ପେନସନ ଦାବି ନେଇ ଲକ୍ଷେ ଲୋକ ଘେରିବେ ସଂସଦ ! ସାମ୍ବାଦିକ ସମ୍ମିଳନୀ କରି ଓଡ଼ିଶା କର୍ମଚାରୀ ମହାମଞ୍ଚ ଦେଲା ସୂଚନା
ରାଜ୍ୟ ନେତାମାନଙ୍କୁ ନେଇ ଏକ ୮ ଜଣିଆ କମିଟି ଗଠିତ ହୋଇଛି
କନକ ବ୍ୟୁରୋ : ୨୦୦୫ରେ ସରକାର ଲାଗୁ କରିଥିବା ନୂତନ ପେନସନ ଯୋଜନାକୁ ବିରୋଧ କରିବା ସହ ପୁରୁଣା ପେନସନ ଯୋଜନା ଲାଗୁ କରିବା ପାଇଁ ‘ଜାତୀୟ ଆନ୍ଦୋଳନ ପୁରୁଣା ପେନସନ ଯୋଜନା’ ପକ୍ଷରୁ ଦାବି ହୋଇଛି। ଏହି ଦାବି ନେଇ ନଭେମ୍ବର ୨୬ ତାରିଖ ଦିନ ସଂସଦ ଘେରାଉ କାର୍ଯ୍ୟକ୍ରମ ରହିଛି। ଏହି କାର୍ଯ୍ୟକ୍ରମରେ ଯୋଗ ଦେବାପାଇଁ ରାଜ୍ୟରୁ ଲକ୍ଷେ ଲୋକ ସପରିବାର ଯିବା ପାଇଁ ପ୍ରସ୍ତୁତ ହେଉଥିବା ଅନୁଷ୍ଠାନ ପକ୍ଷରୁ କୁହାଯାଇଛି। ଓଡ଼ିଶା କର୍ମଚାରୀ ମହାମଞ୍ଚ ପରିସରରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଆନ୍ଦୋଳନର ନେତୃତ୍ବ ନେଉଥିବା ନେତୃବୃନ୍ଦ ଏପରି ସୂଚନା ଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଏଥିପାଇଁ ରାଜ୍ୟ ନେତାମାନଙ୍କୁ ନେଇ ଏକ ୮ ଜଣିଆ କମିଟି ଗଠିତ ହୋଇଛି। କମିଟିରେ ଅକ୍ଷୟ ମଲ୍ଲିକ, ସୁଶାନ୍ତ ବେହେରା, ପ୍ରମୋଦ ଭଞ୍ଜ, ବଙ୍କିମ ଚନ୍ଦ୍ର ସାଗର, ପୂର୍ଣ୍ଣଚନ୍ଦ୍ର ଆଇଚ, ବିଜୟ ମଲ୍ଲ, ରବୀନ୍ଦ୍ର ପ୍ରଧାନ ଓ ଇଫ୍ତକାର ଅହମ୍ମଦ ରହିଛନ୍ତି। ଏକ ଶୋଭାଯାତ୍ରାରେ ଯାଇ ସେମାନେ ସଂସଦ ଘେରାଉ କରିବେ ବୋଲି କହିଛନ୍ତି।ଦାବି ପୂରଣ ନ ହେଲେ ୨୮ ତାରିଖ ଦିନ ସମସ୍ତ ସାଂସଦଙ୍କ ବାସଭବନ ସମ୍ମୁଖରେ ଧାରଣା ଦିଆଯିବା ସହ ଆମରଣ ଅନଶନ କରାଯିବ ବୋଲି ସଂଘ ଘୋଷଣା କରିଛି। ରାଜ୍ୟରେ ନୂତନ ପେନସନ ଯୋଜନାରେ ୧ଲକ୍ଷ ୪୦ ହଜାର କର୍ମଚାରୀ କ୍ଷତିଗ୍ରସ୍ତ ହେଉଥିବା ସଂଘ କହିଛି।