ଆଜି ସାଧାରଣତନ୍ତ୍ର ଦିବସ :କରୋନା କଟକଣା ଭିତରେ ଦିଲ୍ଲୀରେ ଜାତୀୟ ସ୍ତରୀୟ ପରେଡ; ଜାଣନ୍ତୁ ଗଣତନ୍ତ୍ର ଦିବସରେ ଏଥର ନୂଆ କ’ଣ ?
କନକ ବ୍ୟୁରୋ : ଦେଶ ପାଳୁଛି ୭୨ ତମ ସାଧାରଣତନ୍ତ୍ର ଦିବସ । କୋଭିଡ୍ କଟକଣା ଭିତରେ ପାଳନ ହେଉଛି ଗଣତନ୍ତ୍ର ଦିବସ । ଦିଲ୍ଲୀ ରାଜପଥରେ ଜାତୀୟ ସ୍ତରୀୟ ଗଣତନ୍ତ୍ର ଉତ୍ସବ ପାଳନ ହେବ । ଏଥର ସାମିଲ ହୋଇଥାନ୍ତେ ବ୍ରିଟେନର ପ୍ରଧାନମନ୍ତ୍ରୀ । କିନ୍ତୁ କରୋନା ସଂକ୍ରମଣ ଯୋଗୁଁ ବାତିଲ କରିଥିଲେ ଗସ୍ତ ।
Kanak News is now on WhatsApp
Join and get latest news updates delivered to you via WhatsApp
ଗଣତନ୍ତ୍ର ଉତ୍ସବରେ କ’ଣ ରହିଛି କରୋନା କଟକଣା –
- ଏଥର ଦର୍ଶକଙ୍କ ସଂଖ୍ୟା ୨୫ ହଜାରରେ ସୀମିତ
- ପୂର୍ବରୁ ସାମିଲ ହେଉଥିଲେ ଲକ୍ଷାଧିକ ଲୋକ
- ଗଣମାଧ୍ୟମ ପ୍ରତିନିଧିଙ୍କ ସଂଖ୍ୟା ୨ ଶହରେ ସୀମିତ
- ୧୫ ବର୍ଷରୁ କମ୍ ପିଲାଙ୍କୁ ଆସିବାକୁ ନାହିଁ ଅନୁମତି
- ଦେଖିବାକୁ ମିଳିବନି ମୋଟର ସାଇକେଲ ଷ୍ଟଂଟ
- ମିଳିତ ପରେଡରେ ଭାଗନେବେ ୯୬ ଟ୍ରୁପ
- ପୂର୍ବରୁ ପରେଡରେ ଭାଗ ନେଉଥିଲେ ୧୪୪ ଟ୍ରୁପ
- ପରେଡ୍ ବେଳେ ମାସ୍କ ପିନ୍ଧିବା ବାଧ୍ୟତାମୂଳକ
- କେବଳ ଟ୍ରୁପର ଲିଡର ପିନ୍ଧିବେ ନାହିଁ ମାସ୍କ
- ଟ୍ରୁପର ୧୦ରୁ ୧୨ ଫୁଟ୍ ଆଗରେ ରହିବେ ଲିଡର
- ବିଜୟ ଚୌକରୁ ନ୍ୟାସନାଲ ଷ୍ଟାଡିୟମ ଯାଏଁ ପରେଡ୍
- ୩.୩ କଲୋମିଟର ଯାଏଁ ସଂକ୍ଷିପ୍ତ ହୋଇଛି ପରେଡ୍
- ପୂର୍ବରୁ ଲାଲକିଲ୍ଲା ଯାଏଁ ୮.୨ କିମି ଯାଉଥିଲା ପରେଡ
- ପରେଡରେ ଭାଗ ନେବେନାହିଁ ଅବସରପ୍ରାପ୍ତ ସୈନିକ
ଗଣତନ୍ତ୍ର ଦିବସରେ ଏଥର ନୂଆ କ’ଣ ?
- ପରେଡରେ ସାମିଲ ବାଂଲାଦେଶ ସେନାର ଏକ ଟ୍ରୁପ
- ଟ୍ରୁପରେ ସାମିଲ ୧୨୨ ବାଂଲାଦେଶୀ ସୈନିକ
- ବାଂଲାଦେଶ ପାଳୁଛି ୫୦ ତମ ପ୍ରତିଷ୍ଠା ଦିବସ
- ବାଂଲାଦେଶ ଗଠନରେ ଥିଲା ଭାରତର ଭୂମିକା
- ୨୦୧୬ ପରେଡରେ ସାମିଲ ହୋଇଥିଲା ଫ୍ରାନ୍ସ
- ୟୁଏଇ ସୈନିକ ୨୦୧୭ରେ କରିଥିଲେ ପରେଡ୍
- ଲାଲକିଲ୍ଲା ନିକଟରେ ପ୍ରଦର୍ଶିତ ପ୍ରଜ୍ଞାପନ ମେଢ
- ପ୍ରଥମଥର ଲଦାଖର ପ୍ରଜ୍ଞାପନ ମେଢ ପ୍ରଦର୍ଶନ
- ପରେଡରେ ପ୍ରଥମଥର ସାମିଲ ରାଫେଲ ବିମାନ
- ପରେଡରେ ପ୍ରଥମ ମହିଳା ଲଢୁଆ ବିମାନ ପାଇଲଟ
- ଫାଇଟର ପାଇଲଟ୍ ଭାବନା କାନ୍ତଙ୍କୁ ପରେଡ୍ ନେତୃତ୍ୱ