କନକ ବ୍ୟୁରୋ: ଟ୍ୱିଟରର ସିଇଓ ପଦରୁ ଇସ୍ତଫା ଦେଇଛନ୍ତି ଜ୍ୟାକ ଡର୍ସି । ଟ୍ୱିଟ କରି ସେ ଏହି ସୂଚନା ଦେଇଛନ୍ତି । ସେ କହିଛନ୍ତି, ଦୀର୍ଘ ୧୬ ବର୍ଷ ଧରି ବିଭିନ୍ନ ପଦବୀରେ ରହିବା ପରେ ପଦ ଛାଡିବାକୁ ସେ ନିଷ୍ପତି ନେଇଛନ୍ତି । ଆଗାମୀ ଦିନରେ ମଧ୍ୟ ଟ୍ୱିଟର ବିଶ୍ୱର ଏକ ସ୍ୱଚ୍ଛ କମ୍ପାନୀ ହୋଇ ରହୁ ବୋଲି ସେ ନିଜ ଟ୍ୱିଟରେ ଲେଖିଛନ୍ତି । ଜ୍ୟାକ ଡର୍ସିଙ୍କ ପରେ ଏବେ ଭାରତୀୟ ବଂଶୋଭବ ପରାଗ ଅଗ୍ରୱାଲ ଟ୍ୱିଟରର ନୂଆ ମୁଖିଆ ହେବେ । ଏ ନେଇ ଟ୍ୱିଟ କରି ପରାଗ ଅଗ୍ରୱାଲ ଲେଖିଛନ୍ତି, ନୂଆ କାମ ନେଇ ସେ ବେଶ ଉତ୍ସାହିତ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖବର ଅନୁସାରେ, ୪୫ ବର୍ଷିୟ ଜ୍ୟାକ ଡର୍ସି କ୍ରିପଟୋ-କରେନ୍ସି ଉପରେ ଆଗ୍ରହ ରଖୁଥିଲେ । ଟ୍ୱିଟର ସହ ସେ ଆଉ ଏକ କମ୍ପାନୀର ବି ସିଇଓ ଥିଲେ , ଯାହାକୁ ନେଇ ବିବାଦ ଦେଖାଦେଇଥିଲା । ଟ୍ୱିଟର ବର୍ତମାନ ଫେସବୁକ ଓ ଟିକଟକ ଭଳି ପ୍ରତିଦ୍ୱନ୍ଦୀଙ୍କ ସହ କଡା ମୁକାବିଲାର ସମ୍ମୁଖୀନ ହୋଇଛି । ୨୦୨୩ ସୁଦ୍ଧା ଦୁଇଗୁଣ ରାଜସ୍ୱ ସଂଗ୍ରହ କରିବାକୁ କମ୍ପାନୀ ଅନେକ ନୂଆ ରଣନୀତି ଘୋଷଣା କରିଛି ।