ବୋରୱେଲ ଭିତରକୁ ଖସିପଡିଲେ ବୃଦ୍ଧା, ୨୦ ଫୁଟ୍ ତଳେ ଜୀବନ ସହ କରୁଛନ୍ତି ସଂଘର୍ଷ ।

କନକ ବ୍ୟୁରୋ : ଗଭୀର ବୋରୱେଲରେ ଖସି ପଡ଼ିଲେ ବୃଦ୍ଧ ମହିଳା । ସୁବର୍ଣ୍ଣପୁର ଜିଲ୍ଲାସଦର ବ୍ଲକ କଇଁଫୁଲ ଗାଁ ନିକଟରେ ଘଟିଛି ଏଭଳି ଅଭାବନୀୟ ଘଟଣା । ବୃଦ୍ଧ ମହିଳା ଜଣଙ୍କ ୨ ୦ ଫୁଟ ତଳେ ଥିବା ସୂଚନା ମିଳିଛି । ବୋରୱେଲରେ ଖସିପଡିଥିବା ବୃଦ୍ଧା ଜଣକ ହେଲେ ଦୁଖୀ ନେଗୀ । ସୋନପୁର ଓ ତରଭା ଅଗ୍ନିଶମ ବାହିନୀ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।

ମିଳିଥିବା ସୂଚନା ମୁତାବକ, ଗତକାଲି ବୃଦ୍ଧା ଜଣକ କୌଣସି କାର୍ଯ୍ୟରେ ଆସିଥିବା ବେଳେ ବୋରୱେଲ ଭିତରେ ଖସିପଡିଥିଲେ । ପରିବାର ଲୋକ ବହୁତ ଖୋଜାଖୋଜି କରିବା ପରେ ମଧ୍ୟ କୌଣସି ସୂଚନା ମିଳିନଥିଲା । ତେବେ ଆଜି ବୃଦ୍ଧା ଜଣକ ବୋରୱେଲ ଭିତରକୁ ଖସିପଡିଥିବା ନେଇ ଜାଣିବାକୁ ପାଇଥିଲେ ପରିବାରବର୍ଗ ।