ଯୁଦ୍ଧ ବିମାନ ଖସାଇବା ପରେ ଡରିଗଲା ପାକିସ୍ତାନ? ନରମିଗଲା ଶତ୍ରୁ ରାଷ୍ଟ୍ରର ସ୍ୱର, ଜିଓ ଟିଭିରେ ପାକ ସେନା ଅଧିକାରୀଙ୍କ ସୂଚନା, ‘ଯୁଦ୍ଧ ଦ୍ୱାରା ହେବନି କାହାରି ବିଜୟ’
କନକ ବ୍ୟୁରୋ: ପାକିସ୍ତାନ ବାୟୁ ସେନା ଭାରତୀୟ ସୀମା ଭିତରେ ପ୍ରବେଶ କରିବା ପରେ ସ୍ୱର ବଦଳାଇଛିି ପାକ୍ ସେନା । ପାକ୍ ସେନାର ମୁଖପାତ୍ର ଆସିଫ୍ ଗଫୁର କହିଛନ୍ତି ପାକିସ୍ତାନ ଯୁଦ୍ଧ ଚାହେଁ ନାହିଁ । ଯୁଦ୍ଧ କୌଣସି ସମସ୍ୟାର ସମାଧାନ ନୁହେଁ । କିନ୍ତୁ ଆମେ ଦେଖାଇ ଦେଇଛୁ ପାକିସ୍ତାନ ସେନା ପାଖରେ ବି ଦମ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହିତ ଦାବି କରିଛନ୍ତି ଭାରତର ୬ଟି ସ୍ଥାନରେ ଟାର୍ଗେଟ କରି ପାକିସ୍ତାନ ଆକାଶମାର୍ଗରୁ ବୋମା ମାଡ କରିଛି । ଏହା ସହିତ ଭାରତର ଦୁଇ ଯୁଦ୍ଧ ବିମାନକୁ ଖସାଇ ଦେବା ସହ ଦୁଇ ଜଣ ପାଇଲଟଙ୍କୁ ଧରି ନେଇଛି ବୋଲି ଦାବି କରିଛି ପାକିସ୍ତାନ । ପାକିସ୍ତାନ କହିଛି ପାକିସ୍ତାନ ଆଜି ଏଫ-୧୬କୁ ବ୍ୟବହାର କରିନି । ଭାରତ ମିଛ କହୁଛି ।
ସେପଟେ, ପାକିସ୍ତାନର ଏହି ଦାବିକୁ ଖଣ୍ଡନ କରିଛି ଭାରତ । ଭାରତ କହିଛି ମିଛ କହୁଛି ପାକିସ୍ତାନ । ୨୦୧୪ ମସିହାରେ ହୋଇଥିବା ବିମାନ କ୍ରାସର ଭିଡିଓକୁ ଦେଖାଉଛି ପାକିସ୍ତାନ । ତେବେ ପାକିସ୍ତାନର ଏଫ-୧୬ ବିମାନକୁ ପାକିସ୍ତାନ ସୀମା ଭିତରେ ଖସାଇ ଦେଇଥିବା ଦାବି କରିଛି । ଏହା ସହିତ କାଗଜପତ୍ର ଜବତ କରାଯାଇଛି ବୋଲି କହିଛି ଭାରତ ।