କନକ ବ୍ୟୁରୋ : ଡ୍ରେସରେ ଦାଗ ଲାଗିଲେ ସମସ୍ତେ ବେଶ୍ ଚିନ୍ତିତ ହୋଇଯାଆନ୍ତି । କିନ୍ତୁ ଏବେ ସେହି ଚିନ୍ତାରୁ ଆପଣମାନଙ୍କୁ ମିଳିପାରିବ ମୁକ୍ତି । କାରଣ ଖୁବଶୀଘ୍ର ବଜାରରେ ମିଳିବ ଏମିତି ପୋଷାକ ଯେଉଁଥିରେ ସସ୍, ଚା କିମ୍ବା ଅନ୍ୟ କୌଣସି ଖାଦ୍ୟ ପଦାର୍ଥ ପଡିଲେ ଦାଗ ପଡିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସାଧାରଣତଃ ପ୍ୟାଣ୍ଟ, ସାର୍ଟ କିମ୍ବା ଡ୍ରେସରେ ଦାଗ ଲାଗିଗଲେ ସଫା କରିବା ପାଇଁ ବହୁ କଷ୍ଟ କରିବାକୁ ପଡିଥାଏ । ମାତ୍ର ଏବେ ବଜାରକୁ ଆସିଛି ଏମିତି ପୋଷାକ ଯେଉଁଥିରେ ସହଜରେ ଦାଗ ଲାଗିବ ନାହିଁ । ଚା, କଫି କିମ୍ବା କିଛି ଖାଦ୍ୟ ସାମଗ୍ରୀ ପଡିଲେ ପୋଷାକରେ ଦାଗ ଲାଗିବ ନାହିଁ । କିଛି ଏମିତି ଡ୍ରେସ୍ ତିଆରି କରିଛନ୍ତି ବେଙ୍ଗାଲୁରୁର ଏକ ଷ୍ଟାର୍ଟ ଅପ୍ ସଂସ୍ଥା ବିଗଫି ଟେକ୍ନୋଲୋଜିସ୍ ପ୍ରାଇଭେଟ ଲିମିଟେଡ । ‘ଟର୍ମସ୍’ ନାମକ ଏକ ବ୍ରାଣ୍ଡର ପୋଷାକ ତିଆରି କରିଛି ଏହି କମ୍ପାନୀ । ଏହି ପୋଷାକରେ କୌଣସି ଦାଗ ଲାଗିବ ନାହିଁ ବୋଲି କମ୍ପାନୀ ପକ୍ଷରୁ କୁହାଯାଇଛି । ନିକଟରେ ଓଡିଶାରେ ଏକ ଟ୍ରେଡ୍ ସୋ ମାଧ୍ୟମରେ ଏହି ସବୁ ପୋଷାକ ଉନ୍ମୋଚନ କରାଯାଇଛି ।
ପ୍ରଥମ ପର୍ଯ୍ୟାୟରେ ପୁରୁଷ ବର୍ଗ ପାଇଁ ଟି-ସାର୍ଟ, ଟ୍ରାକ୍ ପ୍ୟାଂଟ ପ୍ରସ୍ତୁତ କରାଯାଇଛି । ପରେ ଉଭୟ ମହିଳା ଓ ପୁରୁଷଙ୍କ ପାଇଁ ଡ୍ରେସ୍ ତିଆରି କରିବାକୁ ଯୋଜନା ରଖିଛି କମ୍ପାନୀ । ଟର୍ମସ୍ ବ୍ରାଣ୍ଡର ଏହି ପୋଷାକର ମୂଲ୍ୟ ୭୯୯ଟଙ୍କାରୁ ଆରମ୍ଭ ହୋଇ ୧୯୯୯ ଟଙ୍କା ପର୍ଯ୍ୟନ୍ତ ରହିଛି । ବର୍ତମାନ ସମୟରେ ଅନଲାଇନ ସପିଙ୍ଗର ଚାହିଦା ରହିଥିବା ବେଳେ ଏହି ବ୍ରାଣ୍ଡର ପୋଷାକ ଅଳ୍ପକିଛି ଅନଲାଇନ ସାଇଟରେ ଉପଲବ୍ଧ ହେଉଥିବା ବେଳେ ଆଗକୁ ଅଧିକ ସାଇଟରେ ବିକ୍ରି ହେବା ନେଇ କମ୍ପାନୀ କର୍ତୃପକ୍ଷ କହିଛନ୍ତି ।