ଆଉ ଏକ ଅଲୋଡ଼ା ରେକର୍ଡ କଲା ଭାରତ : ୩ ଲକ୍ଷ ଟପିଲା ଦେଶରେ କରୋନା ମୃତକଙ୍କ ସଂଖ୍ୟା
ଆମେରିକା, ବ୍ରାଜିଲ ପରେ ତୃତୀୟ ଦେଶ ବନିଲା ଭାରତ
କନକ ବ୍ୟୁରୋ : କରୋନା ଯୋଗୁଁ ଦେଶରେ ୩ ଲକ୍ଷରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ବେଳେ ଏହାକୁ ନେଇ ସାଧାରଣରେ ଭୟ ସୃଷ୍ଟି ହୋଇଛି । ଏଭଳି ଏକ ସମୟରେ ଅଭିନବ ପ୍ରୟାସ କରିଛନ୍ତି ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀ । ରୋଗୀଙ୍କ ମନରୁ ଚାପ ହଟାଇବା ପାଇଁ କୋଭିଡ୍ ହସ୍ପିଟାଲ ଭିତରେ ନାଚଗୀତର ଆୟୋଜନ କରିଛନ୍ତି । ବେଙ୍ଗାଲୁରୁ ସ୍ଥିତ ଡକ୍ଟର ଚନ୍ଦ୍ରମା ଦୟାନନ୍ଦ ହସପିଟାଲ୍ରୁ ଆସିଥିବା ଏପରି ଏକ ଭିଡିଓ ଭାଇରାଲ ହେବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
କରୋନାରେ ଅନେକ ଲୋକ ଗୁରୁତର ହେବା ସହ ପ୍ରାଣ ହରାଇଥିବା ଖବର ରୋଗୀଙ୍କ ମନରେ ଅହେତୁକ ଆଶଙ୍କା ସୃଷ୍ଟି କରୁଛି । ମାନସିକ ଚାପ ଓ ବିଷାଦ ଯୋଗୁଁ ପରିସ୍ଥିତି ଅଧିକ ବିିଗିଡ଼ି ଯାଉଛି । ଏପରି ସମୟରେ ରୋଗୀଙ୍କୁ ଚାପ ମୁକ୍ତ ରଖିବା ପାଇଁ ବେଙ୍ଗାଲୁରୁ ସ୍ଥିତ ଏହି ହସପିଟାଲରେ ସ୍ୱାସ୍ଥ୍ୟ କର୍ମୀମାନେ ଫିଲ୍ମ ଗୀତର ତାଳେ ତାଳେ ନିଜେ ନାଚିବା ସହ ରୋଗୀଙ୍କୁ ମଧ୍ୟ ନଚାଇଛନ୍ତି । ସ୍ୱାସ୍ଥ୍ୟ କର୍ମୀଙ୍କ ଏଭଳି ପ୍ରୟାସକୁ ବେଶ ପ୍ରଶଂସା କରାଯାଇଛି ।