଗ ଓ ଇସ୍ରାଇଲ ରହିଛି । କହିରଖୁ କି ବିଶ୍ୱକୁ ଓମିକ୍ରନ ଭାରିଆଣ୍ଟର ଚିନ୍ତା ଘାରିଥିବା ବେଳେ ଦେଶରେ ବି କରୋନା ସଂକ୍ରମଣ ବଢିବାରେ ଲାଗିଛି । ଏନେଇ ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାଭିଆ ବି ରାଜ୍ୟ ସରକାରଙ୍କ ସହ ଏୟାରପୋର୍ଟ ସ୍କ୍ରିନିଂକୁ ନେଇ ଗୁରୁବାର ସକାଳେ ବୈଠକ କରିଛନ୍ତି । ଏହି ବୈଠକରେ ବିମାନ ବନ୍ଦର ଅଧିକାରୀମାନେ ବି ସାମିଲ ହୋଇଥିଲେ ।
ଏହି ବୈଠକ ପରେ ଲୋକସଭାରେ କେନ୍ଦ୍ରମନ୍ତ୍ରୀ ଜ୍ୟୋତିରାଦିତ୍ୟ ସ୍କିନ୍ଦିଆ ସ୍ପଷ୍ଟ କରିଛନ୍ତି କି ଏଣିକି ବିମାନବନ୍ଦରରେ ପ୍ରତିଟି ଯାତ୍ରୀଙ୍କ ପାଇଁ କରୋନା ଟେଷ୍ଟ ବାଧ୍ୟତା ମୂ୍ଳକ କରାଯିବ । ସୂଚନା ଥାଉକି ଆମେରିକାରେ ବି ବୁଧବାର ଦିନ ଜଣେ ବ୍ୟକ୍ତିଙ୍କ ଠାରେ କରୋନାର ଓମିକ୍ରନ ଭାରିଆଣ୍ଟ ଚିହ୍ନଟ ହୋଇଛି । ଚିହ୍ନଟ ହୋଇଥବା ବ୍ୟକ୍ତି ଜଣଙ୍କ ଟିକା ନେଇଥିଲେ ବି ପୁଣି ଓମିକ୍ରନ ଭାରିଆଣ୍ଟ ଦ୍ୱାରା ସଂକ୍ରମିତ ହେବା ବିଶ୍ୱବାସୀଙ୍କୁ ଚିନ୍ତାରେ ପକାଇଛି ।