ଦିଲ୍ଲୀରେ ଶବ ଦାହ ପାଇଁ ମଶାଣୀରେ ମିଳୁନି ଜାଗା । ପାର୍କରେ ମଶାଣୀ ତିଆରି କରୁଛନ୍ତି ଦିଲ୍ଲୀ ସରକାର ।
କନକ ବ୍ୟୁରୋ : ଦିଲ୍ଲୀରେ ରେର୍କଡ ସ୍ତରରେ ପହଁଚିଲାଣି ଦୈନିକ କରୋନା ଜନିତ ମୃତ୍ୟୁ ସଂଖ୍ୟା । ଏହାରି ଭିତରେ ଏକ ସାଂଘାତିକ ଚିତ୍ର ସାମ୍ନାକୁ ଆସିଛି । ବର୍ତମାନ ଅନ୍ତିମ ସଂସ୍କାର ପାଇଁ ମଶାଣିରେ ଶବ ଦାହ ପାଇଁ ମିଳୁନି ଜାଗା । ଯଦି କେଉଁଠି ଜାଗା ଖଣ୍ଡେ ଅଛି ତେବେ ଏହା ପାଇଁ ମୃତକଙ୍କ ସମ୍ପକୀୟଙ୍କୁ ଦୀର୍ଘ ଘଂଟା ଧରି ଶ୍ମଶାନ ବାହାରେ ଅପେକ୍ଷା କରିବାକୁ ପଡୁଛି । କହିବାକୁ ଗଲେ ଶ୍ମଶାନରେ ଶବକୁ ଅନ୍ତିମ ସଂସ୍କାର ପାଇଁ ବି ଧାଡିରେ ରହିବାକୁ ପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଏହାରି ଭିତରେ ଏବେ ଦିଲ୍ଲୀ ସରକାର ରାଜଧାନୀର ବିଭିନ୍ନ ସ୍ଥାନରେ ଥିବା ପାର୍କରେ ଅନ୍ତିମ ସଂସ୍କାର ପାଇଁ କିଛି ପାର୍କକୁ ମଶାଣୀ ଭାବେ ବ୍ୟବହାର ପାଇଁ ବ୍ୟବସ୍ଥା କରିଛନ୍ତି । ଦିଲ୍ଲୀର ସରେଇ କଲେଖାନ ଅଂଚଳରେ ଗୋଟିଏ ପାର୍କରେ ୭୦ଟି ଇଲେକ୍ଟ୍ରି ଚୁଲା ନିର୍ମାଣ କରାଯାଉଛି । ପ୍ରତ୍ୟେକ ଦିନ ଏତେ ମାତ୍ରାରେ କରୋନା ଜନିତ ମୃତ୍ୟୁ ହେଉଛି, ତାହା ହିଁ ଦିଲ୍ଲୀ ସରକାରଙ୍କ ଚିନ୍ତା ବଢାଇ ଦେଇଛି । କେବଳ ମଶାଣୀରେ ଜାଗା ମିଳୁନି ବରଂ ପୋଡିବା ପାଇଁ କାଠର ବି ଅଭାବ ଦେଖାଦେଇଛି । ତେଣୁ ପାର୍କରେ ଏବେ ଇଲେକ୍ଟ୍ରି ଚୁଲାରେ ଶବଦାହ କରିବା ପାଇଁ ବ୍ୟବସ୍ଥା କରିଛନ୍ତି ଦିଲ୍ଲୀ ସରକାର ।