କନକ ବ୍ୟୁରୋ : ଦେଶରେ ଖସୁଛି କରୋନା ସଂକ୍ରମଣ । ଡିସେମ୍ବର ଶେଷ ସପ୍ତାହରୁ ଜାନୁଆରୀ ୩ୟ ସପ୍ତାହ ପର୍ଯ୍ୟନ୍ତ ଦେଶରେ କରୋନାର ନୂଆ ପ୍ରଜାତି ଓମିକ୍ରନ ପ୍ରଭାବରେ ଦୈନିକ ସଂକ୍ରମଣ ୩ଲକ୍ଷ ଉପରେ ରହୁଥିବାବେଳେ ଏବେ ଏଥିରେ ହ୍ରାସ ଘଟିଛି । ଏହା ଭିତରେ ବିଲ ଆଣ୍ଡ ମେଲିଣ୍ଡା ଫାଉଣ୍ଡେସନର ସିଇଓ ତଥା ବୋର୍ଡର ସଦସ୍ୟ ମାର୍କ ସୁଜମ୍ୟାନ୍ ଏକ ଆଶସ୍ତିକର ଖବର ଦେଇଛନ୍ତି । ଏପ୍ରିଲ-ମେ ମାସ ସୁଦ୍ଧା ଭାରତ ସମେତ ଅଧିକାଂଶ ଦେଶରୁ ଓମିକ୍ରନ ପ୍ରଭାବ ଶେଷ ହେବ ବୋଲି କହିଛନ୍ତି, ସୁଜମ୍ୟାନ ।
Kanak News is now on WhatsApp
Join and get latest news updates delivered to you via WhatsApp
କରୋନା କେବେ ଶେଷ ହେବ, ଏନେଇ ଏକ ପ୍ରଶ୍ନର ଉତରରେ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ କହିଛନ୍ତି, ଇନଷ୍ଟିଚ୍ୟୁଟ ଫର ହେଲଥ ମେଟ୍ରିକ୍ସ ଆଣ୍ଡ ଇଭାଲୁଏସ ବା ଆଇଏଚଏମଇର ମଡେଲ କହୁଛି କି ଏପ୍ରିଲ ପ୍ରାରମ୍ଭରେ ଓମିକ୍ରନର ପ୍ରଭାବ କମିବ । ସେ ଏକଥା ମଧ୍ୟ କହିଛନ୍ତି କି ଆମକୁ କରୋନାର ନୂଆ ନୂଆ ପ୍ରଜାତି ଉପରେ ନଜର ରଖିବାକୁ ପଡିବ । ସାକ୍ଷାତକାରରେ ଭାରତର ପ୍ରଂଶସା କରିଛନ୍ତି ମାର୍କ । ଅନ୍ୟାନ୍ୟ ଦେଶ ତୁଳନାରେ ଭାରତ ଟିକାକରଣ ଅଭିଯାନ କ୍ଷେତ୍ରରେ ମାଇଲଖୁଂଟ ସ୍ଥାପନ କରିଛି ।