ପୁଣି ଧମକାଇଲା ଡ୍ରାଗନ ! ଚୀନ ଗଣମାଧ୍ୟମରେ ଉତ୍ତେଜକ ଲେଖା, ଯୁଦ୍ଧ ପାଇଁ କାଉଂଟଡାଉନ ଆରମ୍ଭ
କନକ ବ୍ୟୁରୋ : ଡୋକଲାମ ପ୍ରସଙ୍ଗକୁ ନେଇ ବାରମ୍ବାର ଯୁଦ୍ଧ ଧମକ ଦେଉଛି ଚୀନ । ଏପରିକି ଯୁଦ୍ଧ ପାଇଁ କାଉଂଟ ଡାଉନ୍ ଆରମ୍ଭ ହୋଇଥିବା ମଧ୍ୟ ଚୀନ ବିଦେଶ ବ୍ୟାପାର ବିଭାଗ ମୁଖପାତ୍ର ‘ଚାଇନା ଡେଲି’ରେ ରିପୋର୍ଟ ପ୍ରକାଶ କରିଛି । ଭାରତୀୟ ଯବାନ ପଛକୁ ନହଟିଲେ ଯୁଦ୍ଧ ହେବ ବୋଲି, ଚୀନ ବାରମ୍ବାର ଧମକ ଦେଇ ଆସୁଛି । ଗୋଟିଏ ପଟେ ଭାରତ ଶାନ୍ତି ପାଇଁ ପ୍ରସ୍ତାବ ଦେଉଥିବାବେଳେ, ଚୀନ୍ କିନ୍ତୁ କହିଛି ଆଲୋଚନାର ବାଟ ବନ୍ଦ ହୋଇଯାଇଛି ଏବଂ ଯୁଦ୍ଧ ପାଇଁ ଓଲଟା ଗଣତି ଆରମ୍ଭ ହୋଇ ଯାଇଛି । ଏହାସହ ଚୀନର ଧମକକୁ ଭାରତ ବାରମ୍ବାର ଅଣଦେଖା କରୁଥିବା ଏହି ରିପୋର୍ଟରେ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଡୋକଲାମ ବିବାଦରେ ଚୀନ ସେନା ଦେଖାଇଥିବା ସଂଜମତାକୁ ଚୀନର ଦୁର୍ବଳତା ବୋଲି ଭାରତ ଭାବିବା ଅନୁଚିତ ବୋଲି ଏହି ଏଡିଟୋରିଆଲରେ ପ୍ରକାଶ ପାଇଛି । ଏବଂ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତି ଆରମ୍ଭ ହୋଇସାରିଲାଣି । ଭାରତକୁ ଏହାର ଫଳ ଭୋଗିବାକୁ ହେବ ବୋଲିି ଚୀନ ପୁଣି ଥରେ ଦୋହରାଇଛି । ଡୋକଲାମ ସୀମାକୁ ନେଇ ଦୁଇ ମାସ ହେବ ବିବାଦ ଲାଗି ରହିଥିବାବେଳେ ଏବେ ଏହା ଆଉ ଆଲୋଚନା ମାଧ୍ୟମରେ ସମାଧାନ ହୋଇପାରିବ ନାହିଁ ବୋଲି ଏହି ରିପୋର୍ଟରେ ପ୍ରକାଶ ପାଇଛି ।
ଭାରତ-ଚୀନ ସୀମା ବିବାଦକୁ ନେଇ ଚୀନ ବାରମ୍ବାର ଧମକ ଦେଉଥିବା ବେଳେ ଭାରତୀୟ ସେନା ଦେଶର ସୁରକ୍ଷା ପାଇଁ ଦୃଢ ସମର୍ଥ ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ ଅରୁଣ ଜେଟଲୀ । ଯେକୌଣସି ପରିସ୍ଥିିତର ସମ୍ମୁଖିନ ହେବା ପାଇଁ ଭାରତୀୟ ସେନା ପ୍ରସ୍ତୁତ ବୋଲି ଜେଟଲୀ କହିଛନ୍ତି । ୧୯୬୨ଯୁଦ୍ଧ ଭାରତକୁ ବହୁ ଶିକ୍ଷା ଦେଇଛି । ଫଳରେ ଭାରତ ନିଜ ସେନାକୁ ଯେକୌଣସି ଧମକର ମୁକାବିଲା କରିବାକୁ ଶକ୍ତିଶାଳୀ କରିଛି । ସ୍ୱାଧିନତା ପରେ ଦେଶ ବହୁ ବିପଦକୁ ସାମ୍ନା କରିଛି ।
୧୯୬୨ ଯୁଦ୍ଧ ବେଳେ ଭାରତୀୟ ସେନା ସଙ୍ଗଠିତ ନଥିଲା । ଆବଶ୍ୟକ ଅସ୍ତ୍ରଶସ୍ତ୍ର ନଥିଲା ଓ ସଂଖ୍ୟାବଳର ଅଭାବ ଥିଲା ବୋଲି ଜେଟଲୀ କହିଛନ୍ତି । ଏହି ଯୁଦ୍ଧ ଭାରତକୁ ସଶକ୍ତ ହେବାକୁ ଶିକ୍ଷା ଦେଇଥିଲା । ଫଳରେ ୧୯୬୫ ଓ ୧୯୭୧ରେ ଭାରତ ସେନାଶକ୍ତିର ଉପଯୁକ୍ତ ପରିଚୟ ଦେଇଛି ବୋଲି ରାଜ୍ୟସଭାରେ କହିଛନ୍ତି ଅରୁଣ ଜେଟଲୀ ।