କନକ ବ୍ୟୁରୋ: ସର୍ବଭାରତୀୟ ହାର ଅପେକ୍ଷା ଓଡ଼ିଶାରେ ଅଧିକ ହାରରେ ପୁରୁଷମାନେ ମଦ୍ୟପାନ କରନ୍ତି । ସେମିିତି ଓଡ଼ିଶାର ମହିଳାମାନେ ବି ସର୍ବଭାରତୀୟ ହାର ଅପେକ୍ଷା ଆଗରେ ରହିଛନ୍ତି । ସ୍ୱାସ୍ଥ୍ୟ ମଂତ୍ରଣାଳୟ ଦ୍ୱାରା କରାଯାଇଥିବା ସଦ୍ୟ ପ୍ରକାଶିତ- ଜାତୀୟ ପରିବାର ସ୍ୱାସ୍ଥ୍ୟ ସର୍ଭେ ବା ଏନଏଫ୍ଏଚଏସ-୫ରୁ ଏଭଳି ତଥ୍ୟ ପଦାକୁ ଆସିଛି । ଓଡ଼ିଶାରେ କାହିଁକି ଅଧିକ ଲୋକ ମଦ୍ୟ ପାନ ପାଇଁ ଆଗ୍ରହ ପ୍ରକାଶ କରୁଛନ୍ତି ସେ ନେଇ ଚର୍ଚ୍ଚା ଆରମ୍ଭ ହୋଇଛି ।…
Kanak News is now on WhatsApp
Join and get latest news updates delivered to you via WhatsApp
ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଜାତୀୟ ପରିବାର ସ୍ୱାସ୍ଥ୍ୟ ସର୍ଭେରୁ ଏଭଳି ତଥ୍ୟ ପଦାକୁ ଆସିଛି । ୧୫ ବର୍ଷରୁ ଅଧିକ ବୟସର କେତେ ଲୋକ ମଦ୍ୟପାନ କରୁଛନ୍ତି ସେ ନେଇ ଘର ଘର ବୁଲି ତଥ୍ୟ ସଂଗ୍ରହ କରିଥିଲା ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ନିଯୁକ୍ତ ଏଜେନସି । ମହିଳା ଓ ଶିଶୁମାନଙ୍କର ସ୍ୱାସ୍ଥ୍ୟ, ଓ ଅନ୍ୟ କେତେକ ସୂଚକାଙ୍କ ଉପରେ ପ୍ରାୟ ପ୍ରତି ୫ ବର୍ଷରେ ଏଭଳି ନମୁନା ସର୍ଭେ କରିଥାଏ ସ୍ୱାସ୍ଥ୍ୟ ମନ୍ତ୍ରଣାଳୟ । ୨୦୧୯ରୁ ୨୦୨୧ ମଧ୍ୟରେ ଏହି ସର୍ଭେରେ ଭାରତର ୬,୩୬,୬୯୯ ପରିବାରକୁ ନିଆଯାଇଥିବା ବେଳେ ଓଡ଼ିଶାର ୨୬,୪୭୬ ପରିବାରଠାରୁ ତଥ୍ୟ ସଂଗ୍ରହ କରାଯାଇଥିଲା ।
ସର୍ବଭାରତୀୟ ସ୍ତରରେ କେବଳ ପୁରୁଷ ନୁହନ୍ତି, ମହିଳାମାନେ ବି ଅଧିକ ସଂଖ୍ୟାରେ ମଦ୍ୟପାନ କରୁଥିବା ସର୍ଭେରୁ ଜଣାପଡିଛି । ଭାରତରେ ୧୫ ବର୍ଷରୁ ଅଧିକ ବୟସର ୧.୩% ମହିଳା ମଦ୍ୟପାନ କରୁଥିବା ବେଳେ ଓଡ଼ିଶାର ୪.୩% ମହିଳା ମଦ୍ୟପାନ କରୁଥିବା ସର୍ଭେରୁ ଜଣାପଡିଛି । ମଦ୍ୟପାନ ସହ ଘରୋଇ ହିଂସାର ସଂପର୍କ ରହିଛି । ତେବେ ଓଡ଼ିଶାରେ କାହିଁକି ଅଧିକ ଲୋକ ମଦ ଲୋକ ପିଉଛନ୍ତି ତାହା ନିଶ୍ଚିତ ଭାବରେ ଚିନ୍ତାର ବିଷୟ ହୋଇଛି ।