ଗୁଜରାଟ ବିଜେପି ସଂକଟର ଅନ୍ତ ! ନୀତିନ ପଟେଲଙ୍କ ଅଭିମାନ ଭଙ୍ଗ, ମିଳିଲା ଅର୍ଥ ବିଭାଗ
କନକ ବ୍ୟୁରୋ : ଗୁଜରାଟ ବିଜେପିରେ ଚାଲିଥିବା ସଂକଟ ଟଳିଛି । ନୀତିନ ପଟେଲଙ୍କ ଦାବିକୁ ବିଚାର କରି ଦଳ ୧୨ ଘଂଟା ଭିତରେ ତାଙ୍କୁ ଅର୍ଥ ବିଭାଗ ଦେବାକୁ ନିଷ୍ପତି ନେଇଛି । ଏଥିସହ ଗୁଜରାଟରେ ବିଜେପିର ନୂଆ ସରକାର ପାଇଁ ସୃଷ୍ଟି ହୋଇଥିବା ସଙ୍କଟ ଟଳିଛି । ଉପମୁଖ୍ୟମନ୍ତ୍ରୀ ନୀତିନ ପଟେଲ ନିଜ ମନ୍ତ୍ରାଳୟରେ ଯୋଗ ଦେଇ କାର୍ଯ୍ୟଭାର ଗ୍ରହଣ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଖାଲି ଏତିକି ନୁହେଁ ମୁଖ୍ୟମନ୍ତ୍ରୀ ବିଜୟ ରୁପାଣୀଙ୍କ ସହ କ୍ୟାବିନେଟ ବୈଠକରେ ମଧ୍ୟ ସାମିଲ ହୋଇଛନ୍ତି ନୀତିନ ପଟେଲ । ଏଥିସହ ବିଭାଗ ବଂଟନକୁ ନେଇ ଗୁଜରାଟର ବିଜେପିରେ ଦେଖା ଦେଇଥିବା ମାନ ଅଭିମାନ ଶେଷ ହୋଇଛି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହାଙ୍କ ଫୋନ କଲ ଆସିବା ପରେ ନୀତୀନ ପଟେଲଙ୍କ ଅଭିମାନ ଭଙ୍ଗ ହୋଇଛି । ଏହାପରେ ସେ ମନ୍ତ୍ରାଳୟକୁ ଯାଇ କାର୍ଯ୍ୟଭାର ସମ୍ଭାଳିଛନ୍ତି ।
ନୀତିନ ପଟେଲ ଗଣମାଧ୍ୟମ ଆଗରେ କହିଛନ୍ତି, ତାଙ୍କ ଦାବି ଉପରେ ବିଚାର କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଅମିତ ଶାହା । ଏଥିସହ ସେ କହିଥିଲେ କୌଣସି ଗୁରୁତ୍ୱପୂର୍ଣ୍ଣ ମନ୍ତ୍ରାଳୟ ଚାହୁଁ ନାହାନ୍ତି, ପୂର୍ବରୁ ଯେଉଁ ବିଭାଗର ମନ୍ତ୍ରୀ ଥିଲେ ସେହି ବିଭାଗରେ କାମ କରିବାକୁ ଚାହୁଁଛନ୍ତି । ଦଳ ଛାଡିବା ଚର୍ଚ୍ଚା ଉପରେ ମତ ରଖି ନୀତିନ କହିଥିଲେ, ୪୦ ବର୍ଷ ବିଜେପି କାର୍ମୀ ଭାବେ କାମ କରିଆସୁଛି । ଦଳ ପ୍ରତି ନିଷ୍ଠା ଦେଖି ଉପମୁଖ୍ୟମନ୍ତ୍ରୀ କରାଯାଇଛି, ତେଣୁ ଦଳ ଛାଡିବାର ପ୍ରଶ୍ନ ନାହିଁ ବୋଲି କହିଛନ୍ତି ନୀତିନ ପଟେଲ ।