ଟ୍ୱିଟର ପରେ ଏବେ ଇନଷ୍ଟାଗ୍ରାମ ଉପରେ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ହେଉଛନ୍ତି ସରକାର । ଜୁନ ୧୮ ରେ ଏନେଇ ବସିବ ସଂସଦୀୟ ସମିତି ବୈଠକ ।
କନକ ବ୍ୟୁରୋ : ମାଇକ୍ରୋ ବ୍ଲଗିଂ ସାଇଟ ଟ୍ୱିଟର ପରେ ଏବେ ଫଟୋ –ଭିଡିଓ ନେଟସ୍ୱାକିଂ ସାଇଟ୍ ଇନଷ୍ଟଗ୍ରାମ ବି ଯାଂଚର ପରିସରକୁ ଆସିଛି । ଦିଲ୍ଲୀ ପୋଲିସର ସ୍ପେଶାଲ ଟିମ୍ ଇନଷ୍ଟାଗ୍ରାମ ବିରୋଧରେ ମାମଲା ଦାଖଲ କରିଛି । କିଛିଦିନ ହେବ ଇନଷ୍ଟାଗ୍ରାମ ଉପରେ ଧାର୍ମିକ ଉନ୍ମାଦନା, ଓ ସାଂପ୍ରଦାୟିକ ହିଂସା କୁ ଉସକାଇବା ଭଳି ଅଭିଯୋଗ ଆସୁଛି । ଏନେଇ ମଙ୍ଗଳବାର ଦିନ ମାମଲା ଦାଖଲ ହୋଇଛି । ଏହି ଅଭିଯୋଗରେ ଧାରା ୧୫୩-ଏ କଥା ବି କୁହାଯାଇଛି । ମାମଲା ଦାଖଲ ହେବା ପରେ ସ୍ପେଶାଲ ସେଲର ଟିମ୍ ଖୁବଶୀଘ୍ର ନୋଟିସ ପଠାଇ ଇନଷ୍ଟାଗ୍ରାମ ଆକାଉଣ୍ଟ ସହିତ ଯୋଡି ହୋଇଥିବା ଅଧିକାରୀ ମାନଙ୍କର ବୟାନ ଦାଖଲ କରିବ । ଏହାପରେ ଏହି ମାମଲା ଉପରେ କାର୍ଯ୍ୟାନୁଷ୍ଟାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଆଜି କେନ୍ଦ୍ର ସରକାରଙ୍କ ଦ୍ୱାରା ସୋସିଆଲ ମିଡିଆର ମାଇକ୍ରୋ ବ୍ଲଗିଂ ସାଇଟ ଟ୍ୱିଟର ଉପରେ ଦୃଢ କାର୍ଯ୍ୟାନୁଷ୍ଠାନ ନିଆଯାଇଛି । କେନ୍ଦ୍ର ସରକାର ଟ୍ୱିଟରକୁ ଆଇନଗତ ସୁରକ୍ଷାରୁ ବାଦ ଦେଇଛନ୍ତି ।
ଏବେ ସୋସିଆଲ ମିଡିଆ ଉପରେ ଦେଶ ବିରୋଧୀ ଗତିବିଧି, ଧାର୍ମିକ ହିଂସାକୁ ଉସକାଇବା, ଭଳି ସଂଗୀନ ଅଭିଯୋଗ ଆସୁଛି । ଏନେଇ ରାଜଧାନୀ ଦିଲ୍ଲୀ ଓ ଉତ୍ତରପ୍ରଦେଶରେ ସୋସିଆଲ ମିଡିଆ ପ୍ଲାଟଫର୍ମ ଉପରେ ମାମଲା ରୁଜୁ ହୋଇଛି । ଏସବୁକୁ ନଜରରେ ରଖି ଜୁନ ୧୮ ତାରିଖ ଦିନ ସଂସଦୀୟ ସମିତିର ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ ।
ଏହି ବୈଠକରେ ସୋସିଆଲ ମିଡିଆର ଅପବ୍ୟବହାରକୁ ରୋକିବାକୁ ସୋସିଆଲ ମିଡିଆ ସାଇଟ ଉପରେ କିଭଳି ପ୍ରତିବନ୍ଧକ ଲଗାଯାଇ ପାରିବ ଓ ସେନେଇ ଆଇନଗତ କାର୍ଯ୍ୟାନୁଷ୍ଠାନକୁ ଦୃଢ କରିବା ନେଇ ଆଲୋଚନା ହେବ ବୋଲି କୁହାଯାଇଛି ।