ଭୁବନେଶ୍ୱର ପାନ୍ଥ ନିବାସରେ ପାଳିତ ହୋଇଯାଇଛି ଓଡିଆ ନବ ବର୍ଷ ଓ ପଣା ସଂକ୍ରାନ୍ତି । କାର୍ଯ୍ୟକ୍ରମକୁ ଉଦଘାଟନ କଲେ ଓଟିଡିସି ଅଧ୍ୟକ୍ଷ ଲେନିନ୍ ମହାନ୍ତି
କନକ ବ୍ୟୁରୋ : ଭୁବନେଶ୍ୱର ପାନ୍ଥ ନିବାସ ପରିସରରେ ଓଟିଡିସି ଓ ରାଜ୍ୟ ପର୍ଯ୍ୟଟନ ବିଭାଗର ମିଳିତ ଆନୁକୂଲ୍ୟରେ ଓଡିଆ ନବ ବର୍ଷ ଓ ପଣା ସଂକ୍ରାନ୍ତି ୨୦୨୩ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଉଦଘାଟନ କରିଛନ୍ତି ଓଟିଡିସି ଅଧ୍ୟକ୍ଷ ଡକ୍ଟର ଲେନିନ୍ ମହାନ୍ତି । ଏହି ଅବସରରେ ସେ କହିଛନ୍ତି କୋଭିଡ ପରେ ପରିସ୍ଥିତି ବଦଳିଛି । ବିଶ୍ୱର ବିଭିନ୍ନ ପ୍ରାନ୍ତରୁ ଓଡିଶା ବୁଲିବାକୁ ଆସୁଥିବା ପର୍ଯ୍ୟଟକଙ୍କ ସଂଖ୍ୟା ବଢିଛି । ଯାହା ରାଜ୍ୟ ପର୍ଯ୍ୟଟନ ବିଭାଗ ପାଇଁ ଏକ ଶୁଭ ସଙ୍କେତ ।
Kanak News is now on WhatsApp
Join and get latest news updates delivered to you via WhatsApp
ଆଗକୁ ଓଡିଶାକୁ ଆସୁଥିବା ପ୍ରତି ପର୍ଯ୍ୟଟକ ଯେଭଳି ସୁନ୍ଦର ଅନୁଭୂତି ନେଇ ଫେରିବେ ସେନେଇ ମିଳିତ ଉଦ୍ୟମ କରିବ ଓଟିଡିସି ଓ ପର୍ଯ୍ୟଟନ ବିଭାଗ । ଓଡିଆ ନବ ବର୍ଷ ଓ ପଣା ସଂକ୍ରାନ୍ତି ୨୦୨୩ କାର୍ଯ୍ୟକ୍ରମରେ ଓଡିଆ ଘରର ଚଳଣି, ପରମ୍ପରା ଓ ମାନସିକତାକୁ ନେଇ ପ୍ରଦର୍ଶିତ ହୋଇଥିଲା ଚିତ୍ର ପ୍ରଦର୍ଶନୀ । ଯେଉଁଥିରେ ୪୨ ଜଣ ଯୁବ ଚିତ୍ରଶିଳ୍ପୀ ଅଂଶ ଗ୍ରହଣ କରିଥିଲେ । ସମସ୍ତ ଚିତ୍ରଶିଳ୍ପୀଙ୍କୁ ବିଭାଗ ତରଫରୁ ସମ୍ମାନୀତ କରାଯାଇଥିଲା । ଏହା ସହ ସାଧାରଣ ଲୋକଙ୍କ ପାଇଁ ପଣା ଓ କାକରା ବ୍ୟବସ୍ଥା କରାଯାଇଥିଲା ।