ମାଟ୍ରିକ ପରୀକ୍ଷା ପାଇଁ ଗୋଟିଏ ଦିନ ପୂର୍ବରୁ ଯିବ ପ୍ରଶ୍ନପତ୍ର ! ଚାଷୀ ଆନ୍ଦୋଳନ ପାଇଁ ତତ୍ପରତା ।
କନକ ବ୍ୟୁରୋ : ଆସନ୍ତା ୨୨ ତାରିଖରୁ ରାଜ୍ୟରେ ଆରମ୍ଭ ହେବାକୁ ଯାଉଛି ହାଇସ୍କୁଲ ସାର୍ଟିଫିକେଟ୍ ପରୀକ୍ଷା (ମାଟ୍ରିକ ପରୀକ୍ଷା) । ତେବେ ଏହାର ଠିକ୍ ଗୋଟିଏ ଦିନ ପୂର୍ବରୁ ନବନିର୍ମାଣ କୃଷକ ସଂଗଠନ ଓଡିଶା ବନ୍ଦ ଡାକରା ଦେଇଥିବା ସୂଚନା ମିଳିଛି । ଆଉ ଏହି ବନ୍ଦକୁ ଦୃଷ୍ଟିରେ ରଖି ପରୀକ୍ଷୀ ସଂକ୍ରାନ୍ତରେ ପ୍ରଶ୍ନ ପତ୍ର ଏବଂ ଉତ୍ତର ଖାତା ସମସ୍ତ ପରୀକ୍ଷା କେନ୍ଦ୍ରକୁ ପରୀକ୍ଷାର ଗୋଟିଏ ଦିନ ଆଗରୁ ଅର୍ଥାତ ୨୧ ତାରିଖ ଦିନ ପଠାଯିବାର ବ୍ୟବସ୍ଥା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନବନିର୍ମାଣ କୃଷକ ସଂଗଠନ ପକ୍ଷରୁ ଦିଆଯାଇଥିବା ବନ୍ଦ ଡାକରା ସମୟରେ ରାସ୍ତା ଅବରୋଧ ସହିତ ଯାନବାହାନ, ରେଳ ଚଳାଚଳ, ସରକାରୀ କାର୍ଯ୍ୟାଳୟ ଏବଂ ଶିକ୍ଷାନୁଷ୍ଠାନ ବନ୍ଦ କରିବା ପାଇଁ ଘୋଷଣା କରାଯାଇଛି । ତେବେ ଏହା ପର ଦିନ ମାଟ୍ରିକ ପରୀକ୍ଷା ଥିବାରୁ ପ୍ରାୟ ୬ ଲକ୍ଷ ପରୀକ୍ଷାର୍ଥୀ, ଅଭିଭାବକ, ଶିକ୍ଷକ ଓ ଶିକ୍ଷାନୁଷ୍ଠାନର କର୍ମଚାରୀମାନେ ପରୀକ୍ଷା କେନ୍ଦ୍ରମାନଙ୍କୁ ଯାତାୟତ କରିବେ । ଏଣୁ ପରୀକ୍ଷାର୍ଥୀ ମାନଙ୍କର ବୃହତ୍ତର ସ୍ୱାର୍ଥକୁ ଦୃଷ୍ଟିରେ ରଖି ନବନିର୍ମାଣ କୃଷକ ସଂଗଠନ ବନ୍ଦ ଡାକରାରୁ ନିବୃତ୍ତ ରହିବା ପାଇଁ ସରକାର ଅନୁରୋଧ କରିଛନ୍ତି ।