ଦାରୁଠେଙ୍ଗରେ ଅଳିଆଗାଡ଼ି ଧକ୍କାରେ ମୃତ୍ୟୁକୁ ନେଇ ଉତେଜନା । ଧାରଣାରେ ବସିଲେ ସ୍ଥାନୀୟ ଲୋକେ, ବିଏମସି ଅଳିଆ ଗାଡ଼ି ଡମ୍ପିଂୟାର୍ଡକୁ ନଛାଡ଼ିବାକୁ ଦାବି

କନକ ବ୍ୟୁରୋ : ଦାରୁଢେଙ୍ଗ ଅଞ୍ଚଳରୁ ଆସିଛି ଏକ ଲୋମଟାଙ୍କୁରା ଘଟଣା । ଲୋକଙ୍କ ଉପରେ ଚଢିଗଲା ବିଏମସି ଗାଡି । ଭୁବନେଶ୍ୱର ଦାରୁଠେଗ ଅଞ୍ଚଳରେ ଜଣେ ବ୍ୟକ୍ତିଙ୍କ ଉପରେ ବିଏମସି ଗାଡି ଚଢିଯିବା ପରେ ଘଟଣା ସ୍ଥଳରେ ହିଁ ତାଙ୍କର ମୃତ୍ୟୁ ଘଟିଛି । ଏଭଳି ବେପରୁଆ ଗାଡି ଚାଳନାକୁ ବିରୋଧ କରି ସ୍ଥାନୀୟ ଦାରୁଠେଙ୍ଗବାସୀ ରାସ୍ତା ଅବରୋଧ କରିଛନ୍ତି ।
ସୂଚନା ମୁତାବକ, ମୃତ ବ୍ୟକ୍ତି ଜଣଙ୍କ ହେଉଛନ୍ତି ରାମ ଗାଗରେଇ । ସେ ତାଙ୍କ ପୁଅ ପାଖକୁ ଯାଉଥିବା ବେଳେ ତାଙ୍କ ଉପରେ ବିଏମସି ଗାଡି ଚଢିଯାଇଛି । ଯେଉଁଥିରେ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ତେବେ ଏପର୍ଯ୍ୟନ୍ତ ଏନେଇ କୌଣସି କାର୍ଯ୍ୟାନୁଷ୍ଠାନ ହୋଇନଥିବା ଜଣାପଡିଛି । ଅନ୍ୟପଟେ ସ୍ଥାନୀୟ ଲୋକେ ଘଟଣାର ସମାଧାନ ଏବଂ କ୍ଷତିପୁରଣ ନମିଳିବା ଯାଏଁ ଡମ୍ପିଙ୍ଗୟାଡକୁ ଗାଡି ନଛାଡିବାକୁ ଚେତାବନୀ ଦେଇଛନ୍ତି ଲୋକେ