ଚାଷୀ ନେତା ରାକେଶ ଟିକାୟତଙ୍କ ବଡ ଘୋଷଣା । ଉତ୍ତରପ୍ରଦେଶ ଓ ଉତ୍ତରାଖଣ୍ଡରେ ହେବନି ଚକାଜାମ ।
କନକ ବ୍ୟୁରୋ: ଚାଷୀ ସଙ୍ଗଠନମାନେ ଆସନ୍ତାକାଲି ଅର୍ଥାତ ଫେବୃଆରୀ ୬ ତାରିଖରେ ସାରା ଦେଶରେ ଚକାଜାମ ଘୋଷଣା କରିଛନ୍ତି । ଏହାରି ଭିତରେ କିନ୍ତୁ ଚାଷୀ ନେତା ରାକେଶ ଟିକାୟତ ଗଣମାଧ୍ୟମକୁ ଏକ ବଡ ବୟାନ ଦେଇଛନ୍ତି । ସେ କହିଛନ୍ତି ଯେ, ଉତ୍ତରପ୍ରଦେଶ ଓ ଉତ୍ତରାଖଣ୍ଡରେ ଏହି ଚକାଜାମ ପାଳନ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଚାଷୀମାନେ କାହିଁକି ଏହି ଦୁଇ ରାଜ୍ୟରେ ଚକାଜାମ୍ କରିବେନି ସେନେଇ ରାକେଶ ଟିକାୟତ କୌଣସି ସ୍ପଷ୍ଟ ସୂଚନା ଦେଇନାହାନ୍ତି । କୁହାଯାଉଛି, ଏହି ଦୁଇ ରାଜ୍ୟରେ ବିଜେପ କ୍ଷମତାରେ ଥିବାରୁ ଚାଷୀନେତା ଏଭଳି ନିଷ୍ପତ୍ତି ନେଇଛନ୍ତି । ତା ସହ ଦିଲ୍ଲୀ ଓ ଏନସିଆରରେ ମଧ୍ୟ ଚକାଜାମ୍ ହେବନି ବୋଲି ପୂର୍ବରୁ ଘୋଷଣା ହୋଇସାରିଛି ।
ଆସନ୍ତାକାଲି ନୂଆ କୃଷି ଆଇନକୁ ବିରୋଧ କରି ଚାଷୀମାନେ ଚକାଜାମ୍ ଘୋଷଣା କରିଛନ୍ତି । କାଲି ଦିନ ୧୨ଟାରୁ ୩ଟା ପର୍ଯ୍ୟନ୍ତ ଏହି ବନ୍ଦ ପାଳନ ହେବ । ଚାଷୀମାନେ ରାଜରାସ୍ତାରେ ଚକାଜାମ୍ କରିବା ସହିତ ବନ୍ଦ ପାଳନ କରିବେ । ସୂଚନାଯୋଗ୍ୟ ଯେ, କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ଚାଷୀମାନେ ଦୀର୍ଘ ଦିନ ହେଲା ବିକ୍ଷୋଭ ପ୍ରଦର୍ଶନ କରୁଛନ୍ତି । ଏହା ଭିତରେ ଚାଷୀ-ସରକାରଙ୍କ ଭିତରେ ଏକାଧିକ ଥର ଆଲୋଚନା ହୋଇଥିଲେ ବି କୌଣସି ନିଷ୍ପର୍ସ ବାହାରିପାରିନି । ଯାହା ଫଳରେ ଚାଷୀମାନେ ଫେବୃଆରୀ ୬ ତାରିଖରେ ଚକାଜାମର ଘୋଷଣା କରିଛନ୍ତି ।