ପାକିସ୍ତାନ ଲୋକଙ୍କୁ ଚା ପିଇବାରୁ ବିରତ ରହିବାକୁ ଅନୁରୋଧ କଲେ ମନ୍ତ୍ରୀ ଅହସାନ ଇକବାଲ, ଜାଣନ୍ତୁ କାରଣ
କନକ ବ୍ୟୁରୋ : ଆର୍ଥିକ ସଂକଟ ଦେଇ ଗତି କରୁଥିବା ପାକିସ୍ତାନ ଏବେ ଦେଶର ଲୋକଙ୍କ ଚା ପିଇବାକୁ ମନା କରିଛି । ପାକିସ୍ତାନ ଯୋଜନା ଓ ବିକାଶମନ୍ତ୍ରୀ ଅହସାନ ଇକବାଲ ଜନତାଙ୍କୁ ଅନୁରୋଧ କରିଛନ୍ତି କି ସେମାନେ ଦୈନିକ ଯେତିକି କପ୍ ଚା ପିଉଛନ୍ତି ତା ମଧ୍ୟରୁ କିଛି କମ କରିଦିଅନ୍ତୁ । ଏନେଇ ସେ କହିଛନ୍ତି କି ଦେଶ ଏବେ ଯେଭଳି ଘୋର ଆର୍ଥିକ ସଂକଟ ଦେଇ ଗତି କରୁଛି ଯଦି ଲୋକମାନେ ଚା ପିଇବା କମାଇଦେବେ ତେବେ ଆର୍ଥିକ ଅବସ୍ଥାର ସୂଧାର ଆସିବାରେ ସହାୟକ ହେବ । କହିରଖୁ କି ପାକିସ୍ତାନ ବିଦେଶରୁ ଚା ଆମଦାନୀ କରିଥାଏ । ତେଣୁ ଲୋକମାନେ ଚା ପିଇବା କମାଇଦେଲେ ସରକାରଙ୍କ ଆମଦାନୀ ଖର୍ଚ୍ଚ କମିବ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ମନ୍ତ୍ରୀ ଦେଶର ବ୍ୟବସାୟୀ ମାନଙ୍କୁ ବି ବିଜୁଳି ବ୍ୟବହାର କମ୍ କରିବାକୁ ଅନୁରୋଧ କରିଛନ୍ତି । ଆର୍ଥିକ ସଂକଟର ସୂଧାର ପାଇଁ ସେ କହିଛନ୍ତି କି ବ୍ୟବସାୟୀମାନେ ରାତି ୮.୩୦ ପରେ ସେମାନଙ୍କ ବ୍ୟବସାୟ ପ୍ରତିଷ୍ଠାନ ବନ୍ଦ କରନ୍ତୁ । ଏଭଳି କଲେ ଅନ୍ୟ ଦେଶରୁ କିଣା ଯାଉଥିବା ବିଜୁଳିରୁ କିଛି ଖର୍ଚ୍ଚ କାଟ କରାଯାଇ ପାରିବ ।
ପାକିସ୍ତାନ ଗଣମାଧ୍ୟମ “ଏକ୍ସପ୍ରେସ ଟ୍ୟୁନ” ର ଏକ ରିପୋର୍ଟ ମୁତାବକ ମଙ୍ଗଳବାର ଦିନ ରାଜଧାନୀ ଇସଲାମାବାଦରେ ଗଣମାଧ୍ୟମ ସହ ଆଲୋଚନା ବେଳେ ମନ୍ତ୍ରୀ ଇକବାଲ କହିଛନ୍ତି କି, “ମୁଁ ଦେଶର ଲୋକଙ୍କୁ ଦୈନିକ ୨ କପ ଚା କମ୍ ପିଇବାକୁ ଅନୁରୋଧ କରିଛି । କାରଣ ସରକାର ଚା ଆମଦାନୀ ପାଇଁ ବିଦେଶରୁ ଋଣ କରିବାକୁ ପଡୁଛି”
କହିରଖୁ କି ପାକିସ୍ତାନ ସରକାର ଗତମାସରେ ଆମଦାନୀ ଖର୍ଚ୍ଚ କମ କରିବାକୁ ୪୧ ଟି ସାମଗ୍ରୀ ଉପରେ ଆମଦାନୀ ପ୍ରତିବନ୍ଧକ ୨ ମାସ ପାଇଁ ଲଗାଇଛନ୍ତି । ମାତ୍ର ଏହା ଦ୍ୱାରା ବିଶେଷ କିଛି ଫରକ ପଡିବ ବୋଲି ଅନୁମାନ କରାଯାଉ ନାହିଁ । ଏଭଳି ଆମଦାନୀ ଉପରେ ପ୍ରତିବନ୍ଧକ ଲଗାଇବା ଫଳରେ ପାକିସ୍ତାନକୁ ଆମଦାନୀ ଶ୍ଳୁକ ୬୦ କୋଟି ଡଲାର କମ୍ ହୋଇଛି । ଏହା ମୋଟ ଆମଦାନୀ ଶ୍ଳୁକର ମାତ୍ର ୫ ପ୍ରତିଶତ ବୋଲି କୁହାଯାଉଛି ।