କନକ ବ୍ୟୁରୋ: ରାଜସ୍ଥାନର ଯୋଧପୁର ପାଲି ଜିଲ୍ଲାରେ ରବିବାର ରାତି ସମୟରେ ମର୍ମନ୍ତୁଦ ଦୁର୍ଘଟଣା ଘଟିଛି । ଶ୍ରଦ୍ଧାଳୁଙ୍କ ଏକ ଦଳ ରାମଦେବରା ଦର୍ଶନ କରିବାକୁ ପାଦରେ ଚାଲିଚାଲି ଯାଉଥିବାବେଳେ ସମ୍ଭାଗ ନିକଟରେ ଏକ ଟ୍ରଲର ତାଙ୍କ ଉପରେ ଚଢିଯାଇଥିଲା । ଫଳରେ ୫ଜଣଙ୍କର ମୃତ୍ୟୁ ହୋଇଥିବାବେଳେ ୧୨ରୁ ଅଧିକ ଶ୍ରଦ୍ଧାଳୁ ଗୁରୁତର ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୋଲିସର ସୂଚନା ମୁତାବକ, ଶ୍ରଦ୍ଧାଳୁମାନେ ରାସ୍ତାରେ ଚାଲି ଯାଉଥିବାବେଳେ ବିପରୀତ ଦିଗରୁ ଦ୍ରୁତ ଗତିରେ ଆସୁଥିବା ଏକ ଟ୍ରଲର ନିୟନ୍ତ୍ରଣ ହରାଇ ସେମାନଙ୍କ ଉପରେ ମାଡିଯାଇଥିଲା । । ଘଟଣାସ୍ଥଳରେ ୩ଜଣଙ୍କର ମୃତ୍ୟୁ ହୋଇଥିବାବେଳେ ୨ଜଣଙ୍କର ହସ୍ପିଟାଲରେ ଜୀବନ ଯାଇଛି । ଗୁରୁତରଙ୍କ ମଧ୍ୟରୁ କିଛି ଶ୍ରଦ୍ଧାଳୁଙ୍କ ଅବସ୍ଥା ସଙ୍କଟାପନ୍ନ ଥିବା ସୂଚନା ରହିଛି ।