ପୁଅ, ପତ୍ନୀଙ୍କ ସହ ଆଜି ବିଆରଏସରେ ଯୋଗ ଦେବେ ଗିରିଧର ଗମାଙ୍ଗ : ୯ ପୂର୍ବତନ ବିଧାୟକ ଓ ଜଣେ ପୂର୍ବତନ ସାଂସଦ ବି କେସିଆରଙ୍କ ଦଳରେ ହେବେ ସାମିଲ
କନକ ବ୍ୟୁରୋ : ବିମାନରେ ଗଲେ ‘ଆମ୍ବାସଡର’ରେ ବସିବେ । ତେଲେଙ୍ଗାନାର ଶାସକ ଦଳ ଭାରତ ରାଷ୍ଟ୍ର ସମିତିର ଯୋଗ ଦେବେ ଓଡିଶାର ୯ ପୂର୍ବତ ବିଧାୟକ ଏବଂ ଜଣେ ପୂର୍ବତନ ସାଂସଦ । କେସିଆର୍ ପଠାଇଥିବା ସ୍ୱତନ୍ତ୍ର ବିମାନରେ ଆଜି ଓଡ଼ିଆର ୯ ଜଣ ନେତା ହାଇଦ୍ରାବାଦ ଅଭିମୁଖେ ଯାତ୍ରା କରିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ଗିରିଧର ଗମାଙ୍ଗଙ୍କ ସପରିବାର ସ୍ୱତନ୍ତ୍ର ଚାଟାର୍ଡ ଫ୍ଲାଇଟରେ ହାଇଦ୍ରାବାଦ ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗମାଙ୍ଗଙ୍କ ପତ୍ନୀ ହେମା ଗମାଙ୍ଗ ଓ ପୁଅ ଶିଶିର ଗମାଙ୍ଗ ବିଧିବଦ୍ଧ ଭାବେ ବିଆରଏସରେ ସାମିଲ ହେବେ । ସେମାନଙ୍କ ସହ ଚାଷୀ ନେତା ଶେଷଦେବ ନନ୍ଦ ଓ ଅକ୍ଷୟ କୁମାର, ପୂର୍ବତନ ବୃନ୍ଦାବନ ମାଝୀ, ପୂର୍ବତନ ସାଂସଦ ରାମ ହାଂସଦା, ପୂର୍ବତନ ବିଧାୟକ ନବୀନ ନନ୍ଦ, ବାଲିପାଟଣାର ପୂର୍ବତନ ବିଧାୟକ ରାଘବ ସେଠୀ, ସୋନପୁରର ପୂର୍ବତନ ବିଧାୟକ ଦେବରାଜ ସେଠୀ, ଆରଟିଆଇ କର୍ମୀ ପ୍ରଦୀପ ପ୍ରଧାନ ସ୍ୱତନ୍ତ୍ର ବିମାନ ଯୋଗେ ହାଇଦ୍ରାବାଦ ଯାଇଛନ୍ତି । ହାଇଦ୍ରାବାଦରେ ଏକ କାର୍ଯ୍ୟକ୍ରମରେ ବିଆରଏସ ମୁଖ୍ୟ ଚନ୍ଦ୍ରଶେଖର ରାଓଙ୍କ ଉପସ୍ଥିତିରେ ଏମାନେ ବିଆରଏସରେ ସାମିଲ ହେବେ । କେସିଆରଙ୍କ ସହ ଓଡ଼ିଶା ଚାଷୀ, ଆଦିବାସୀ ଓ ମହିଳାଙ୍କ ବିକାଶ ସମ୍ବନ୍ଧିତ ଆଲୋଚନା ହେବ ବୋଲି ଗିରିଧାରୀ ଗମାଙ୍ଗଙ୍କ ପତ୍ନୀ ହେମା ଗମାଙ୍ଗ କହିଛନ୍ତି ।
ସେପଟେ ଗିରିଧର ଗମାଙ୍ଗ କହିଛନ୍ତି ଯେ ଓଡ଼ିଶାରେ ବିକଳ୍ପ ନଥିବାରୁ ବିଆରଏସ ଏକ ଭଲ ବିକଳ୍ପ । ଗତ ସପ୍ତାହରେ ଏହି ନେତାମାନେ ଚନ୍ଦ୍ରଶେଖର ରାଓଙ୍କୁ ଭେଟି ନୂଆ ସମୀକରଣର ଇସାରା ଦେଇଥିଲେ । ଜାନୁଆରୀରେ ୧୮ରେ ତେଲେଙ୍ଗାନାର ଖମ୍ମମରେ ଚନ୍ଦ୍ରଶେଖର ରାଓଙ୍କ ରାଲିରେ ଦିଲ୍ଲୀ, ପଂଜାବ, କେରଳ ମୁଖ୍ୟମନ୍ତ୍ରୀଙ୍କ ସମେତ ଅନେକ ବଡ ନେତା ଯୋଗଦେଇଥିଲେ । କୁହାଯାଉଛି, ଏମାନେ ମିଳିତ ଭାବେ ଲଢି ୨୦୨୪ରେ ନୂଆ ଜାତୀୟ ସମୀକରଣ ଲକ୍ଷ୍ୟରେ ଅଛନ୍ତି । କୁହାଯାଉଛି ଓଡିଶାରେ ଭାରତ ରାଷ୍ଟ୍ର ସମିତି ଓ ଆମ ଆଦମୀ ପାର୍ଟି ମିଳିତ ଭାବେ ନିର୍ବାଚନ ଲଢିବେ ।