ଭେଟେରାନ ଓଲିଉଡ ଅଭିନେତା ଅଜିତ ଦାଶଙ୍କ ପରଲୋକ । ୭୧ ବର୍ଷ ବୟସରେ ଅଜିତ ଦାଶଙ୍କ ପରଲୋକ । କରୋନାରେ ପୀଡିତ ଥିଲେ ଅଜିତ ଦାଶ
କନକ ବ୍ୟୁରୋ: ଆରପାରିରେ ଅଜିତ ଦାଶ । ଓଲିଉଡ ଭେଟେରାନ ଅଭିନେତା ଅଜିତ ଦାଶଙ୍କ ବିୟୋଗ । ମୃତ୍ୟୁ ବେଳକୁ ତାଙ୍କୁ ୭୧ବର୍ଷ ହୋଇଥିଲା । ସେ କରୋନାରେ ଆକ୍ରାନ୍ତ ଚିହ୍ନଟ ହୋଇ ଭୁବନେଶ୍ୱରରେ ଏକ ହସ୍ପିଟାଲରେ ଚିକିତ୍ସିତ ହେଉଛନ୍ତି । ଚିକିତ୍ସାଧିନ ଅବସ୍ଥାରେ ଆଜି ତାଙ୍କର ଦେହାନ୍ତ ହୋଇଛି । ଓଲିଉଡର ହାକିମ ବାବୁ ଭାବେ ପରିଚିତ ଅଜିତ ଆଜି ଆଖି ବୁଜିଛନ୍ତି । ତେବେ ସେ ୬୦ରୁ ଅଧିକ ଚଳଚ୍ଚିତ୍ରରେ ଅଭିନୟ କରିଥିଲେ । ୧୯୭୬ରେ ସିନ୍ଦୂର ବିନ୍ଦୁ ଫିଲ୍ମରେ ପ୍ରଥମେ ଅଭିନୟ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ହାକିମ ବାବୁ, କପାଳ ଲିଖନ, ସରପଂଚ ବାବୁ, ପର ଝିଅ ଘର ଭାଙ୍ଗେନା, ଲୁଟତରାଜ, ପରଦେଶୀ ଚଢେଇ ଭଳି ଫିଲ୍ମରେ ତାଙ୍କ ଅଭିନୟକୁ ଦର୍ଶକ ଭୁଲ ପାରିବେ ନାହିଁ । ହାକିମ ବାବୁରେ ତାଙ୍କ ଉଚ୍ଚକୋଟିର ଅଭିନୟକୁ ଦେଖି ତାଙ୍କ ଫ୍ୟାନ୍ସ ଓଲିଉଡର ହାକିମ ବାବୁ ଡାକିବା ଆରମ୍ଭ କରିଥିଲେ ।