‘କରୋନା’କୁ ନେଇ ଆସୁଛି ଭିନ୍ନ ଭିନ୍ନ ତଥ୍ୟ: ବାଦୁଡି ପରେ ଏବେ ଚର୍ଚ୍ଚାରେ ବଜ୍ରକାପ୍ତା; ଦକ୍ଷିଣ ଚୀନ କୃଷି ବିଶ୍ୱବିଦ୍ୟାଳୟ କହିଲା, ମାରାତ୍ମକ ଭୂତାଣୁର ବାହକ ହୋଇପାରେ ସ୍ତନ୍ୟପାୟୀ ପ୍ରାଣୀ
ନିଷ୍କର୍ସରେ ପହଞ୍ଚିବା ଆଗରୁ ଅଧିକ ଗବେଷଣା ଆବଶ୍ୟକ
କନକ ବ୍ୟୁରୋ: ଚୀନରେ କାହିଁକି ବ୍ୟାପିଲା ମାରାତ୍ମକ କରୋନା ଭୂତାଣୁ, ତାକୁ ନେଇ ଭିନ୍ନଭିନ୍ନ କାରଣ ସାମ୍ନାକୁ ଆସିବାରେ ଲାଗିଛି । ପ୍ରଥମେ ଚୀନବାସୀ ଖାଉଥିବା ବାଦୁଡିରୁ ଏହି ଭୂତାଣୁ ବ୍ୟାପିଥାଇ ପାରେ ବୋଲି ସନ୍ଦେହ କରାଯାଉଥିଲା । ଏବେ ଚର୍ଚ୍ଚାକୁ ଆସିଛି ଆଉ ଏକ ସ୍ତନ୍ୟପାୟୀ ପ୍ରାଣୀ ବଜ୍ରକାପ୍ତା । ଚୀନରେ କରୋନା ଭାଇରସରେ ମୃତ୍ୟୁ ସଂଖ୍ୟା ୭୧୭ ଓ ଆକ୍ରାନ୍ତଙ୍କ ସଂଖ୍ୟା ୩୧ ହଜାର ଟପିବା ପରେ ସାରା ବିଶ୍ୱର ଚିନ୍ତା ବଢି ଯାଇଛି । ତେଣୁ ଏହାର କାରଣ ଓ ନିରାକରଣ ପାଇଁ ସବୁ ସ୍ତରରେ ଚାଲିଛି ଗବେଷଣା ।
Kanak News is now on WhatsApp
Join and get latest news updates delivered to you via WhatsApp
ଦକ୍ଷିଣ ଚୀନ କୃଷି ବିଶ୍ୱବିଦ୍ୟାଳୟର ଅନସନ୍ଧାନରୁ କରୋନା ଭୂତାଣୁୁ ବ୍ୟାପିବା ପଛରେ ବଜ୍ରକାପ୍ତାର ଭୂମିକା ରହିଥିବା ନେଇ ସନ୍ଦେହ ପ୍ରକାଶ ପାଇଛି । ଯଦିଓ ଏ ସଂପର୍କରେ କୌଣସି ନିଷ୍କର୍ସରେ ପହଂଚିବା ପାଇଁ ଅଧିକ ଗବେଷଣାର ଆବଶ୍ୟକତା ଥିବା ରିପୋର୍ଟରେ କୁହାଯାଇଛି । ଚୀନକୁ ବେଆଇନ ଭାବେ ବହୁ ସଂଖ୍ୟାରେ ବଜ୍ରକାପ୍ତା ମାଂସ ରପ୍ତାନୀ ହେଉଥିବାରୁ ଏହାକୁ କରୋନା ଭୂତାଣୁର କାରଣ ବୋଲି କୁହାଯାଉଛି ।
କାରଣ ବଜ୍ରକାପ୍ତାରେ ମିଳୁଥିବା ଭୂତାଣୁ ଓ କରୋନା ଆକ୍ରାନ୍ତଙ୍କ ଦେହରେ ମିଳୁଥିବା ଭୂତାଣୁ ମଧ୍ୟରେ ୯୯ ପ୍ରତିଶତ ସମାନତା ରହିଛି । ପ୍ରାୟ ହଜାରେ ଜଣ କରୋନା ଆକ୍ରାନ୍ତଙ୍କ ରକ୍ତ ନମୂନା ପରୀକ୍ଷା ପରେ ଏଭଳି ଏକ ସମ୍ଭାବନା ସାମ୍ନାକୁ ଆସିଛି । ଓଡିଶାରୁ ବହୁ ସଂଖ୍ୟାରେ ବଜ୍ରକାପ୍ତା ମାଂସ ଚୀନକୁ ବେଆଇନ ଭାବେ ରପ୍ତାନୀ ହେଉଥିବା ଖବର ମଧ୍ୟ କେତେକ ଗଣମାଧ୍ୟମରେ ପ୍ରକାଶ ପାଇଛି ।