କୋଣାର୍କ ସୂର୍ଯ୍ୟ ମନ୍ଦିରରେ ମିଳୁନି ପିଇବା ପାଣି! ପାନୀୟ ଜଳ ଓ ଶୌଚାଳୟର ସୁବ୍ୟବସ୍ଥା ନଥିବାରୁ ଅସନ୍ତୋଷ ପ୍ରକାଶ କଲେ ପର୍ଯ୍ୟଟକ
କନକ ବ୍ୟୁରୋ: କୋଣାର୍କରେ ମିଳୁନି ପିଇବା ପାଣି । ଖରାରେ ବୁଲିବା ବେଳେ ପିଇବାକୁ ପାଣି ନମିଳିବାରୁ ଅସନ୍ତୁଷ୍ଟ ପର୍ଯ୍ୟଟକ । ଏବେ ସାରା ରାଜ୍ୟରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଛି । ଆଉ ଏତିକି ବେଳେ ବିଶ୍ୱ ଐତିହ୍ୟ ସୂର୍ଯ୍ୟମନ୍ଦିରରେ ମିଳୁନି ପାନୀୟ ଜଳ । ଖରାରୁ ଆସ୍ୱସ୍ତି ପାଇଁ ସେଡ଼୍ ଏବଂ ଟଏଲେଟ୍ ବ୍ୟବସ୍ଥା ନଥିବାରୁ ଅସନ୍ତୋଷ ବ୍ୟକ୍ତ କରିଛନ୍ତି ପର୍ଯ୍ୟଟକ । ଏଏସଆଇ କିମ୍ବା ସ୍ଥାନୀୟ ପ୍ରଶାସନ ଏନେଇ କିଛି ପଦକ୍ଷେପ ନେଉନଥିବାରୁ ବିଭିନ୍ନ ମହଲରୁ ଉଦ୍ବେଗ ପ୍ରକାଶ ପାଉଛି ।
Kanak News is now on WhatsApp
Join and get latest news updates delivered to you via WhatsApp
ପର୍ଯ୍ୟଟନ କ୍ଷେତ୍ରର ବିକାଶ ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି କିନ୍ତୁ ବିଶ୍ୱ ଐତିହ୍ୟ କୋଣାର୍କରେ ପର୍ଯ୍ୟଟକଙ୍କ ପାଇଁ ମୌଳିକ ସୁବିଧା ଯୋଗାଇନଦିଆଯିବା ସାଧାରଣରେ ପ୍ରଶ୍ନ ସୃଷ୍ଟି କରିଛି । ପ୍ରତିଦିନ ରାଜ୍ୟ ତଥା ରାଜ୍ୟ ବାହାରୁ ଅନେକ ପର୍ଯ୍ୟଟକ ଏହି ସ୍ଥାନକୁ ବୁଲିବାକୁ ଆସନ୍ତି । କିନ୍ତୁ ମନ୍ଦିରରେ ପର୍ଯ୍ୟଟକଙ୍କ ପାଇଁ ଏଭଳି ଅବ୍ୟବସ୍ଥା ଯୋଗୁଁ ଅସନ୍ତୋଷ ବ୍ୟକ୍ତ କରିଛନ୍ତି ପର୍ଯ୍ୟଟକ ।