ଓଡିଶା ସୀମାରେ ପଶି ନିର୍ମାଣ କାମ ଚଳାଇଛି ଆନ୍ଧ୍ର : ରାୟଗଡା ସାନଲୁକୁଟି ଗାଁରେ ରାସ୍ତା ଓ ବ୍ରିଜ ନିର୍ମାଣ
ସେପଟେ ଆଳତୀପୁର ପଂଚାୟତରୁ ଗଜପତିରେ ଓଡିଶାକୁ ରାସ୍ତା ସଂପ୍ରସାରଣ କରୁଛି ଆନ୍ଧ୍ର; ଅଟକାଇଲେ ଜିଲ୍ଲା ପ୍ରଶାସନିକ ଅଧିକାରୀ
କନକ ବ୍ୟୁରୋ : କୋରାପୁଟର କୋଟିଆକୁ ନେଇ ସୁପ୍ରିମକୋର୍ଟରେ ମାମଲା ଚାଲିଥିବାବେଳେ ଏବେ ଆନ୍ଧ୍ରର ନଜର ପଡ଼ିଛି ରାୟଗଡ଼ା ଜିଲ୍ଲା ସିମାନ୍ତରେ ଥିବା ସାନ ଲୁକୁଟି ଗାଁ ଉପରେ । ଓଡ଼ିଶାର ଲୋକଙ୍କୁ ଆକୃଷ୍ଟ କରିବା ପାଇଁ ପୁଣି ଆନ୍ଧ୍ର ଆରମ୍ଭ କରିଛି ଗୋଟି ଚାଳନା। ଓଡ଼ିଶା ସୀମାରେ ଖୁଲାମ ଖୁଲା ବ୍ରିଜ ଓ ରାସ୍ତା ନିର୍ମାଣ ଆରମ୍ଭ କରିଦେଇଛି ଆନ୍ଧ୍ର। ଏ ହେଉଛି ରାୟଗଡ଼ା ଜିଲ୍ଲା ସଦର ବ୍ଲକ ବୈରାଗୀ ହଲୁଆ ପଚାଂୟତର ସାନ ଲୁକୁଟି ଗାଁ । ଏହି ଗାଁର ମାତ୍ର ୫ ଶହ ମିଟର ଦୁରରେ ଆରମ୍ଭ ହେଉଛି ଆନ୍ଧ୍ରର ସୀମା ।
Kanak News is now on WhatsApp
Join and get latest news updates delivered to you via WhatsApp
ଆଉ ସୀମା ଆରପଟେ ଆନ୍ଧ୍ରର ଲଡ଼ା ନାମକ ଗାଁ ରହିଥିବା ବେଳେ ଗାଁକୁ ଯିବାକୁ ରାସ୍ତାଟିଏ ବି ନାହିଁ । ଆନ୍ଧ୍ର-ଓଡ଼ିଶା ମଧ୍ୟରେ ବହିଯାଉଥିବା ନାଳ ହିଁ ଏହି ଦୁଇ ଗାଁର ସୀମା । ହେଲେ ଓଡ଼ିଶାର ବିନା ଅନୁମତିରେ ଆନ୍ଧ୍ର ସରକାର ଏହି ନାଳ ଉପରେ ନିର୍ମାଣ କରୁଛନ୍ତି ବ୍ରିଜ । ଏଥିସହ ସାନ ଲୁକୁଟି ଗାଁକୁ ସବୁଦିନିଆ ରାସ୍ତା । ସ୍ଥାନୀୟ ଲୋକଙ୍କ କହିବା ହେଲା ନିର୍ମାଣାଧିନ ବ୍ରିଜର ଅଧିକାଂଶ ଓଡ଼ିଶା ମାଟିରେ ରହିଛି ।
ସେହିପରି ଗଜପତିରେ ଗତ ୧୩ ତାରିଖରେ ପଂଚାୟତ ନିର୍ବାଚନ କରିଥିବା ଆନ୍ଧ୍ର ପୁଣି ଏଠାରେ ରାସ୍ତା ନିର୍ମାଣ ଚଳାଇଛି । ଓଡିଶା ଭିତରେ ପଶି କରୁଛି ରାସ୍ତା ନିର୍ମାଣ । ଆନ୍ଧ୍ର ପ୍ରଦେଶର ଆଳତିପୁର ପଂଚାୟତରୁ ଓଡିଶାକୁ ଯୋଗାଯୋଗ କରୁଥିବା ରାସ୍ତାକୁ ସଂପ୍ରସାରଣ କରି ଓଡିଶା ଆଡକୁ ବଢାଇ ଚାଲିଥିଲା ଆନ୍ଧ୍ର । ଖବର ପାଇ ଗଜପତି ଜିଲ୍ଲା ପ୍ରଶାସନିକ ଅଧିକାରୀମାନେ ପହଂଚି ଏହି ନିର୍ମାଣ କାମକୁ ବନ୍ଦ କରିଛନ୍ତି ।