ଦିଲ୍ଲୀରେ ଓମିକ୍ରନ୍ ଆତଙ୍କ । ୧୫ ସନ୍ଦିଗ୍ଧ ହସ୍ପିଟାଲରେ ଭର୍ତ୍ତି
କନକ ବ୍ୟୁରୋ: ଦେଶରେ ବଢିଚାଲିଛି ଓମିକ୍ରନ ଭୟ । କର୍ଣ୍ଣାଟକ , ମହାରାଷ୍ଟ୍ର ପରେ ଏବେ ଦିଲ୍ଲୀରେ ଓମିକ୍ରନକୁ ନେଇ ଲୋକେ ଛାନିଆଁ । କାରଣ ଦିଲ୍ଲୀରେ ୧୫ ସନ୍ଦିଗ୍ଧଙ୍କୁ ଏଲଏନଜେପି ହସ୍ପିଟାଲରେ ଭର୍ତ୍ତି କରାଯାଇଛି । ଏମାନଙ୍କର ଜିନୋମ ସିକ୍ୱେନ୍ସି ରିପୋର୍ଟ ଆଉ ୪-୫ ଦିନରେ ଆସିବାର ସୂଚନା ରହିଛି । ଏହି ସମସ୍ତ ସନ୍ଦିଗ୍ଧ ବିଦେଶ ଫେରନ୍ତା ।
Kanak News is now on WhatsApp
Join and get latest news updates delivered to you via WhatsApp
ଅଧିକାରୀଙ୍କ ସୂଚନା ମୁତାବକ, ଯେଉଁ ୧୫ ଜଣଙ୍କୁୁ ହସ୍ପିଟାଲରେ ଭର୍ତ୍ତି କରାଯାଇଛି ତାଙ୍କ ମଧ୍ୟରୁ ୯ଜଣଙ୍କ ଠାରେ କରୋନା ପଜିଟିଭି ମିଳିଛି । ଅନ୍ୟ ୬ ଜଣଙ୍କ ଠାରେ ଗଳା ଦରଜ ଓ ଜ୍ୱର ପରି ଲକ୍ଷଣ ଦେଖାଦେଇଛି । ପୂର୍ବରୁ ଦିଲ୍ଲୀରେ ୧୨ଜଣ ସନ୍ଦିଗ୍ଧଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ଏବେ ଏମାନଙ୍କ ସଂଖ୍ୟା ୧୫ରେ ପହଞ୍ଚିଛି । ହସ୍ପିଟାଲର ମେଡିକାଲ ନିର୍ଦ୍ଦେଶକଙ୍କ ସୂଚନା ମୁତାବକ, ସମସ୍ତ ସନ୍ଦିଗ୍ଧ ଇଂଲଣ୍ଡରୁ ଫେରିଛନ୍ତି ।
ସୂଚନା ମୁତାବକ, ଇଂଲଣ୍ଡ, ଦକ୍ଷିଣ ଆଫ୍ରିକା, ବ୍ରାଜିଲ , ଚୀନ, ମରିସସ୍, ନ୍ୟୁଜିଲ୍ୟାଣ୍ଡ. ଜିମ୍ବାୱେ, ସିଙ୍ଗାପୁର, ହଂକଂ ଓ ଇଜ୍ରାଏଲକୁ କେନ୍ଦ୍ର ସରକାର ‘ହାଇ ରିସ୍କ’ ତାଲିକା ଅନ୍ତର୍ଭୁକ୍ତ କରିଛନ୍ତି । ଏଠାରୁ ଫେରୁଥିବା ଯାତ୍ରୀଙ୍କୁ ଆରଟିପିସିଆର ଟେଷ୍ଟ କରିବା ଜରୁରୀ । ।ଟେଷ୍ଟର ରିପୋର୍ଟ ଆସିବା ପରେ ହିଁ ଏମାନଙ୍କୁ ବିମାନବନ୍ଦରରୁ ଯିବାକୁ ଅନୁମତି ମିଳିବ । ଏହା ବ୍ୟତୀତ ବାକି ଦେଶରୁ ଆସୁଥିବା ଯାତ୍ରୀଙ୍କୁ ମଧ୍ୟ ବିମାନବନ୍ଦରରେ ଯାଞ୍ଚ କରି ଛଡାଯାଉଛି ।