କୋଟିପତି ପିଏସ ବିରଞ୍ଚି ନାରାୟଣ ସାହୁ ଗିରଫ : ଏବେ ବି ପିଏସଙ୍କ ସମ୍ପତ୍ତିର ଚାଲିଛି ଆକଳନ
କନକ ବ୍ୟୁରୋ : ଗିରଫ ହେଲେ କୋଟିପତି ପିଏସ ବିରଞ୍ଚି ସାହୁ । ଆୟବର୍ହିଭୂତ ସମ୍ପତ୍ତି ଠୁଳ ମାମଲାରେ ତାଙ୍କୁ ଜୋରଦାର ଜେରା କରିଛି ଭିଜିଲାନ୍ସ ବିଭାଗ । ପିଏସଙ୍କ ଘରୁ ଓ ସମ୍ପର୍କୀୟଙ୍କ ଘରୁ ଜବତ ହୋଇଥିବା ପୁଳାପୁଳା ଟଙ୍କା, ସୁନା, ଜମି ଓ ବ୍ୟାଙ୍କ ଆକାଉଂଟରେ ଥିବା ଜମା ରାଶିର ହିସାବ ଚାଲିଛି । ଗତକାଲିଠାରୁ ଏହି ହିସାବ ଚାଲିଥିବା ବେଳେ ଆଜି ଯାଏଁ ସରିନାହିଁ । ଆଜି ତାଙ୍କୁ କୋର୍ଟରେ ହାଜର କରିବ ଭିଜିଲାନ୍ସ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଓଡିଶା ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ ବିରଞ୍ଚି ନାରାୟଣ ସାହୁଙ୍କ ପଛରେ କିଏ ରହିଛି ବଡ଼ ମୁଣ୍ଡ । ଅଭିଯୁକ୍ତ ପିଏସଙ୍କ ଘରୁ ଭିଜିଲାନ୍ସ ବିଭାଗ ଜବତ କରିଛି, ଆଡମିଟ କାର୍ଡ ଓ ଅନ୍ୟ କାଗଜ ପତ୍ର । ଓଏସଏସସି ଏକଜାମର ଆଡମିଟ କାର୍ଡ ବ୍ୟକ୍ତିଗତ ସଚିବଙ୍କ ଘରୁ ଜବତ ହେବା ନିଯୁକ୍ତି ଜାଲିଆତି ଆଡକୁ ସ୍ପଷ୍ଟ ଇଙ୍ଗିତ କରୁଛି । ଏବେ ପ୍ରଶ୍ନ ଉଠୁଛି ଯେ, ଚାକିରୀ ପ୍ରତିଶ୍ରୁତି ଦେଇ ପିଏସ ସମ୍ପତ୍ତି ଏକୁଟିଆ ଟଙ୍କା ଆଦାୟ କରିଛନ୍ତି ନାଁ ଆଉ କିଏ ବଡ଼ ଅଧିକାରୀ ତାଙ୍କ ପଛରେ ରହିଛନ୍ତି, ସେ ନେଇ ତଦନ୍ତ କରିବ କି ଭିଜିଲାନ୍ସ ।
କୁବେର ଭଳି ତାଙ୍କ ସମ୍ପତିର ଅନ୍ୟ କିଛି ବେଆଇନ ଉତ୍ସ ରହିଛି କି ? ଏମିତି ବିଭିନ୍ନ ଦିଗକୁ ଆଧାର କରି ତଦନ୍ତ ଜାରି ରହିଛି । ତେବେ କେତେଜଣ ପରିକ୍ଷାର୍ଥୀଙ୍କ ସହ ସମ୍ପତ୍ତି ଯୋଗାଯୋଗରେ ଥିଲେ ଏବଂ ସେମାନଙ୍କୁ କଣ ପ୍ରତିଶ୍ରୁତି ଦିଆଯାଇଥିଲା ଜାଣିବା ଲାଗି ଆଡମିଟ କାର୍ଡ ମିଳିଥିବା ପରିକ୍ଷାର୍ଥୀଙ୍କୁ ମଧ୍ୟ ଜେରା କରିବାକୁ ଚିନ୍ତା କରୁଛି ଭିଜିଲାନ୍ସ । ଓଏସଏସସି ଏକଜାମର ଆଡମିଟ କାର୍ଡ ବ୍ୟକ୍ତିଗତ ସଚିବଙ୍କ ଘରୁ ଜବତ ହେବା ନିଯୁକ୍ତି ଜାଲିଆତି ଆଡକୁ ସ୍ପଷ୍ଟ ଇଙ୍ଗିତ କରୁଛି । ସେହିପରି ତାଙ୍କ ବାସଭବନରୁ ବର୍ତମାନ ସୁଦ୍ଧା ପାଖାପାଖି ୪ କୋଟି ଟଙ୍କାର ସମ୍ପତ୍ତି ଠାବ ହୋଇଛି । ଏନେଇ ଭିଜିଲାନ୍ସ ବିଭାଗ ପକ୍ଷରୁ ପ୍ରେସ ରିଲିଜ କରି ସୂଚନା ଦିଆଯାଇଛି ।