କନକ ବ୍ୟୁରୋ : ଦେଶବ୍ୟାପୀ ତେଜିବାରେ ଲାଗିଛି ‘କୋଲକାତା’ ନିଆଁ । ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣା ଏବେ ହିଂସାର ରୂପ ନେଲାଣି । ଯେଉଁ ଡାକ୍ତରଖାନାରେ ନିର୍ଭୟାକାଣ୍ଡର ପୁନରାବୃତ୍ତି ହୋଇଥିଲା ସେହି ମେଡିକାଲରେ ପଶି ବ୍ୟାପକ ଭଙ୍ଗାରୁଜା କରିଛନ୍ତି ଉତ୍ୟକ୍ତ ଆନ୍ଦୋଳନକାରୀ । ବୁଧବାର ରାତିରେ ଦେଶର ସମସ୍ତ ରାଜ୍ୟରେ ଡାକ୍ତରମାନେ ଏହି ଘଟଣା ବିରୋଧରେ କ୍ୟାଣ୍ଡେଲ ଶୋଭାଯାତ୍ରା କରିଥିଲେ । ଏହାକୁ ନେଇ ପଶ୍ଚିମବଙ୍ଗରେ ବ୍ୟାପକ ପ୍ରତିବାଦ ହୋଇଛି ।

ତେବେ ଗତକାଲି ବିଳମ୍ବିତ ରାତିରେ  ଆରଜି କର ହସ୍ପିଟାଲରେ କିଛି ଲୋକ ପଶି ବ୍ୟାପକ ଭଙ୍ଗାରୁଜା କରିଛନ୍ତି। ଶତାଧିକ ଲୋକ ହସ୍ପିଟାଲ ଭିତରକୁ ପଶି ଭଙ୍ଗାରୁଜା କରିବା ସହ ଡାକ୍ତରମାନଙ୍କୁ ମାଡ଼ ମାରିଛନ୍ତି । ଏହାସହ ଜରୁରୀକାଳୀନ ୱାର୍ଡ ନିକଟରେ ଭଙ୍ଗାରୁଜା କରିଛନ୍ତି। ମେଡିକାଲ କଲେଜରେ ସ୍ଥିତି ଅନିୟନ୍ତ୍ରିତ ହୋଇପଡ଼ିଛି। ଘଟଣାସ୍ଥଳରେ ପଶ୍ଚିମବଙ୍ଗ ପୁଲିସ କମିସନର ପହଞ୍ଚି ସ୍ଥିତି ନିୟନ୍ତ୍ରଣ କରିଛନ୍ତି। ଏହାକୁ ଦୃଷ୍ଟିରେ ରଖି ବ୍ୟାପକ ପୁଲିସ ଫୋର୍ସ ମୁତୟନ କରାଯାଇଛି। ତେବେ ପ୍ରମାଣ ନଷ୍ଟ ପାଇଁ ଉଦ୍ୟମ କରାଯାଇଥିବା ଅଭିଯୋଗ ଲଗାଇଛନ୍ତି ।