ନିୟନ୍ତ୍ରଣରେ ଶିମିଳିପାଳର ନିଆଁ : ଟ୍ୱିଟ୍ କରି ସୂଚନା ଦେଲେ ଟାସ୍କଫୋର୍ସ ମୁଖ୍ୟ; କହିଲେ, ପୁରା ନିୟନ୍ତ୍ରଣକୁ ଆସି ଯାଇଛି ଶିମିଳିପାଳର ଅଗ୍ନି
କାଲି ୨୬ଟି ସ୍ଥାନରେ ଲାଗିଥିବା ନିଆଁକୁ କରାଯାଇଛି ଆୟତ
କନକ ବ୍ୟୁରୋ : ନିୟନ୍ତ୍ରଣରେ ଶିମିଳିପାଳର ନିଆଁ । ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ଟାସ୍କଫୋର୍ସ ମୁଖ୍ୟ ସନ୍ଦୀପ ତ୍ରିପାଠୀ । ଟ୍ୱିଟ୍ କରି ଲେଖିଛନ୍ତି-ପୁରା ନିୟନ୍ତ୍ରଣକୁ ଆସି ଯାଇଛି ଶିମିଳିପାଳରେ ଲାଗିଥିବା ନିଆଁ । ଗତକାଲି ୨୬ଟି ସ୍ଥାନରେ ଲାଗିଥିବା ନିଆଁକୁ ମିଳିତ ଭାବେ ଆୟତ କରାଯାଇଥିବା ସୂଚନା ଦେଇଛନ୍ତି । ସେହିପରି ଗତକାଲି ବନ ବିଭାଗ ପକ୍ଷରୁ ଦିଆଯାଇଥିବା
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ବିଗତ ୨୪ ଘଂଟାରେ ରାଜ୍ୟର ବିଭିନ୍ନ ଜଙ୍ଗଲରେ ଲାଗିଥିବା ନିଆଁର ଶତକଡ଼ା ୯୫ ଭାଗ ନିଆକୁ ଲିଭାଯାଇଛି । ବିଗତ ଦୁଇ ଦିନରେ ୬ ହଜାର ୨୫୮ଟି ନିଆଁ ଲାଗିଥିବା ସ୍ଥାନ ମଧ୍ୟରୁ ୩ ହଜାର ୨୫୮କୁ ହ୍ରାସ ପାଇଛି । ରାଜ୍ୟରେ ଅଧିକ ଶହେଟି ଦଳକୁ ଆବଶ୍ୟକତା ଅନୁସାରେ ନିଆଁ ଲିଭାଇବା ଦିଗରେ ନିୟୋଜିତ କରିବା ପାଇଁ ସ୍ଥିର ହୋଇଛି । ଅଧିକ ୭ଶହଟି ବ୍ଲୋୟର ବନାଗ୍ନି ନିର୍ବାପନ କାର୍ଯ୍ୟରେ ନିୟୋଜିତ କରାଯାଉଛି ।
ମୁଖ୍ୟ ଶାସନ ସଚିବଙ୍କ ଅଧ୍ୟକ୍ଷତାରେ ସବୁ ଜିଲ୍ଲାର ଜିଲ୍ଲାପାଳ, ଏସ୍ପି ଓ ଡିଏଫ୍ଓଙ୍କୁ ନେଇ ସମୀକ୍ଷା ପରେ ଏନେଇ ସୂଚନା ଦିଆଯାଇଛି । ଏପଟେ ଓଡ଼ିଶାରେ ଜଙ୍ଗଲ ଜଳିବା ନେଇ ହାଇକୋର୍ଟରେ ମାମଲା ଏକ ଜନସ୍ୱାର୍ଥ ମାମଲା ମଧ୍ୟ ରୁଜୁ ହୋଇଛି ।ହେଲିକପ୍ଟରରେ ଆକାଶମାର୍ଗରୁ ନିଆଁ ଲିଭାଇବାକୁ ନିବେଦନ କରାଯାଇଛି । ରାଜ୍ୟ ଜଙ୍ଗଲ ବିଭାଗ ସଚିବଙ୍କୁ ଏଥିରେ ପକ୍ଷଭୁକ୍ତ କରାଯାଇଛି ।