ବ୍ରିସବେନରେ ଧୋନୀଙ୍କ ରେକର୍ଡ ଭାଙ୍ଗିଲେ ରିଷଭ, ଟେଷ୍ଟରେ ପୂରଣ କଲେ ଦ୍ରୁତ ୧ ହଜାର ରନ୍
କନକ ବ୍ୟୁରୋ : ବ୍ରିସବେନ୍ ଟେଷ୍ଟରେ କ୍ୟାପଟେନ୍ କୁଲ୍ ମାହିଙ୍କ ରେକର୍ଡ ଭାଙ୍ଗିଲେ ରିଷଭ ପନ୍ତ। ୱିକେଟ୍ କିପର ବ୍ୟାଟ୍ସମ୍ୟାନ ଭାବେ ସବୁଠୁ କମ୍ ଇଂନିସରେ ପୂରଣ କଲେ ୧ ହଜାର ରନ୍। ମଙ୍ଗଳବାର ଟିମ୍ ଇଣ୍ଡିଆର ୱିକେଟ୍ କିପର ରିଷଭ ପନ୍ତ ଟେଷ୍ଟ କ୍ୟାରିୟରରେ ନିଜର ୧ ହଜାର ରନ୍ ପୂରଣ କରିଛନ୍ତି। ମାତ୍ର ୨୭ଟି ପାଳି ଖେଳି ସେ ଏହି ରନ୍ ସଂଗ୍ରହ କରିଛନ୍ତି। ଏଥିସହ ଭାରତୀୟ ୱିକେଟ୍ କିପର ଭାବେ ପନ୍ତ ଟେଷ୍ଟରେ ଦ୍ରୁତତମ ୧ ହଜାର ରନ୍ ପୂରଣ କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ପନ୍ତଙ୍କ ପୂର୍ବରୁ ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ ଟେଷ୍ଟରେ ୩୨ଟି ଇଂନିସ ଖେଳି ନିଜର ୧ ହଜାର ପୂରଣ କରିଥିଲେ। ତାଙ୍କ ପୂର୍ବରୁ ଭାରତୀୟ ୱିକେଟ୍ କିପର ଫାରୁକ୍ ଇଞ୍ଜିନିୟର ୩୬ଟି ଇଂନିସ, ରିଦ୍ଧିମାନ ସାହ ୩୭ଟି ଇଂନିସ, ନୟନ ମୋଙ୍ଗିଆ ୩୯ଟି ଇଂନିସ ଖେଳି ନିଜର ୧ ହଜାର ରନ୍ ପୂରଣ କରିଥିଲେ। ରିଷଭ ପନ୍ତ ମାତ୍ର ୨୭ଟି ଇଂନିସ ଖେଳି ଏହି ସଫଳତା ହାସଲ କରିଛନ୍ତି। ଭାରତ-ଅଷ୍ଟ୍ରେଲିଆ ଭିତରେ ବ୍ରିସବେନରେ ଚତୁର୍ଥ ଟେଷ୍ଟ ଖେଳାଯାଉଛି। ଆଜି ଏହାର ପଞ୍ଚମ ଦିନ। ଟିମ୍ ଇଣ୍ଡିଆକୁ କଙ୍ଗାରୁ ଦଳ ୩୨୮ ରନର ଟାର୍ଗେଟ ଦେଇଛି।