ଉପରମୁଣ୍ଡାରେ ପ୍ରବଳ ବର୍ଷା ଯୋଗୁଁ ଖୋଲିବ ହୀରାକୁଦ ଗେଟ୍ : ୩୬ ଘଂଟାରେ ମୁଣ୍ଡୁଳିରେ ପହଞ୍ଚିବ ବର୍ଷା ଜଳ
କନକ ବ୍ୟୁରୋ : ଉପରମୁଣ୍ଡାରେ ପ୍ରବଳ ବର୍ଷା ଯୋଗୁଁ ଖୋଲିବ ହୀରାକୁଦ ଗେଟ୍ । ଆଜି ୬ଟି ଗେଟ୍ ଖୋଲାଯିବ । ଅପରାହ୍ନ ୫ଟାରୁ ପର୍ଯ୍ୟାୟ କ୍ରମେ ଖୋଲିବ ୬ଟି ଗେଟ ଖୋଲିବା ନେଇ ନିସ୍ପତି ହୋଇଛି୍ । ୩୬ ଘଂଟାରେ ମୁଣ୍ଡୁଳିରେ ପହଞ୍ଚିବ ବର୍ଷା ଜଳ । ଏନେଇ ଲୋକଙ୍କୁ ସୁଚନା ଦେଇଛନ୍ତି ଡ଼୍ୟାମ୍ କର୍ତୃପକ୍ଷ । ଲୋକଙ୍କୁ ନଦୀ ଭିତରକୁ ନଯିବାକୁ ପରାମର୍ଶ ଦେଇଛନ୍ତି । ହୀରାକୁଦରୁ ଗେଟ ଖୋଲିବା ନେଇ ୩ଟାରୁ ବାଜିବ ସାଇରନ୍ ।
Kanak News is now on WhatsApp
Join and get latest news updates delivered to you via WhatsApp
ସେପଟେ, ସ୍ୱତନ୍ତ୍ର ରିଲିଫ କମିଶନର କହିଛନ୍ତି ଛତିଶଗଡ଼ରେ ବର୍ଷା ହେବାର ଆଶଙ୍କା କରାଯାଉଛି। ତେଣୁ ହୀରାକୁଦରେ ଜଳସ୍ତର ବଢ଼ିପାରେ । ତାକୁ ଦୃଷ୍ଟିରେ ହୀରାକୁଦର ୬ ରୁ ୭ ଟି ଗେଟ ଖୋଲି ପାରେ । କଟକ ମଣ୍ଡୁଳି ଦେଇ ୫ ଲକ୍ଷ ୬ ଲକ୍ଷ କ୍ୟୁସେକ ପାଣି ପାସ କରାଇ ଦେଲେ ଆମର ବନ୍ୟା ସ୍ଥିତି ଉପୁଜିବ ନାହିଁ । ଯଦି ଅଧିକ ପାଣି ଆସେ ତେବେ ଆମକୁ ଅଧିକ ଗେଟ ଖୋଲିବୁ । ତେବେ ମହାନଦୀ ରେ ବନ୍ୟା ସ୍ଥିତି ଆସିବାର ସମ୍ଭାବନା ନାହିଁ । ସମସ୍ତ ବିଭାଗ ମାନଙ୍କୁ ଦୁଇ ସପ୍ତାହ ମଧ୍ୟରେ କ୍ଷୟକ୍ଷତି ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି ।