ପାକିସ୍ତାନରେ ହାଇଡ୍ରାମା । ଇମ୍ରାନଙ୍କ ଘରେ କବାଟ ଭାଙ୍ଗି ପଶିଲା ପୁଲିସ, ଚାଲିଲା ବୁଲଡୋଜର
କନକ ବ୍ୟୁରୋ : ପାକିସ୍ତାନରେ ଶନିବାର ଦେଖିବାକୁ ମିଳିଛି ହାଇଡ୍ରାମା । ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଗିରଫ ପାଇଁ ପିଛା ଛାଡୁନି ଇସଲାମାବାଦ ପୁଲିସ । ଏହା ଭିତରେ ଶନିବାର ଲାହୋରେ ଥିବା ଇମ୍ରାନଙ୍କ ବାସଭବନ ଭିତରେ ବଳପୂର୍ବକ ପଶିଛି ଲାହୋର ପୁଲିସ । ବୁଲଡୋଜର ଜରିଆରେ ଘରର କିଛି ଅଂଶ ଭଙ୍ଗାଯାଇଥିବା ମଧ୍ୟ ଜଣାପଡିଛି । ଇମ୍ରାନଙ୍କ ଘର ଓ ଘର ବାହାର ଜଗି ରହିଥିବା ସମର୍ଥକ ଓ ପୁଲିସ ମଧ୍ୟରେ ବଡ ଧରଣର ସଂର୍ଘଷ ହୋଇଛି । ଗୁଳିମାଡ ସହ ବୋମା ବିସ୍ଫୋରଣ ଓ ଲାଠି ଚାର୍ଜର ଖବର ମଧ୍ୟ ସାମ୍ନାକୁ ଆସିଛି । ଘଟଣାକୁ ନେଇ ଆକ୍ରୋଶ ଜାହିର କରିଛନ୍ତି ଇମ୍ରାନଙ୍କ ସମର୍ଥକ । ସେହେବାଜ ସରକାରଙ୍କ ଇସାରାରେ ଇମ୍ରାନଙ୍କ ବିରୋଧରେ ଏଭଳି କାର୍ଯ୍ୟାନୁଷ୍ଟାନ ଗ୍ରହଣ କରାଯାଇଥିବା ଇମ୍ରାନଙ୍କ ସମର୍ଥକ ଅଭିଯୋଗ କରିଛନ୍ତି । ଅନ୍ୟପଟେ ପୁଲିସ କହିଛି ପ୍ରଥମେ ଗୁଳିମାଡ ହେବା ଯୋଗୁଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟେ ପଟେ ତୋଷଖାନା ମାମଲାରେ ଦୋଷୀ ସାବ୍ୟସ୍ତ ହୋଇଥିବା ଇମ୍ରାନଙ୍କୁ ଗିରଫ କରିବା ପାଇଁ ଇସଲାମାବାଦ ପୁଲିସ ସବୁପ୍ରକାର ଚେଷ୍ଟା କରୁଥିବବେଳେ ଅନ୍ୟପଟେ ଧରାଛୁଆଁ ଦେଉନାହାଁନ୍ତି ଇମ୍ରାନ । ସେପଟେ ଅନ୍ୟ ମାମଲାରେ ହାଜର ହେବା ପାଇଁ କୋର୍ଟରେ ହାଜର ହେବାକୁ ଇସଲାମାବାଦ କୋର୍ଟ ଯାଉଥିବା ସମୟରେ ଗାଡି ଦୁର୍ଘଟଣାର ଶିକାର ହୋଇଥିବା ଇମ୍ରାନ ଭିଡିଓ ଜାରି କରି କହିଛନ୍ତି ।
ବହୁ ଚର୍ଚ୍ଚିତ ତୋଷଖାନା ମାମଲାରେ ଦୋଷୀ ସାବ୍ୟସ୍ତ ହୋଇସାରିଛନ୍ତି ଇମ୍ରାନ ଖାନ । ତୋଷଖାନାର ବହୁ ମୂଲ୍ୟବାନ ଉପହାର ଓ ସମ୍ପତି ବିକ୍ରି କରିଥିଲେ ଇମ୍ରାନ । ଏହି ମାମଲାରେ ଇସଲାମାବାଦ କୋର୍ଟ ଇମ୍ରାନଙ୍କୁ ଗିରଫ କରି ୨୮ ମାର୍ଚ୍ଚ ସୁଦ୍ଧା ହାଜର କରିବାକୁ ନିର୍ଦ୍ଦେଶ ଦେଇଛନ୍ତି ।